منتديات الحور العين - مشبك بلاستيك ـ مراسلنا ع الحبل ـ

[center][font=comic sans ms][size=6][color=#ec6400][b]مشبك بلاستيك[/b][/color]
[color=#808080][color=#808080][b] كتب [/b][/color] هيثم دبور[/color] [/size][/font]
[font=comic sans ms][size=6][/size][/font]

[font=comic sans ms][size=6]بُكرة هيصير عضمى ناشف
وأمشى عكس السير مُخالف
واما يعلى الموج بقوة مش هطاطى
هيلاقينى لوحدى واقف
إيه هيقدر يكسر الباقى اللى فيّا
واللى باقى معدش خايف
واللى فات من عمرى قبل اللحظة ديّه
زى مشبك عضّ فى كتف الفانلة
وَهَمُه إنه لما هيسيبه هيسقط
والنعال هتدوس بياضه
خاف ليفلت
حب سجَانُه بمزاجه
رغم إن الريح بتوعد.. راح تشيله
راح تطير بيه فوق حدود حبل المشابك
كل يوم بيقول هجرَب بس بُكرة
واما بُكرة قوام يجيله
يبقى آسف
بس بيكمّل كلامه للفانلات اللى جنبه
صدقونى
بكرة هيصير عضمى ناشف
[/size][/font][/center]