زلبطة ـ مراسلنا زلبطة ـ
 

[center][font=traditional arabic][size=6][color=#ec6400][b]زلبطة[/b][/color]
[b][color=#5d5552][/color][/b]
[color=#808080][color=#808080][b] كتب [/b][/color] على سلامة[/color] [/size][/font]
[font=traditional arabic][size=6]كان شعرى ناعم جميل
وعيونى شايفة النيل
فضل ونعمة من ربنا
طاهر برىء حر اتخلقت..
يا ترى بعد كده اتحلقلى زلبطة
ولا أنا بمزاجى حلقت..
ماشى فرحان
وخدت راحتى مع الفرح والأمل
وزى ما تقول كده اتبحبحت..
وهى لحظة يا معلم..
ماعرفش نمت أو غفلت
أو جايز أكون سرحت..
لاقيتنى طاير فى الهوا..
وع الأرض طاخ..
يمكن أكون اتزحلقت..
الهبدة كانت تقريباً جامدة..
لأن نفسى وراح..
ودمى ساح..
كأنى اندبحت..
فضلت أندب فى حظى..
وأقول لروحى..
يا عم خلاص..
إنت يعنى إمتى عملت حاجة وفلحت..
دى الدنيا راحت..
وجت وراحت..
وإنت يا دوب بصيت
واستغربت أوى وبعدين تنحت..
المهم أنا ساعتى راحت فين..
وفين دبلة الجواز..
وأقول لمراتى إيه..
اتسرقت..
أقول لها الشارع كان ضلمة..
وفيه ماسورة ضاربة..
ما إحنا مقضيينها
فحت وردم وفحت..
ولما خدت نفسى وريحت..
قلت أنفض هدومى..
وأرجع محترم تانى..
لكن لا لقيت القميص..
ولا البنطلون..
ولا لامؤاخذة الحاجات اللى تحت..
[/size][/font][/center]