الموضوع
:
تعالوا بسرعة نستعد لرمضان!
عرض مشاركة واحدة
#
10
05-31-2009, 06:34 AM
اللهم لا تمتني إلا شهيداً
+.+ ضيف غير مسجل +.+
عارفين كلنا المقولة الشهيرة لسيدنا علي رضي الله عنه عندما قال(اعرف الحق تعرف رجاله وليس بالرجال يُعرف الحق وإنما بالحق يُعرف الرجال!)
تيجي واحدة تقولي طب ودة إيه علاقته بالحجاب؟!
نقولها يا أختي الفاضلة الحجاب مش كلمة بتتقال وكمان مش قطعة قماش بتتحط عالشعر
سمعتن قبل كدة عن الحجاب المتبرج؟!
طب بلاش
سمعتن قبل كدة عن الكاسيات العاريات؟!
أكيد لأن اللفظ دة في نص كلام النبي عليه الصلاة والسلام
كاسيات عاريات!
يمكن الواحد ما كانشي يقدر يتصور الجملة دي قبل أن يعيش ما نعيشه منذ قرن تقريباً إلى الآن!
نعم الكثير للأسف كاسيات ولكن عاريات!
يعني لاهي ساترة نفسها تماماً
ولاهي كاشفة نفسها تماماً!
وسطية يعني!
طبعاً إحنا مالناش دعوة بدول خالص ربنا يهديهن وأهاليهن!
لكن فعلاً في حجاب متبرج أو حجاب على ما تفرج يعني!
وكمان عاوزين نوضح معنى الحجاب بشكل عملي!
إزاي الكلام دة؟!
طب قبل ما نقول إزاي نرجع لمقولة سيدنا علي رضي الله عنه الذي ذكرناها في بداية هذه الفقرة
تعالوا نعرف الحق عشان نعرف رجاله
بمعنى أصح تعالين نعرف الحجاب عشان نعرف المحجبات من غيرهن!
ومش أي واحدة تغطي بعض شعرها نقول عليها محجبة!
ومش أي واحدة لابسة طويل نقول عليها محتشمة
نعرف الحجاب الشرعي عشان نميز المحجبات بحق وحقيقي عن غيرهن
لأ000مش أقصد إننا نميزهن في المعاملة وإنما نعرف على الأقل إنه دي محجبة ودي لأ
نعرف الحجاب الشرعي من الحجاب النص كم!
طب هو في حجاب غير شرعي عشان نقول حجاب شرعي؟!
للأسف نضطر للقول بهذا لأن كل يدعي وصلاً بليلى وليلى لا تقر لهم بذاك!
الكل يدعي الحجاب والحجاب برىء من إدعائاتهم!
حتى بعض المتخلفات دينياًَ قلن بأن الحجاب حجاب العقل مش الجسم!
مع إن الناس دي لو سألتها طب وأين حجاب القلب وأين حجاب الجوارح وأين حجاب اللسان والعين والأذن و000إلخ
اشمعنى يعني العقل الي بتقصدوه من الحجاب؟!
طب وأمهات المؤمنين رضوان الله عليهن أجمعين لم لم يكتفين بحجاب العقل؟!
وكذلك الصحابيات ونساء السلف من بعدهن؟!
سيبك منهن دول فعلاً حجبوا عقولهن وكشفن عن شعورهن وأجسادهن!!
المهم نضطر للقول بلفظة الحجاب الشرعي حتى نميزه عن حجاب آخر زمن!
يعني مثلاً زمان كنا بنقول كمبيوتر على أي جهاز يحمل هذا الاسم!
لكن دلوقتي بنقول كمبيوتر أصلي أو أوريجنال حتى نميزه عن الكمبيوتر التجميع وهكذا!
والحجاب الشرعي له أوصاف بسيطة وشاملة حددها العلماء واتفقوا عليها وإن شاء الله الجميع هنا يقتنع بها
الحجاب إخوتي كما قال العلماء يجب أن يشمل الجسم كله ماعدا الوجه والكفين عند من يرى بعدم فرضية تغطيتهما
والحجاب الشرعي لا يشف ولا يصف ولا يلفت النظر ولا يكون زينة في نفسه أو به ما يزينه ولا يكون مشابه لملابس الرجال أو للكافرات ولا يكون معطراً!
آآآآآه
شايف كراتين البيض جاهزة عشان تتحدف عليا
وسامع عبارات التبرم والضيق
والحواجب بقت كلها حداشرات!
والأسلحة كلها جهزت!
أمشي ولا تسمعوني للآخر؟!
شوفوا يا جماعة
احنا قلنا نعرف الحق عشان نعرف رجاله وأظن محدش يختلف في الموضوع دة
واحنا دلوقتي بنتكلم عن الحجاب عن فريضة إسلامية عظيمة اسمها الحجاب
والحجاب فرض على كل مسلمة بالغة كما نعرف
لكن الحجاب نفسه معناه إيه؟!
الحجاب لغوياً معناه الستر أو المنع000والمقصود هنا الستر كما نعلم
والحجاب فريضة إسلامية لا يختلف أحد على فرضيتها وليس هذا مجال لمناقشة هذا الأمر
لكن إحنا هنا هنتكلم عن الحجاب الشرعي ومعناه وشروطه
ونحاول تطبيق دة عمليا بإن كل واحدة حتى المنتقبة منكن تراجع نفسها عليه
احنا داخلين يا جماعة على رمضان وعاوزين رمضان السنة دي يبقى أفضل بكثير من الأعوام السابقة وقد يكون أخر رمضان يمر علينا!
ساعات كتير بتشعروا إنكم ما استمتعتوش برمضان كما يجب 000صح؟
أكيد مريتم بالشعور دة0000وإحنا في هذا الموضوع بنحاول نضع يدينا على أسباب ذلك لنعالجها
نرجع للحجاب الشرعي
هنسمك الشروط شرط شرط ونناقشه أو نتكلم عنه بإيجاز(اوعوا تزهقوا دة كلام والله مفيد جداً بإذن الله مش عشان أنا الي بتكلم وإنما عشان الحجاب دة مهم ليكم ولينا على السواء!!)
هنتكلم عن كل شرط وكل واحدة منكن تراجع نفسها عليه هل توافقه فتحمد ربها أم لا فتعمل اللازم
قلنا إنه شروطه
- ستر الجسم كله ماعدا الوجه والكفين عند من لا يرى فرضية تغضيتهما
طيب الي بعده
استنوا بس000انتوا راجعتوا الشرط دة كويس؟
ستر كل الجسد ماعدا الوجه والكفين إن لم تري فرضية ذلك
للأسف يا أخوات كثير منكن لا تلتزم بذلك
صحيح ممكن تغطي كل جسدها لكن أثناء المشي أو الجلوس أو ركوب وسائل المواصلات بيظهر بعض جسدها وأنا مش هتكلم في النقطة دي كتير لأنه أكيد معروفة ومش غاوي أحرج نفسي معاكن!
لكن راجعوها على أنفسكن وانتهى الأمر
-ألا يشف00000يعني لا يظهر ما تحته من الملابس
يعني الي تلبس أبيض وباين من تحته الملابس الداخلية صدقوني بيبقى شكلها وحش قوي قوي قوي!
معقولة؟! معقولة واحد ينظر لكي يعرف لون الملابس الداخلية وانتي لابسة أو تظني إنك لابسة ؟!
أظن يعني عيب قوي وشكلها وحش قوي 000وطبعاً الكلام مش عالأبيض بس وإنما على أي ملابس تشف ما تحتها ومش بقول الأبيض حرام لكن الأبيض الذي يُظهر ما تحته أكيد حرام!
احنا بنتكلم عن الحجاب يعني الستر فأين الستر فيما يشف؟!
راجعي نفسك أختاه وارتدي السميك ولو كان الجو حاراً فنار جهنم أشد حراً لو كنتي تعلمين!
-ألا يصف00000ودي عاوزة وقفة بل وقفات!
ألا يصف بمعنى لو نظرت إليكي لا أعرف أي تفاصيل عن جسدك غير الطول مثلاً!
صعبة دي؟!
فالجماعة الي بيلبسوا ضيق ويقولوا إحنا محجبات أهو نقولهم إيه؟!
الأخوات اللاتي ترتدين البناطيل ولو كانت واسعة وفضفاضة نقولهن إيه؟
أوسع بنطلون فيكي يا دنيا مش هيظهر حجم الرجلين ويجسمهما مع المشي؟!!!
أكيد طبعاً000يبقى بأي حق وبأي وجه نصف من تلبسه بالمحجبة؟!
لو هتلبسيه تحت ماشي بل هذا أفضل إن شاء الله لكن مافيش فوقه حاجة لا يا أختي
مش انتي الي تعملي كدة!000الكافرة ممكن أو الرجل ممكن لكن الأخت المسلمة مش ممكن!
مش معنى كدى إني والعياذ بالله أشكك في إيمان من تلبس البناطيل أبداً والله
أنا بس بقول إننا بنتكلم عن الحجاب الشرعي وبنحاول قدر المستطاع نطبقه عملياً عشان ما يبقاش كلام نظري وآدي النتيجة!
ما تقولي بقى جينز أو واسع أو فضفاض أو اسود ومنيل بنيلة لأنه أي شىء يُطلق عليه اسم بنطلون لا يناسب الحجاب الشرعي ما دام ليس فوقه شىء!
ما تضحكيش على نفسك يا أختي الفاضلة وراجعي نفسك قبل ما تلاقيها بتتحاسب على كل الي بتعمليه في نفسك دة!
تلبسي بنطلون وتمشي بيه في الشارع؟!
يااااااااه000وكمان بتظني إنك محجبة؟ لا أبداً والله
لا دين ولا عقل يقبل بهذا!
وكون المجتمع يقبله فالعُرف إن تعارض مع الدين يغور العُرف!
ياريتك تقربي من ربنا خطوة وتتخلصي من بناطيلك دي أو ترتديها تحت الملابس الشرعية أو ترتديها في البيت في عدم وجود أغراب لكن قدام الأغراب أو في الشارع لأ!
احنا عاوزين نقرب مش نبعد
ولا تنسي إنه من أتى الله يمشي أتاه سبحانه وتعالى هرولة
وثقي ويكون عندك يقين إنه كل ما تقربي من ربنا هتشعري بسعادة وكل ما تسدي جوانب النقص الإيماني عندك بتطبيقك العملي هتلاقي ربنا معاكي بيساعدك ويجعل لكي مخرج من أي مشكلة
فمن يتقي الله يجعل له إيه؟ مخرجاً!
وإذا كنتي مش مقتنعة يا ستي ممكن نقولك زي ما قلنا للإخوة جرَّبي!
ولو إني شايف إنه حيائك سيمنعكِ بإذن الله أن تخرجي بالبنطال(أظن دة اسمه باللغة العربية والله أعلم!)
وأي لبس يظهر تفاصيل جسدك يُعتبر مُخالف شرعاً ولأني مش أفهم كتير في لبس البنات أو مسمياته فأقول بإيجاز إنك جوهرة والجوهرة دي كلما ظهر منها شىء زاد طمع الطامعين!
فاحرصي على نفسك ما يحرص عليكي الله ورسوله!
-ألا يكون زينة أو به زينة!
القصد هو عدم لفت النظر فلو كان ما ترتديه زينة في نفسه أو به ما يزينه(بحجة جمال الملابس أو تناسقها أو مظهر المرأة المسلمة وغيره من الدعاوي) تلفت النظر فهذا أختي مخالف للزي الشرعي
-ألا يكون مشابهاً لملابس الرجال أو الكافرات
بالنسبة للرجال فعارفين إنه رسولنا الكريم عليه الصلاة والسلام لعن الرجال المتشبهين بالنساء ولعن النساء المتشبهات بالرجال!
تخيلي لما رسول الله صلى الله عليه وسلم نفسه يلعنك؟! شىء قاسي جداً
رسولنا صلى الله عليه وسلم لا يطلق اللعنات هباءاً كما قد نفعل نحن ولكنه يلعن من يستحق بحق اللعن!
من هذه التي تعلنها يا حبيب الله؟! أعوذ بالله منها ونعوذ بالله أن تكون بيننا ملعونة!
أما التشبه بالكافرات فلا يحتاج لكلام وأصلاً من تلتزم بالحجاب الشرعي لن تكون متشبهة بالكافرات في شىء بل بالعكس كلما ابتعدي عن الحجاب الشرعي كلما تشبهتي بهن!
وهل أتى الحجاب النص كم(على ما تفرج يعني
) إلا منهن؟!
-ألا تكون الملابس معطرة طالما ستمر أمام أمام الرجال
وطبعاً دي مش بس مش ملتزمة بالحجاب الشرعي وإنما وصفها رسولنا الكريم بالزانية!(مش فاكر الحديث دلوقتي)
زانية؟! ومن يصفك بذلك؟ رسول الله؟!
يا الله!
لا أعلم كيف تتعطر أخت بعد ما تعرف دة وتمشي أمام الرجال!
أترضي أن يصفك رسولنا الكريم صلى الله عليه وسلم بالزانية؟!
وإذا كان دة وصف خاتم الأنبياء فماذا تتوقعين يوم القيامة أثناء الحساب؟
هل مازلتي تستمعين لوساوس الشيطان إنه مش من شوية عطر هيمنعوكي من الجنة؟!
حذاري أختاه
حذاري من إتباع خُطوات الشيطان اللعين وكوني على يقين إنه رسولنا الكريم صلى الله عليه وسلم لا ينهاكي عن شىء إلا وفيه الضرر وإن ظهر لكي نفعه ولا يأمركِ بشىء إلا وفيه النفع وإن ظهر لكي ضرره!
دي عقيدة إننا نتبع رسولنا فيما أمر وننتهي عما نهى عنه وزجر
دة من شروط محمد رسول الله!
يتبع0000000
اللهم لا تمتني إلا شهيداً
