[الشافعى الصغير]

 

إلى الرئيس.. القادم

كتب هيثم دبور
سيادة الريس القادم
أنا لسه منيش عارفك
لكنى هعرّفك بيا
صحيح بدرى
وأهى الأيام لحد ما تيجى راح تجرى
وممكن تنشغل عنى بأمور الحكم
ففرصة أقفشك فاضى
وفرصة كمان بأنك جزء م المجهول
حاكم طول ما إحنا مش عارفين.. أكيد هنقول
بأن الشعب ده عِشَرى
لكن يا بخت من زارنا وكمان خفف
ولو تعرف..
حمول الناس على كتافهم
وأنا واحد من الشايلين
باشيل الهم فى شبابى
وأشيل الحلم فى جرابى
وأشيل منك
مهاجر بره أحلامى
وساكن بين هدد ذاتى
وخاطب بس مش عارف إيه آخرتها
خلاصة القول أنا ميت
حدود حلمى فى إنى أعيش
ولما تاخد الكرسى وتتمريس
بلاش تعمل متعرفنيش