04-10-2010, 11:05 PM
|
|
لا تهاجم الناجح وتمتدح الضعيف .. لا تنتقد المجتهد الذي يعمل وتربت علي كتف الكسول
|
|
|
|
طبقاً للأسعار العالمية ـ مراسلنا ف البورصة ـ
طبقاً للأسعار العالمية
كتب هيثم دبور
ساعات انتظارنا على طرف بابك
بكام النهارده؟!
إيدينا اللى عدّت تراب المدينة
بكام النهارده؟!
نفسنا اللى خارج ولا نِفسه يرجع
بكام النهارده؟!
ويومنا إللى نسخة تمام م اللى قبله
بكام النهارده؟!
ولادنا إللى لسة وشوشهم سعيدة
بكام النهارده؟!
جدودنا إللى ماتوا وآمالهم بعيدة
بكام النهارده؟!
ضلوعنا إللى سقعت من البرد برّه
بكام النهارده؟!
وصوتنا إللى غنّى بنغمة حزاينى
بكام النهارده؟!
وإذا كنت قادر تتمّن بدقة
فشوف «انت» جوه عيوننا هتبقى
بكام النهارده؟!
|