موضوع ممتاز يا أم حبيبة
عندما أقابل أخت غير منتقبة أتكلم وأضحك معها فى أمور الدنيا ولا أعلق لا على ثيابها ولا على شكلها ولا على أى شئ فيها وأتحدث فى القواسم المشتركة بيننا
فإن سألت عن النقاب أو غير النقاب
بالتلميح أو التصريح أتبطت معها فى الإجابة جدا جدا
ولا أجعلها تشعر أن كل همى أن تلبس النقاب
لا بل هناك أمور أهم من النقاب
فياليت كل أخت منتقبة تراعى أن غير الملتزمة تراها فى وضع أفضل منها
فيا أختى المنتقبة تواضعى واحسني اليها بالقول والفعل تأسري قلبها
بدلا من لومها ومخاطبتها بإسلوب لم يأمرنا الله به
ولا تحقري منها ولا تشعريها أنها أقل منكِ شأنا
بل اثني على أى خير تذكره
فى مرة خرجت من المسجد لأجد أخت متبرجة تماماااااااااااااا
تقف عند باب المسجد وسألتنى عن أخت فى الداخل فقلت لها لا أعرفها ادخلى شوفيها
فقالت لا مش عايزة أدخل هسمعلى كلمتين وخلاص
قولتلها كلمتين من مين؟
قالتلى الأخوات بيفضلوا يسخروا منى ومن لبسي ويتكلموا بإسلوب وحش جدا فخليني واقفه هنا
حاولت التقرب منها والتعرفعليها وجدتها بدون مقدمات تتكلم معى وتحكى لى كيف هى تصلى وكيف هى تحفظ القرآن ولا تترك وردها و و و و ,,, فأثنيت عليها جداااااااا
وماشاء الله
اللهم بارك
ده انتى كدة تمام أوى
بس ناقص حاجة صغيره ليه مثلاً مش بتغيري فى بلسك
انتى مش عارفه ياحبيبتى ان البنطون حرام
وبعدين ما شاء الله عليكي أموره وجسمك حلو وملفته أوى (هنا البنت فرحت جدااااااا بكلامى)
ليه تاخدى سيئات بسبب لبسك
تخيلى كل واحد يشوفك في الشارع تاخدى على كل نظرة سيئات أد ايه ؟؟
قاالتلى والله انا نفسي أوى ملبسش بنطلون
عارفه ده البنطلون الوحيد اللى بلبسه وباقى البناطيل مش بلبسها وبلبس جيبات واسعة
بس ده جديد وصعبان عليا ارميه
قولتلها البسيه فى البيت ومن ترك شئ لله عوضه بخير منه
الخلاصه تبسطى مع غير المنتقبة وبلاش تحسسيها انها كفرت بالله !
هى مذنبه ماشي
مقصرة ماشي
ولو دورتى على نفسك هتلاقيكى انتى كمان مقصرة فى حاجات ومذنبة فى حاجات
يبأه ادعى لأختك بالهداية وان ربنا يتجاوز عنها ويستر عليكي بستره الجميل