[مع الله]

يا أخوات انا نقلتلكم اخر اخبار قضية الأخ سيد بلال رحمه الله عشان تعرفوا ان ملناش الا ربنا نلجأ اليه


انا كتبت الموضوع ده فى منتدى تانى
وفى اختين كتبوا ردود مميزة ومفيدة ان شاء الله هنقلهالكوا


الأخت : مشتاقة للفردوس
انا هاكون عمليه أو أنا كنت عمليه فعلا من وقت الحرب على غزة


وهاقول لك تجربتى فى الالتزام مع القران

أنا كنت ناوية اكتب موضوع بيه بس كنت منتظرة سنة او اتنين لغاية ما فعلا ابقى التزمت التزام كامل صعب الرجوع عنه وبالطريقة اللى نفسى اوصل لها


بس هاحكى عن حالى للحظة اللى انا فيها


وانا فرحانه اوى وحاسة باحساس الطالب اللى ذاكر ولما جه الاستاذ يعمل مراجعة جاوب على الاسئله وبقى مميز


ربنا يرضى عنا ويتقبل منا


انا مش كنت ملتزمة خالص بتلاوة القران من يوم ما اتجوزت


وانا بقى لى خمس سنين ونص متجوزة وعندى طفلين


انما قبل الجواز كنت ملتزة بالتلاوة لما جات الحرب على غزة وقتها كنت حاسة انى انسانة ليس لى اى وزن ولا اى قيمة وزى زى الكلاب اللى فى الشارع

واللى زود ألم نفسى انى كنت عاجزة تماما انى اعمل شئ كل اللى كنت بعمله ان من اول ما بفتح عينى بافطر واعمل الاكل واتغدى واتعشى لغاية ا انعس خالص وانا قدام قناة الجزيرة


ووقت ما قالوا هنجتاح غزة اتصلت بماما اصلى انا فى محافظة تانية وكنت منهارة وخايفة هيعملوا ايه اكتر من اللى اتعمل فينا


كنت حامل فى بنتى وجت لى الام جامدة حسيت انى هسقط

ولا حد قادر يعمل حاجة طبعا الدعاء والصلاو والبكا وربنا حسبنا ونعم الوكيل


بس انا اتكون عندى وقتها شعور انى السبب

انا سبب الخذلان دا


انا اللى موتى احسن للسلمين من حياتى

انا ذنوبى اللى خلت الكفرة يعملوا فينا كده


واه من منظر المصاحف المحروقة


وقلت زعلانة على المصحف اللى اتحرق وانت كنت يعنى حتى بتمسكيه فى يومك


وقررت من اواخر ايام الحرب وحلفت وعاهدت ربنا انى هارتبط اكتر بالمصحف


حتى لو مسكته وحضنته


انا تعبت اوى فى مسؤوليات الزواج والخلفة لانى وحدى فكنت طول اليو بجاهد ووقت النوم دا ببقى منتهية


ولحظة ما بفرد ضهرى على السرير بيبقى جسمى بينشر لانى تعبانة مش بس جسديا وانما ذهنيا وعصبيا من العياط والغيار والاكل لاولادى


وافتكر انى مش مسكت المصحف ببقى هاموت انما بقوم وامسكه واحضنه واقول ان شاء الله بكره هاقرا


فضلت فترة كده كل يوم امسكه واحضنه و افتكر منظره وهو محروق واقول ان شاء الله بكره هاقرا


يوم ورا يوم بقيت بقرأ ءايتين قبل النوم .ايه..صفحة ..نص صفحة

المهم عدى عليه وقت كبير اوى وانا على الحال دا

انما **اللى فعلا زادنى ارتباط بالقران وحب من قلبى فعلا مش التزام وبس


ان الاية اللى كنت بقرأها او الايتين الاقى فيهم كلام من ربنا مناسب لحالة التعب الشديد وصعوبة تحمل المسؤوليه اللى كنت فيه


ووالله بمجرد ما اقرا الايتين احس كان النشر اللى جسمى هدى وحسيت ان ربنا حاسس بيه اوى


حتى الاحساس دا خلانى احس من جوايا بعظم الثواب الى ان شاء الله فى ميزان حسناتى جزاء تربيتى ورعايتى لاولادى


فى رمضان اللى عدى ربنا اكرمنى جدا فى التلاوة وكنت حاسة تقريبا كل كلمة وفرق معاياجدا


انما انا لسه بجاهد بس الحمد لله بقى لى تقريبا سنتين مفيش يوم عدى عليه ومش قريت فى كتاب الله وحاسة ان ايات ربنا فى قلبى وفى مخى وفى كيانى



وفرق كبير اوى بين حياتى من غير القران وحياتى مع القران

فرق الحى والميت



والتايه واللى شايف طريقه واضح



واللى مش حاسس بحنان واللى شبعان حنان ورعاية

دى تجربتى مع القران واحسب اهل غزة ه وصمودهم هما السبب الاساسى فى التزامى بقراءة القران


وهياخدوا ثواب قراءتى والتزامى اللى مازال بردو فيه تقصير


انما اللهم لك الحمد ولك الشكر وربنا يجعلنى مع القران حتى اخر لحظة فى حياتى



دى تجربتى ايه رايكم فيها


اول مرة اتكلم فى النقطة دى لانى لسه فى طريقى للالتزام التام اللى يشبعنى انما طريق الالف ميل يبدا بخطوة

____________________

الأخت : أم عمر الفاروق

والله يا اختى انا اتخذت القرار ده قبل ما اقرأ موضوعك وبالذات بعد قتل سيد بلال
الحمد لله اقنعت عيالى انهم ميتفرجوش على قنوات الاطفال لان كلها موسيقى وطبعا كلها مخالفات شرعية
واستبدلته بالكرتون اللى فى موقع طريق الاسلام و موقع الطريق الى الله
وحاسة انى معتزة بدينى الذى اهانه المسلمين انفسهم
عندى حماسة شديدة للبعد عن المعاصى لكن ادعوا الله الثبات على الحق

____________________________

الأخت : بطاطسياية


السلام عليكم ورحمة الله و بركاته

جزاكِ الله الخير يا أختي



ووالله ما في حاجة هتنقذ عباد الله على أرض الله , إلا إحترامهم لقوانين و شرائع خالق الكون على أرضه

" يا معشر الجن والإنس إن استطعتم أن تنفذوا من أقطار السماوات والأرض فانفذوا لا تنفذون إلا بسلطان "



لا هينقذهم ترضية تراب ماشي على تراب , على حساب عدم إحترام قوانيين رب العزة
تراب لا يملك في أمره شيء
لا سخط تراب يقدر يؤذي أمام منفعة أرادها الله عز وجل , حتى لو وقف العالم كله إنسه و جنه ضد بلدنا
و لا إسترضاء تراب يقدر ينفع أمام سخط ينزل من الله عز وجل نتيجة عدم إحترام قوانينه




( من أرضى الناس بسخط الله وكله الله إلى الناس ، و من أسخط الناس برضا الله كفاه الله مؤنة الناس )


لا ملجأ و لا منقذ ولا معز و لا مذل و لا رافع و لا خافض إلا الله


لا راد للشر كله إلا الله
و لا معطي لأي خير إلا الله
و هو عز وجل وحده حسبنا



كلامك جميل جدا
يا أختي مشتاقة للفردوس



و شكرا على موضوعك الطيب يا أختي
جزاكِ الله خير و نفع بكِ الإسلام و المسلمين