السلام عليكم ورحمة الله وبركاته
عنيت كتير أوى مع بنتى عشان تاكل الكبدة ومش بترضى تاكلها خااالص
وطبعا الكبدة مفيدة أوى للأطفال عشان الحديد
أنا كنت بعملها اسكندرانى ومكنتش بترضى تاكلها خالص
لحد ما جربت طريقة تانية وعجبتها أوى أوى وفرحت جدا انها ابتدت تاكل الكبدة
هاتى الكبدة وقطعيها قطع زى البانية بالظبط
حاولى ترققى سمكها شوية
وحطى عليها :
ملح وفلفل
ولمون
وشوية خل
وشوية مسطردة
وتوابل عربية (7 فى 1)
وكام فص توم مدقوقين
وشوية كمون
وسيبيها فى التتبيلة دى ساعة فى التلاجة
وبعدين طلعيها وحطيها فى خليط من البقسماط والفيجيتار
وسخنى الزيت اوى وبعدين هدى عليها وسبيها تتحمر
بجد طعمها حلو اااااااااااوى
وكمان الاطفال هيحبوها جدا ان شاء الله
جربوها ومتنسونيش من دعائكوا :)