الحمد لله والصلاة والسلام على رسول الله صلى الله عليه وسلم وبعد: بإذن الله تعالى سأسرد لكم يوميات الطفل: معـاذ و جويرية وابدأ بإذن الله تعالى الآن والحلقة الأولى: الحلقة الأولى: انهى الطفل معاذ الامتحانات وكذلك اخته جويرية فخرجا معاً إلى حديقة المنزل فأخذوا يلعبوا لعبة حدف الكرة،فخرجت الكرة خارج الحديقة،وقد امرتهم امهم بعد الخروج من الحديقة،فأسرعا إلى امهما وقال لها معاذ: معاذ: ماما مش انتى قولتى لنا اننا مش نخرج بره الحديقة؟ ماما: آه ليه يعنى؟! معاذ: أصل وانا بلعب ان وجويرية الكورة خرجت برة الحديقة. ماما: طب استنى اناديلك بابا يجيبها. فراح بابا وجاب الكورة واداها لهم وقعدوا يلعبوا لغاية لما زهقوا فقعدوا فى الجنينة شوية. واذكركم بأن معاذ وجويرية كانوا كبار يعنى معاذ كان فى 6ابتدائى وجويرية كانت فى 5ابتدائى،ففتحت جويرية الكلام: جويرية: معاذ معاذ: نعم يا جوجو جويرية: انت مش تعرف جدول نمشى عليه فى الأجازة؟؟ معاذ: يعنى ايه؟! جويرية: يعنى احنا مش نقعد نلعب وخلاص كدة!! معاذ: آآه خلاص تعالى نقول لبابا. فراحوا وسألوا بابا فقال لهم: بابا: بصوا احنا سايبينكوا اول يوم متعة كدة لكن من بكرة ان شاء الله نبدأ الحفظ!! جويرية: حفظ ايه يا بابا؟؟ بابا: مش تخافى مش تخافى،حفظ القرآن طبعاً. جويرية: آآآه ماشى. معاذ: والله يا بابا انا خايف لكون نسيت الأجزاء اللى انا حافظها. بابا: لا ان شاء الله بالمراجعة هيبقوا سهلين خالص وبتهيألك انك نسيتهم،عشان انت مش راجعت عليهم بقالك كتير بس. معاذ: ان شاء الله. ماما: يلا اتمتعوا شوية لحسن بكرة يجى وتزهقوا! جويرية: لا طبعاً يا ماما نزهق من حفظ القرآن؟؟ ازاى دة؟! دة كلام ربنا دة لو قريتى فى اليوم القرآن كله مش هتزهقى ابداً!! بابا: ايوة كدة يا جوجو،ماشاء الله. جويرية: لا انا بعقب على الكلام بس. ونكمل فى المرة القادمة بإذن الله تعالى.