[هدايه الرحمن]

اما بالنسبه لمن المسئول...!
اولا :
الاهل هم سبب من اسباب الرعب هذا ..طالب الثانويه يكون داخل السنه في اشد الرعب والهلع .. (قبل حتى ما يعرف اى حاجه عنها..!!)
بس مجرد حاله الطوارئ اللى بيعملها الاهل هى اللى بتخلى الطالب داخل علي السنه كأنه داخل علي حبل المشنقه..ولما يخرج كأنه كان في كااابوووس ..
فبيكون الطالب داخل وهو حاسس ان اهله حطين كل امالهم فيه..(انا بالطبع مع التشجيع والمثابره..ولكن ميكونش بهذه الطريقه !!)
ثانيا:
اسلوب التعليم عندنا.! الله المستعان
انا ضد تماما ان الثانويه العامه تكون سنتين.. وكمان علمت انه بعد فتره هتكون ثلاث سنوات..

لييييييييييييييه..!!

يعنى يكون لسه الطالب طالع من الاعداديه (شهاده) ويقابل امامه 3 سنين حرب...(بصراحه احسن حاجه ان الثانويه عندنا في الازهر سنه واحده بس..)
وكمان الفزياء اللي شيبت الطلبه..!!
انا بجد مستغربه ليه ميكونش التعليم سهل والطلبه تحبه وتحب انها تروح المدرسه..(مش تهرب .. ولو راحت تكون مستنيه اللحظه اللي هيجلها الافراج فيها..!!)
*ثالثا :
الطلبه!!.. ايه لزوم اخذ 2و3 دروس في الماده الواحده..ازاى هينظم نفسه.. وكيف سيجد وقت للمذاكره.؟!..
* وايضا تقطيع الصلات بين الطالب وبين ربه وتقصيره في حق الله ..من تهاون في الصلاه من اجل المذاكره ولا يبارك الله في عمل يلهى عن الصلاه..وغيره

وأسأل الله ان يوفق جميييع الطلاب الي ما يحب ويرضي ويجعلهم قره عين لابائهم..