الموضوع
:
تعالوا بسرعة نستعد لرمضان!
عرض مشاركة واحدة
#
3
05-17-2009, 04:53 PM
اللهم لا تمتني إلا شهيداً
+.+ ضيف غير مسجل +.+
أنا شايف ناس بدأت تشمَّر وتستعد ولا كأنها داخلة على خروف مشوي!
بقى هي دي فكرتكم عن رمضان؟!
ما علينا000000
أول شىء لازم نعمله هو إيه؟!
تخيلوا معي وانتوا هتفهموا لوحدكم!
تخيل كدة وانت داخل على إختبار أو نقول مسابقة جوائزها قيمة جداً وكثيرة جداً وانت نفسك في جايزة قيمة أو إن طموحك عالي وعاوز الجائزة الكبرى(في الآخر هتطلع قلم رصاص ما تسرحشي بعيد!
)
تمام كدة؟00000المسابقة مهمة والجوائز قيمة(مع إهمال ما بين القوسين
!) وانت نفسك ونفسك ومنى عينك ومناخيرك وبقك ووشك كله إنك تدخلها!
طب لو ما دخلتش المسابقة من أصله؟!!!!!!!!!
ياااااه00000شىء سخيف قوي بصراحة!
لأن دة معناه إنك مش هتفوز بأي شىء بالمرة ولا حتى هتنال شرف المشاركة في المسابقة!(إلا لو كنت من الجمهور!)
ترضى يا أخي تبقى من المتفرجين في الحالة دي؟!
تخيل بقى سيادتك لم تبلغ رمضان من الأصل!
لأي سبب وفاة أو ضلال أو إنتكاسة مفاجأة أو مرض أو أي سبب!
خلي بال سعادتك00000000بلوغ رمضان مش معناه إنك تعيش أيامه(وطبعاً مش معناه برضه إنه رمضان بلغ سن الحُلُم!
)
لأن إيهود باراك غالباً هيبلغه(إن شالله ما يوعى يعتبه حتى السنة دي!
!) وشارون بلغه قبل كدة عشرات المرات (أما صاحبنا ففي أخبار بتقول إنه مش هيبلغه!)وكل الناس الي بتحبهم والي بتكرههم بلغوا رمضان بالمعنى السطحي الذي يعني عيش أيامه!(ودول عاملين زي مايكون في إحتفال كبير داخل قاعة عظيمة وهما برة القاعة بيأذأذوا لب أو بيعملوا كدة
!!!)
بمعنى أصح دول أدركوه لكن لم يبلغوه! (وراجعوا حديث أرغم أنف عبد أدرك رمضان ولم يُغفر له)
لكن بلوغ رمضان معناه إنك تبلغه وتستفيد منه ودة الي احنا عاوزينه
طب إزاي نضمنها دي؟
هو حد ضامن عمره؟ هو حد ضامن حالته الصحية؟ هو حد ضامن الفتن ما ظهر منها وما بطن؟!
ليس أمامنا إلا الدعاء كما علمنا معلم البشرية الصادق الأمين النبي الأمي محمد بن عبد الله عليه الصلاة والسلام
اللهم بلِّغنا رمضان
علينا أن نكثر من هذا الدعاء هذه الأيام!
اللهم بارك لنا في شعبان وبلغنا رمضان
إخوتي في الله
هناك من يموت قبل رمضان بأيام قليلة بل بساعات قليلة
أفلا ندعو بهذا الدعاء؟! أفلا نخاف من فوات هذه الفرصة العظيمة التي قد لا تأتي بعد؟!
طيب وهل نظن السوء بمن يموت هذه الأيام أو قبل رمضان بساعات ونقول أن الله غير راضي عنه؟!
لا بالطبع فالله أعلم بالقلوب
قد يكون هذا الميت قد نوى أن يفعل في رمضان مالم يفعله في السابق
وإنما الأعمال بالنيات كما نعلم
لهذا إخوتي علينا أن ننوي من الآن أن نفعل ونفعل ونقرأ ونصلي وتراويح وقيام ليل وزكاة وصدقة وعلم نافع ودعاء وصلة رحم وإصلاح بين الناس ووو000000
انوي فقد تنجيك نيتك ولا تستطيع تحقيقها لمرض أو لوفاة أو لفتنة أو لضلال أو لإنتكاسة!
لا تنس أننا في أيام فيها المؤمن يصبح كافراً والكافر يصبح مؤمناً
اللهم يا مقلب القلوب ثبت قلوبنا على دينك!
اللهم يا مقلب القلوب ثبت قلوبنا على دينك!
اللهم يا مقلب القلوب ثبت قلوبنا على دينك!
إخوتي وأخواتي
علينا أن نكثر من دعاء حتى ندخل المسابقة أو على الأقل بنيتنا نضمن الأجر وإن تخلفنا عنها!
اللهم بلِّغنا رمضان
اللهم بلِّغنا رمضان
اللهم بلِّغنا رمضان
اللهم استجب!
محمد
اللهم لا تمتني إلا شهيداً
