ياللا يا بنات أول حااجه كده ... كل سنه وانتم طيبين
وعيد سعيد علينا وعليكم
وزي ما انتم عارفين ... ان العيد حلاوته ف التجهيزات والأشغال بتاعته
ودلوقتي هنشوف مع بعض .. ازاى نرتب بيتنا وننضفه كويس
...
بس معلومه مهمه جدا ... البنت الجدعه أو ست البيت الشاطره مش تكون منتظره العيد علشان تنضف او ترتب فيه
بالعكس خلي ايامك كلها عيد ورتبي البيت وغيري في الشكله
1........ غسيل السجاد
طبيعي ست البيت الشاطره أول ما ييجي الصيف عليها .. تلم كل السجاد المفروش وتغسله وتحفظه ف حافظه لوقت ما تحتاجه ... وتفرش بس ف الاماكن زي الصالون أو غرف النوم وبس
بس لو لسه حد مغسلهوش .... تقدري تغسليه الاول أو يروح عند مغسله .تنضفه وخلاص
وبعد ما تغسليه وينشف ... لما تيجي تفرشيه ع السيراميك او الارضيه
هاتي جردل فيه شويه مسحوق في الميه وبالفرشه امشي على السجاده في عكس الفروه بتاعتها .. هيعطي شكل روعه
وطبعا هتنزلي الستاير وتغسليهم
2..... ادخلي كل يوم كده اعملي أوضه من اوض البيت
نزلي الدولاب وافرشيه من جديد وغيري مكان السرير والتسريحه مثلا وبقماشه مبلوله امسحي الجدران بتاعتك المناطق المتسخه بس
بحيث تغيري شكل واستايل الاوضه بتاعت نومك وتعطيكي روح التجديد
لو كل يوم عملتي اوضه بنفس النظام مع شغل بسيط تاني ف البيت مش هتحسي بتعب خالص
3..... ادخلي على الحمامات في البيت ... نضفيها كويس واغسليها بالجدران وخدي بالك .... الست الشاطره بتظهر نضافتها من مطبخها وحمامها
والحمامات لو سيراميك كلها مش هتاخد معاكي ساعتين اتنين تنضيف بس
4....... ادخلي على المطبخ ... هياخد يوم لوحده او نص يوم
نزلي كل اللي فيه .. واغسلي البوتاجاز والتلاجه واستخدمي مساحقي نضيفه علشان الأاكل بعد كده ...
رتبيه ولو عرفتي تغيري فيه مفيش مشاكل
5.... اعملي طله في البيت كله ... نفضي أى حاجه تكوني نسيتها بقى خلال الاسبوع ... نفضي الشبابيك والبلكونات لا تنسي ونضفي السقف من الأتربه وكده
6...... باقي دلوقتي انك تمسحي الارضيه
7.... مسحتي الارضيه ولمعتيها كويس ... تروحي تمسكي ديكورات البيت كله والورد والشجر والتحف كلها .. هتكوني نزلتيهم وانتي بتنضفي ... تغسليهم واللي مينفعش يتغسل .. تمسحيه وتلمعيه كويس من الأتربه
8.... يوم الوقفه بالليل بقى
* تكوي الستاير أول حاجه وتعلقيها
* تفرشي ملايات السراير يكون شكلها حلو وجميل
* تعلقي الورد والديكورات
* تفرشي السجاد
* تولعي البخور والعطور والشموع
* تحطي البسكوتات والشيكولا اللي انتي مجهزاهم ف الصالونات وأماكن استقبال الضيوف
* تشغلي القران في البيت
((((وأخيرا )))
كل عام وأنتم بخييييييييييييييييير