[الشافعى الصغير]

 

الحَلَقَة رقم ٣٠

كتب هيثم دبور
يارب تصير حياتنا
زىّ الحَلَقَة الأخيرة
المعروضة السنادى
أيّا كان المُسلسل
ما العيشة فيها أجمل
والخير دايماً بيفضل
واللى سرق المواطن
واللى غش المساكن
واللى غَلّى البضاعة
أو فكّر يحتكرها
لازم ياخد جزاته
والخاين عاد لعيلته
واتصالح مع مراته
والحَبّيب رغم فَقرُه
وهزيمته جوّه نفسُه
وضياع الضحكة منّه..
اللى فى صورة المؤهل
قصة حُبّه بتكْمَل
ده عشان نِفرح جميعاً
إن العالم مثالى
ساعة ما التتر ينزل
ويّا نهاية المُسلسل