ست العرايس
مش ﻻزم
مش ﻻزم تشتري 12 فوطة وش
و10أطقم سرير
و6كوفيرتات
و4بطاطين
ولحافين فايبر.
أصﻻ مش حا تستخدمي غير اتنين تﻻته وهي بطانية كفاية.
مش ﻻزم 24 كباية شاي شكل بعض
و24 كبابة مية شبه بعض
والكاسات اللي بترقص في الضوء لوحدها
والكبايات أم حرف دهبي
والكبايات اللي بقها معووج
والصينية أم رجلين
.
ومش ﻻزم طقم الشربات اللي مالوش ﻻزمة وأصﻻ ما حدش بيعمل شربات.
مش ﻻزم جميع مقاسات الحلل الألومنيوم والتيفال والطاسات والصواني اختاري اللي حا تستخدميه بس انت مش مهاجره ومسافره موزمبيق لما تحتاجي تاني إبقي اشتري.
مش ﻻزم حلل بايريكس وفيزون وسيراميك و #$^&&@
مش ﻻزم الشمعدانين والساعة اللي بيتحطوا على النيش من أول الجواز هاتوهم حين ميسرة.
عادي لو إتجوزتوا من غير ما تجيبوا الميكرو ويف.
مش ﻻزم غرفة الأطفال من البداية وممكن تسيبوا غرفه فاضية وتقفلوا بابها إيه يعني عادي
ما تروحيش مع مامتك لبتاع البﻻستيكات لأنه حا يبيع لكم كل المحل والحاجات مغرية ..هاتي الضروري ورتبي أولوياتك.
مش ﻻزم طقم الصيني (الأساسي)
والأركوبال (الإحتياطي)
و الطقم الفاميه (للمعارف)
والميﻻمين(للإستخدام اليومي)
ركزي على الضيني وحاجات بسيطة للإستعمال اليومي.
مش ﻻزم تشتري طن مكياج و4كيلو بارفان وكرتونة إكسسوارات وجردل مونوكير إرحمي بابا وماما شوية.
مش ﻻزم تفصلي دستتين فساتين
وتشتري دستة بيجامات شتوي
ودسته صيفي
وشباشب وقباقيب
وشنط وصنادل وكوتشيات
وشوية عبايات
أصﻻ وزنك حا يزيد ممكن حاجه بسيطة أو حا تضربي خالص ف خسارة الهدوم استني شوية .
بﻻش مفارش مالهاش ﻻزمة.
مش ﻻزم حفلة في الخطوبة وحفلة في الشبكة وحفلة في كتب الكتاب وحفلة في الزفاف...خلي كله عائلي والحفلة واجتماع الناس يوم الزفاف.
مش ﻻزم كل الهدوم تبقى جديدة خدي هدومك القديمة معاك ما حدش حا يحاسبك.
مش ﻻزم تفتحي الدوﻻب والنيش وكل حاجه والناس تتفرج وتعرف كل حاجه عندك وتطلع تحكي بره دي خصوصيات وعادة سيئة عاوزين نبطل نعملها.
إعرفي ظروف والدك المادية
أو مامتك لو هي اللي بتصرف في حالة وفاته
وحطي حدود
واكتبي بالورقة والقلم ورتبي الأولويات
في حاجات ﻻزم تشتريها تبقى أولويات.
وفي حاجات ممكن تأجليها
وفي حاجات ممكن تتلغي خالص.
وخصوصا لو لك إخوات أصغر منك .
إرحميهم وخليك عاقله
وارحمي عريسك برده وتوافقي معاه على حاجات الشقة واختاروا المتوسط سعره وإرضي ووافقي حسب ظروفه لأن وراه حاجات كتير.
والله العظيم الجنيه ما بيجيي بالساهل
منقول