[الشافعى الصغير]

Sympathized with Egypt
مش هجيب هدية ومش هحمر
من غير مقدمات أنا بعلنها إنى أول واحد قولت بتعاطف مع بلدى لأنى بحبها
الكل إتعاطف مع البلاد كلها ودعينا للناس كلها إلا بلادنا
فأنا هتعاطف معاكى يا بلادى
هتقولى ليه
هقولك
فجأة وأنا نازل لقيت الأحمر فى كل حتة على الرصيف وعلى الأرض
فعلا كان ناقص غطى البلاعة يبقى أحمر هو كمان
المهم قولت أكيد فلانتينو أبو طينو قريب قولت لما أشوف
حبيت اسأل طلع اللى هنحتفل بيه ده كمان كام يوم هو فلانتينو المضروب حاجة محلية كده مضربه أصلنا نتمتع بالرخاء الشديد والحياة حمرا خالص
فلو صرفنا كام 200 جنيه فى الحَمار مش هيضر هو حد تعبان فى حاجة
مأنت اللى فى سنك منتجين وإحنا بناخد فلوس الهدايا من أهلنا
والله لو بتجبها من معاك مهتفكر تجبها
وأبقى قابلنى لما تتجوز هتعمل إيه
يعنى بصراحة أنا إتغظت وبقولها إننا بقينا شعب " أوبن بوفيه "
ذى السلطة كده بنجيب من كل حتة أى حاجة وتعجبنا
ولكن
ركن المأكولات العقلية مقاطعينه أوعى نقرب منه ـ ملناش أى دور فيه أصل التفكير بيتعب المخ ـ ذى ما المشروبات الكحولية مبتتعب الجسم
ومش هقولك المرادى أدينى عقلك لأن اللى شوفته بصراحة لا يوحى إننا بقى عندنا عقل خالص
بنقول أزمة عالمية ونرشد الإستهلاك ونشد الجزام شوية
وبرده نلاقى الناس هتحتفل بأبوطينو
نقول دويقة وحرايق وندعى ربنا ونلتجئ إليه ونتضرع إليه
ونلاقى الجامعة حمرا وهطين مع طينو
طيب نعمل إيه
وأكتر حاجة زعلتنى
أن الموضوع اللى فات كان بمناسة حَمار القاهرة بعد مضحكوا علينا بالأتوبيس الفاميه ومشوفناش اللعيبة وكان بعديها بإسبوع الحَمار التانى
دلوقتى برده نفس الوضع هنحتفل بنادى القرن الافريقى ونحمر معاه وتانى يوم نديها أبوطينو
قولت يآآآآه الناس كلها بتتحرك واحنا لسة ذى محنا
عمالين نحمر ونطين ومحلك سر
وخلينا كده نلف ذى محنا فى الدوامة لغاية منزل القاع وأهو نبقى لوحدنا برده
الهدوء حلو الناس كلها طالعة وإحنا نزلين ( الإتجاه المعاكس )
والحياة موقف
فهل انت عندك موقف ولا مسحوب مع عربيات القطر
لو الموضوع زعلك ليك حق بس أنا بجد زعلان أكتر منك
لذلك أنا
Sympathized with Egypt
مش هجيب هدية ومش هحمر