نكمل بإذن المولى تعالى يوميات الطفل معاذ وجويرية وصلنا فى الحلقة الماضية عندما عقَّبت جويرية على كلام امها بكلام فصل،وأعجب والدها بها،وأكملت كويرية ومعاذ يومهما فى اللعب كما وعدا اباهما. وفى المساء نادتهم والدتهم فجاءوا فقالت لهم: ماما: ايه رأيكم نروح انهاردة لخالو احمد؟؟ معاذ: الله دة هتبقى قاعدة جميلة. جويرية: ماشى اصله وحشنى اوى. فجهزوا نفسهم وأستعدوا وركبوا السيارة ومشيوا ووصلوا عند بين خالو أحمد،ويا سلام على الفرحة اللى عمِّت على الأشخاص،وقعدوا يتكلموا ففى وسط الحوار: خالو أحمد: ازيك يا معاذ؟ معاذ: الحمد لله كويس. خالو أحمد: وانتى يا جوجو؟ جويرية: الحمد لله. خالو أحمد: بس انتى لبستى الحجاب بدرى اوى! جويرية: لا مش بدرى ولا حاجة انا كبرت خلاص. خالو أحمد: والله كويس ان فيه فى عصرنا دة أطفال فهمين الدين صح! ماما: ماهى ديه نتيجة التربية الصحيحة. وقضت الأسرة وقت جمييييل جداً مع خالو أحمد ومع أضاحيك معاذ وجويرية،أصل اللى كان بيقعد معاهم يموت على نفسه من الضحك،وخلصوا القاعة على خير ومشيوا روحوا البيت. ونكمل فى المرة القادمة بإذن الله تعالى.