:::الحلقة الثالثة::: وصلنا فى الحلقة الماضية عندما عادت اسرة معاذ وجويرية إلى البيت فدخلوا قاموا على طول علشان يناموا بدرى عشان يصحوا بدرى.. والصبح صحيت جويرية على صوت المنبه فصحت اخوها معاذ وراحت اتوضت وصلت الضحى وطبعاً معاذ صلى الضحى معاها برده،وكانت على الساعة 10 كدة،فقال معاذ لوالده: معاذ: بابا انت كلمك الشيخ انن هنكمل حفظ؟؟ بابا: الشيخ بتاع حفظ القرآن؟؟ معاذ: اه بابا: لأ لسة أصل احنا مش هنتصل بيه الصبح كدة. معاذ: يعنى مش هنحفظ ولا إيه؟؟ جويرية: لا ان شاء الله هنحفظ بس بابا هيتصل بيه بعد شوية كدة. وصلى ابو معاذ الظهر ورجع اتصل بالشيخ محمد: بابا: السلام عليكم الشيخ محمد: وعليكم السلام ورحمة الله وبركاته بابا: ازيك يا شيخنا الشيخ محمد: أهلا يا ابو معاذ الحمد لله كويس بابا: بفضل الله معاذ وجويرية خلصوا امتحانات هو حضرتك بدأت التحفيظ؟؟ الشيخ محمد: اه بدأت من زمان مع اللى خلصوا امتحانات. بابا: طيب ابعتهم لحضرتك ولا فى يوم تانى؟ الشيخ محمد: لا انا تحت امرك فى اى وقت. بابا: طيب حاضر بإذن الله دلوقتى هبعتهم. الشيخ محمد: ان شاء الله. بابا: عايز حاجة يا شيخنا. الشيخ محمد: شكراً يا ابو معاذ ربنا يكرمك بابا: السلام عليكم الشيخ محمد: وعليكم السلام ورحمة الله وبركاته ونكمل فى الحلقة القادمة ان شاء الله