03-09-2008, 03:54 AM
|
|
|
أول حاجة لازم نتكلم عنها هى مسألة الوزن...
احنا اخدنا طبعا فى المرحلة الاعدادية الميزان الصرفى زرع=فعل وهكذا
عايزين نعرف بقى ان فى الشعر اهم حاجة فى الوزن هى الحروف الساكنة والحروف المتحركة !!
عشان نعرف ناخدها عملى لازم نتفق على حاجة مبدئيا..
هنرمز للحرف المتحرك بالرمز ده /
ونرمز للحرف الساكن بالرمز ده 5
أمثلة سريعة :
أَحْمَدْ = ألف متحركة، حاء ساكنة، ميم متحركة، دال ساكنة يعنى: /5/5
إِبْرَاهِيمْ:/5/5/55
عتريس:/5/55
تمام كده؟
*ملحوظة هامة جدا: العبرة بالنطق
فى ملحوظة تانية مهمة جدا جدا جدا..
<<ان الحرف المشدد عبارة عن حرفين:الأول ساكن والتانى متحرك>>
مثال:
مُحَمَّدْ=//5/5
مهند=//5/5
أمّا=/5/5
وهكذا..عرفتم يا جماعة؟
كفاية كده فى أول مرة....بس فى واجب بقى ان شاء الله
عشان التطبيق هو أهم ما فى الموضوع!!
عايزين حضراتكم بقى توزنوا الكلمات دى:
(الله لا إله إلا هو الحىُّ القيومُ)
أكرر مرة أخرى الملحوظة الأولى وهى:
العبرة بالنطق!!
فى انتظاركم إن شاء الله .
نفعنا الله بما نتعلم..
والحمد لله رب العالمين
|