[الشافعى الصغير]

 

١ أبريل

كتب هيثم دبور
هيقولولك..
كل حاجة ماشية وفقاً للمخطط
والبلد دى عُقد فضة
لسه بيزيّن رقبتك
والأمل ورداية ابكة فى جيب قميصك
والأمان مكوى فى دولابك
تدَّفى بيه لو كنت خارج
أصل أبريل جوه قالب
ساعة برد.. ومرة واحدة يقوم محرر
هيقولولك حاجة أكبر..
النظام عينه بتغمض وانتا مرضى
والقصور ده وضع عرضى
ميه عكره
والطريق بابه مقفّل
وانت وحدك تمتلك له ألف أُكره
هيقولولك..
زى ما هو مفروض يقولوا كل لحظة
والملاحظة..
إنهم بس انهارده راح يضيفوا
كل أبريل وإنت طيب