[أم يحيى السلفية]

السلام عليكم ورحمة الله وبركاته
اولا الموضوع ماشاء الله جميل جداويمس الكثيرين منا
ثانيا الدوافع والاسباب التى تدفع الآباء والامهات لمعارضة الالتزام لدى الابناء فهى لاحصر لها.
وقد تختلف هذه الاسباب والدوافع تبعا لاختلاف البيئات والاسر والعادات والتقاليد.
ولكن معظم تفكير الأهالى بيكون نشأ تبعا للبئة اللى اتربوا ونشأوا فيها زمان اللى كان فيها الإلتزام الدينى لايتعدى الالتزام بالصلاة والصوم لكنهم ماكانوش بيشوفوا اللحية ولا الثياب القصير ولا النقاب وتفكيرهم بالنسبة للملتحى انه ارهابى زى ماكان بيصور لهم الاعلام القذر والمنتقبة حرامية او ارهابية ولكنها ليست ملتزمة وطالما بتصلى وبتصوم خلاص بقى المهم القلب يكون ابيض مش لازم الظاهر.
وفى اهالى دلوقتى بيعتقدوا ان البنت لو انتقبت يبقى خلاص مش هتتجوز ولا حد هيتقدملها وكده خلاص دفنت نفسها وماعاشتش حياتها.
وبيعتقدوا ان الولد لو التحى وقصر ده هيأثر على شغله وممكن امن الدولة يقبض عليه فى اى وقت ويتحبس.
وكمان فى حاجة ان الاهل ممكن يوافقوا ان البنت تتغرب وتسافر تتعلم فى جامعة برة محافظتها فتضطر انها تسكن برة بيتها ولما تطلب من اهلها انها تذهب للمسجد ساعات قليلة لطلب العلم الشرعى بيرفضوا رفض تام.
بس ارجع واقول اننا لازم نغير من اهلنا وتغييرهم لازم يكون على ايدينا.