طريقه سهله وطعمه لتسويه العدس

[الساره]

 

بسم الله االرحمن الرحيم
هقول لكم ببساطه ازاى نعمل عدس بطريقه سهله
المقادير:
كوب من العدس الاصفر نظيف ومغسول جيدا
طماطميه وسط مقطعة حتت
بصله وسط مقطعة حتت ( زى ما بنقطعها لعمل التقليه)
2 فص توم كبير (عموما التوم كميته حسب ما تحبى لان فى ناس تحبه وناس لاء)
مكعب مرقه دجاج او لحم
جزره مبشورة ( بس دى اختيارى ) وهى بتدى لون وطعم حلو اوى

الطريقه:
ضعى العدس المغسول كويس مع الطماطم المقطعة حتت مع البصل والتوم ومكعب المرقه والجزر لو عاوزة تحطى جزر وغطيه بالميه وحطى ملح وفلفل حسب الرغبه
غطى محتويات الحله بالماء وضعى الغطاء عليها وولعى البوتاجاز واول ما يغلى هدى النار جدا ويفضل وضعه على عين البوتاجاز الصغيرة
وكل شويه قلبى ولو محتاج ماء زوديه مع التقليب المستمر عشان ما يلصقش ف الحله

اهم حاجه انك تحافظى على انه ما يلصقش وده بالتقليب المستمر والحفاظ على تزويده ماء كلما احتاج

حتى تجدى القوام اللمتماسك المعروف للعدس وهتلاقى التوم والبصل ومكعب المرقه والطماطم والجزر داب وليس له اثر

كمان فى ناس بعد ما يستوى تسيبه يبرد وتضربه ف الخلاط وبرضه بيبقى حلو

[أم البراء]

ماشاء الله
جزاكِ الله خيراً يا حبيبة
نفع الله بكِ

[الساره]

الله يعزيك ويبارك فيكى
اشكرك على ردك
ويارب تعمليه ويعجبك

[أم مُعاذ]

جزاكِ الله خيرا اختنا ونفع الله بكِ

[رعودي]

الللللللللللله يباااااااااااااااارك لصاااااااااااااحب الموقع هذاا والله ياسوييييييييييييييييييييييت فيا معروووووووووف ماأنسااااااااااااااااه

[الساره]

الله يخليكى
وشكرا على مرورك الكريم رعودى