السلام عليكم ورحمة الله وبركاتة
حبيباتى واخواتى فى الله
ليه فترة بعمل محاشى ...والحمد لله نالت الرضا
قلت اكتب لكم الخلطات اللى بعملها .. هى بسيطه وسهلة
اولا: خلطة الكرنب و خلطة حشو الباذنجان الابيض والاسود والفلفل الرومى والطماطم (انا بعمل لهم كلهم نفس الطريقة والحمد لله حلوة وهتعجبكوا ان شاء الله)
الطلبات:
طماطم مبشورة + معلقة صلصه طماطم
ارز مغسول
قطعة لحمة مفرومة يعنى حته صغيرة تدى بس ريحه وطعم واللى عنده ليه او حته دهن يبقى ياسلام
بقدونش
شبت
نعناع ناشف يعنى قدر معلقة صغيرة
سمن
بصل مخرط
مكعب مرقه او مكعبين حسب الكميه
ملح وفلفل
الخطوات:
نسخن السمن على النار
نضع البصل ونشوحه تشوحتين
نحط اللحمه المفرومه ( وممكن نستغنى عنها) ولو هنحط حته ليه او دهن نحطه هنا
نحط الطماطم المبشورة ونقلب ونسيبها واول ما تغلى نوطى النار ونسيبها شويه وقبل ما تتسبك نحط الرز والماجى
نقلب ونزود شويه ماية صغيرين عشان الرز نحس كده انه فى او خطوة للسوا (عنى نسوى الرز ربع تسويه) والسبب فى كده ان الحاجات اللى هنحشيها فى الخلطة دى مش بتاخد وقت فالسوا خالص فعشان الرز بعد كده ميبقاش نى والحاجه اللى محشى بيها تتهرى
اخر حاجة نحط معلقة الصلصه النعناع والشبت والبقدونس المخرطين صغير ونظبت الملح والفلفل ونلاحظ ان الماجى بيدى حياق برضه فدوقوا الخلطة قبل وضع الملح
ونقلب الخليط كويس
ولما يبرد شويه نحشى بيه
ثانيا:خلطة ورق العنب
اسهل خلطه
طماطم مقطعه حتت صغيرة
صلصة طماطم
بقدونس
بصله مخرطه ضغير
قرفة
نعناع
زيت
رز. مغسول....طبعا
كله يتحط على بعض ونحشى بيه
هنا ما سوناش الرز شوية زى الانواع التانيه لان ورق العنب بياخد وقت شويه عن الكرنب والباذنجان ...الخ
ثالثا:الكوسه:
الكوسة فى ناس بتحشيها لحمة معصجة (بس بالطماطم) وتحط عليها شويه رز صغيرين
وفى ناس تحشيها زى حشو الكرنب
وفى ناس بتحشيها لحمه مفرومه بس
اما محشى البطاطس ...(البطاطس الصغيرة بتتقور وتتشوح فالزيت وتتحشى)
بتتحشى لحمه معصجة بس بدون طماطم
وليها طريقه تانى انها تتحشى لحمه معصجى بدون طماطم مضاف لها بسله وجزر سوتيه
خلطات حشو جميع انواع المحاشى
العرض العادي
