|
|||||||
| الملتقى الشرعي العام ما لا يندرج تحت الأقسام الشرعية الأخرى |
 |
|
|
أدوات الموضوع | انواع عرض الموضوع |
|
#1
08-14-2010, 03:42 AM
|
|||
|
|||
أتــــــــجــــــــــــوز وخـــــــــــــــلاص
السؤال
سلام عليكم.............. أنا تعبانة جدا خلااااااااااااااااااااااااااااااص مش قادرة عليا ضغط رهيب من كل اللى حواليا عشان أتجوز .ماشى مافيش مشكلة ياريت _حد لاقى_ بس المشكلة أنهم عايزنى أتجوز أى حد يعنى المهم أن هوا محترم وأهله ناس طيبين ومعاه فلوس يتجوز مش مهم بقا بيشرب سجاير مش مهم بيصلى فى البيت _المهم بيصلى وخلاص_ مش مهم إنه مش ملتزم بسنن النبي والمشكلة الأكبر أن أنا وأختى مش بيجيلنا غير كده لأن ببساطة مجتمعنا وأهلنا كده واحنا اللى شاردين_الحمد لله الشرود ده فضل ونعمة من الله_..دلوقتى أنا متقدملى واحد بنفس المواصفات اللى أنا ذكرتها وأمى شايفة انه لقطة وممتاز ولو أنا رفضته عمرى ماهتجوز بينى وبينكم أنا تعبت من كتر بكائها وزنها عليا والنكد اللى فى البيت ليل ونهار متواصل من كذا سنة بدون مبالغة بسبب موضوع عدم زواجى انا وأختى بسبب رفضنا أننا نتزوج غير حد متسنن بسنة النبى  .أنا مش عاوزة آخد حد ينزل بيا وأنا أصلا مش ناقصه أنا محتاجه حد يرفعنى يطلع بيا للفردوس الأعلى ..بس أنا خلاص ماعدش فيا نفس وبفكر جديا أنى أوافق وعمالة أردد الكلام اللى بيتكرر على ودانى مع أنى عمرى مااقتنعت بيه_فيها ايه بكره يبقا كويس، يمكن ربنا يهديه على ايديكى وتاخدى ثواب فيه_هو حد لاقى أنتى بتتبترى على نعمة ربنا _ كلام من هذا القبيل ..........أنا تعبااااااااااااااااااااااااااانة ومخى خلااااااااااص بطل يفكر مش عارفة أعمل ايه .....محتاجة رد يريحنى ...بس محتاجة أكتر دعوة من قلب صادق وجزاكم الله خيرا على سعة الصدر وعذرا على ركاكة العبارات....الاجابة وعليكم السلام و رحمة الله وبركاته أهلاً بكي أختنا الكريمة معنا فى المنتدى نسأل الله أن يقر عينك أنتي وأختك بأزواج صالحين وسائر بنات المسلمين أختنا الحبيبة مقدرين الضغط اللي عليكي و لكن اثبتي لإنك على حق فموقف أهلك طبيعي جداً لأن الشخص المتقدم ليكي به كل الصفات الكافية في وجهة نظرهم و لأن الشائع الآن جعل مقياس الالتزام هو الصلاة من عدمها فقط و كأنهم أغفلوا أنها فريضة لا يجوز أصلاً التفريط فيها و إن تركها مصيبة و كبيرة من أكبر الكبائر !! ولكنك على حق فاثبتي إنتي اللي صح و أكيد ده مش استنتاج و لا تهوين عليكي و لا تصبير صحيح إحنا بقينا في عصر الصح و الغلط فيه نسبي و مالهوش مقاييس لكن من فضل ربنا إن المسلم الملتزم مش كده إحنا عندنا شرع بنتحاكم له و نرجع له و لو كل المقاييس اختلت حوالينا والشرع ده بس الصح و لو كل الناس قالت عكسه قال النبي صلى الله عليه و سلم " طوبى للغرباء , قيل يا رسول الله : من الغرباء ؟ قال : الذين يصلحون إذا فسد الناس أو قال : الذين يصلحون ما أفسد الناس " و تذكري قوله (صلي الله عليه و سلم) : " سيأتي على الناس زمان القابض على دينه كالقابض على الجمر أجر الواحد منهم بسبعين منكم ، قال الصحابة : منا أم منهم يا رسول الله , قال : بل منكم , لأنكم تجدون من يعينكم على الحق ولا يجدون " =================================== وهنذكرك ببعض الأشاء من باب {وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ} [الذاريات : 55] 1 إن كان فى تنازلات فى الإختيار فبلاش تكون فى الدين فدلوقتي لو تقدم شخص متدين و ذو خلق لفتاة و كان مستواه التعليمي أو المادي أقل بكثير منها أغلب الظن إنه سيرفض طلبه بسبب عدم التكافؤ و لا حرج ولكن إن كان عندنا الحرص ده فى أمور الدنيا فمن باب أولى أنه يكون موجود بنفس القدر على الأقل فى أمور الدين فالدين مش شىء ثانوي ، ولا مجرد علاقه بين الشخص وبين ربنا وليس لها تأثير فى الحياة ، لأن الدين بيحكم كل صغيرة وكبيرة فى حياتنا وبيأثر على أولوياتنا و نظرتنا للأمور وتقييمها بل إن الاختلاف فى درجة التدين هيظهر فى عشرات المواقف اليومية فما ترينه حرام ممكن أن يراه تشدد ! وما ترينه سنة ممكن أن يراه قشور ! 2 الرجل قوام على المرأة بما أن للرجل القوامة على المرأة فمن الحكمة أن تحسن المرأة اختيار من ستجعله قواماً عليها حتى لا يفرض عليها ما لا تحب و لا ترضى و حتى لا يكون سبباً في إنتكاسها فلازم تكون مقتنعة بهذا الشخص و تجد فيه ما تتمناه حتى لا تنظر له يوماً بعين الانتقاص ! 3 الزواج ليس هروباً من ضغوط أو لقب !! أختنا الحبيبة إوعي تتزوجى في يوم من الأيام بس عشان تهربي من نظرة الناس أو ضغط أهلك أو عشان ميقولوش عليكي عانس ! ماينفعش الزواج لمجرد الهروب من لقب لإن غالباً اللي بتتزوج للهروب من لقب عانس و تتنازل عن مقومات نجاح الزواج و تقول أتجوز وخلاص بتحصل على لقب زوجة تعيسة أو مطلقة ! إحنا مش بنقول تعنتي في الاختيار أو متتنازليش ولكن مش كل شىء يصح فيه التنازل ، تنازلي و لكن في حدود المقبول و ماتخليش الظروف أياً كانت تخليكي تتنازلي أكثر من المقبول ، يعني باختصار بلاش تقبلي تحت ضغط ، و لو كان الزوج صاحب دين و باقي الصفات فيه مقبولة ، فتوكلي على الله و ربنا ييسر لكي ، لكن لو ماكانش مناسب بلاش تقبلي تحت ضغط ، بدل ما تاخدي قرار تندمي عليه بعد كده 4 الزواج كغيره من النعم قد يكون نعمة وقد يكون نقمة أحياناً الصحة بتكون نعمة من الله و أحياناً تكون نقمة إذا طغى بها العبد واستخدمها فيما يغضب الله والمال قد يكون نعمة على صاحبه وقد يكون نقمة وكذلك الزواج والأولاد مع إنها كلها من متع الدنيا المباحة ، و لكننا نُختبر بالمباحات فإما تعيننا على طاعة الله فتكون لنا نعمة و إما تصرفنا عنها فتكون علينا نقمة 5 لا يعقل ! اقتباس: .بس أنا خلاص ماعدش فيا نفس وبفكر جديا أنى أوافق وعمالة أردد الكلام اللى بيتكرر على ودانى مع أنى عمرى مااقتنعت بيه_فيها ايه بكره يبقا كويس، يمكن ربنا يهديه على ايديكى وتاخدى ثواب فيه_هو حد لاقى أنتى بتتبترى على نعمة ربنا _ كلام من هذا القبيل ..........أنا تعبااااااااااااااااااااااااااانة ومخى خلااااااااااص بطل يفكر مش عارفة أعمل ايه .....محتاجة رد يريحنى ... مش غريب إن شخص عادي يفكر كده لإنه بيفكر بالأسباب و بس يعني الحياة كلها عنده 1+1= 2 وفاكر إنه بيحسبها صح وده أكثر نوع بيحسبها غلط !! بس الغريب إنك تبدأي تقولي كلام عمرك ما اقتنعتي بيه !! ربنا يهديه على إيدكي وتاخدي ثواب كبير هو إنتي بتتزوجي بنية الدعوة ! إيه اللي يضمنك لك إنه يهتدي ؟؟ هل تضمني الهداية لنفسك لتضمنيها لغيرك ؟ و مش ممكن هو اللي يأثر عليكي و يخليكي تبتعدي عن طاعة اللع ؟؟ ربنا قال {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ} [القصص : 56] و إذا كان الرسل لم يملكوا هداية أقرب الناس إليهم لإنهم لا يملكوا القلوب فهل نملكها نحن ! مثال غير لائق ولكن معبر : عمرك نزلتي تشتري شنطة غالية لمناسبة و روحتي خدتي شنطة بعيوب و قلتي ابقى أصلحها ، أكيد مش هتعملي كده خصوصاً لو هتدفعي فيها مبلغ كبير هو في أغلى من عمرك !! فهل هتدفعيه في زواج و تحاولي بعد كده إنك تخلي زوجك يبقى ملتزم ؟؟!! إنتي لما بتتمسكي بالدين كشرط بتتمسكي بيه ليه ؟؟ مش عشان تثبتي ، مش لإن الرسول أمر إن الدين يكون أساس الإختيار ، مش عشان يعينك على طاعة ربنا ولا يفتنك يعني الغاية هى رضا ربنا ... يبقى إزاى يتفسر إبتغاء رضا الله على إنه بطر على نعمة الله !!!!!!!!!!!! 6 أين اليقين بالله وكيف ظنك به ؟ إن كان الناس بتحكم بفكرها القاصر و بتحكم بأسباب محسوسة أمام عينيهم العمر بيجري ، مش هتلاقي ، نظرتك للأمور مش صح ، شوفي غيرك ........ فهذا مبلغهم من العلم لكن الإنسان اللي التزم وعرف الله حقاً عارف إن ربنا لا تعجزه الأسباب و إن من يتق الله يعجل له مخرجاً و إن الله يعلم و نحن لا نعلم ، و إن الكريم إذا أعطى أعطى أكثر مما سُأِل وإن الله يقول للشىء كن فيكون ، وإنه عند ظن عبده به فما ظنك به ؟؟؟؟ لكي رب كريم جداً و رحيم جداً و غني و قدير فما منعك بخلاً و لا عجزاً و لا قسوة و لا عذاباً بل هو أرحم بكي من أهلك و أمك المشفقة عليك و أخوتك وأصدقائك و من الخلق أجمعين إنما في منعه حكمة و في تأخيره للأمر خير و إن كنتي لا ترينه و لا تعلمينه لعله يدخر لك خيراً كثيراً و أنتي لا تعلمين فلا تتعجلي رزق الله فلن تنالي إلا ما كتبه الله لكي في الوقت الذي قدره لكي اقتباس: محتاجة رد يريحنى ...بس محتاجة أكتر دعوة نتمنى أن يكون الرد كافياً نسأل الله لكي و لأختك كل خير ونسأله أن يريكيما الحق حقاً و يرزقكما إتباعه و أن يريكيما الباطل باطلاً و يرزقكما إجتنابه و أن يرضيكما بقضاءه و أن ييسر لكما الخير حيث كان اللهم آمين  سبحان الله والحمد لله ولا اله الا الله والله اكبر سبحان الله وبحمده سبحان الله العظيم اللهم اقبضني اليك ساجدة امين قال رسول الله صلى الله علية وسلم (( من مات ولم يغز ولم يحدث نفسه بغزو مات على شعبة من النفاق )) (( من سأل الشهادة بصدق ، بلغه الله منازل الشهداء توقيع المحبة للخير : سبحان الله * الحمد لله * لا إله الا الله * الله أكبر سبحـــــــ الله وبحمده ــــــــــــــــــان سبحـــــــــ الله العظيم ـــــــــــــــــان 
|
|
#2
08-16-2010, 03:35 AM
|
|||
|
|||
|
السلام عليكم ورحمه الله وبركاته
لست وحدك اخيتى ففى مثلك الكثير
ربنا يعينا ويثبتا ورزقنا ازواج صالحين ملتزمين يعنوننا على طاعه ربنا ويرزقنا الاخلاص اللهم امين
|
|
#3
08-18-2010, 02:31 AM
|
|||
|
|||
|
اقتباس:
وربنا يتقبل منك دعائك ولا تنسينى اخيتى من الدعاء المستمر بظهر الغيب بالزوج الصالح فى القريب العاجل لانى فى محنة لا يعلمها الا الله والله يثبتنا واياكى على طاعته
|
|
#4
08-23-2010, 07:44 PM
|
|||
|
|||
|
الله المستعان
أسأل الله أن يرزقكِ الزوج الصالح اللهم آمين أكثري من الاستغفار والدعاء في جوف الله وفقكِ الله
|
|
#5
08-25-2010, 06:11 AM
|
|||
|
|||
|
اللهم انت لا تضيع من لجأ إليك فارزق إلهي جميع بنات المسلمين خاصة من تقربت إليك و التزمت بسنتك زوجا صالحا يكون معينا لها علي حراسة دينها
و الله ان قلبي حديث جرح حزنا علي إحدي رفيقاتي لقد كانت يشار إليها ف دعوتها او في التزامها لكن قدر الله و ما شاء فعل فتزوجت شخصا نعم يصلي و الحمدلله لكنه ليس ما كانت تتمناه او نتمناه نحن لها و الادهي انه مدخن اصلحه الله من اجلها هذه صاحبتي فشلت في اول اختبار لها بدون ضغوط فلنحذر نحن أخياتي لأنه من الغرور ان نطن اننا نستطيع ان نصلح ازواجنا فنحن عاجزات عن إصلاح انفسنا و لكن ندعو الله ان يعيننا ع الخير و الصلاح
|
|
#6
08-25-2010, 08:33 AM
|
|||
|
|||
|
اسال الله الكريم رب العرش العظيم ان يرزقكي زوج صالح وان يجعله قرة عين لكي ويجعلكي قرة عين له وان تسيرا معا الي الفردوس
|
|
#7
08-27-2010, 03:30 AM
|
|||
|
|||
|
اقتباس:
وبارك الله فيكى والله أختى الفاضلة انا رفضت أكثر من حوالى 30 شخص لانى أريد صاحب الدين لانى الحمد لله لا أشكر فى نفسى منتقبة وعلى قدر عالى من الالتزام واتمنا من الله ان يرزقنى بالزوج الذى اتمناة من الله ولا تنسينى من صالح دعائك بالزوج الصالح فى القريب العاجل
|
|
#8
08-27-2010, 03:35 AM
|
|||
|
|||
|
اقتباس:
ولا تنسينى من الدعاء بظهر الغيب بالزوج الصالح فى القريب العاجل كما اتمنا يارب
|
|
#9
09-02-2010, 04:42 AM
|
|||
|
|||
|
اقتباس:
|
|
#10
09-04-2010, 02:32 AM
|
|||
|
|||
|
اسال الله لكى اختى الفاضلة ان يرزقك الله الزوج الصالح الذى تقر به عينك وجميع بنات المسلمين عاجلا غير اجلا اللهم امين
|
|
| الكلمات الدلالية (Tags) |
| أتــــــــجــــــــــــوز, وخـــــــــــــــلاص |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
