سمان ومحشي بتنجان وكوسة بالصور خطوة خطوة

[أم مُعاذ]

 

محشى كوسة

وكمان سمااااااااااااااااان

او ممكن نقدمة كدة

نيجى بقى للطريقة

هنبدء بالسمان

طبعا هنجيب السمان ونغسله كويس بالدقيق والملح والخل (عشان نحوش الزفارة خاااالص)

الخلطة عبارة عن :

* كبد فراخ (او كبد وقوانص وقلوب حسب المستحب)

* رز ابيض

* بصلة متوسطة

* توابل وملح (فلفل وكمون وكسبرة وكارى )

الطريقة :

- نحمر البصلة كويس

- نحط عليها التوابل ونضيف بقى الكبد بعد مانقطعها قطع صغيرة وحمرها كويس

- نغسل الرز ونضيفه ونقلب كويس مع بعض التوابل

-نضيف الملح وشوية ماية (نعمل صدمة بس كده)

- نسيبه لحد مايشرب الماية (حوالى 2 دقيقة كدة )

* نجيب ورق فويل نقطعه مربعات كده

* ونبدء نحشى السمان من تحت وفوق

* ونلفه كويس بالفويل كدة

* ونحطه بقى فى الماء المغلى جيدا

* ونضيف بصلة فى الشوربة وحبهان وورق لورو

بياخد حوالى ساعة وربع وكدة يبقى استوى تمام

نطلعة بقى برااحة ونستنى لحد مايبرد شوية ونفك الفويل بالراحة

ونكون جهزنا صلصلة بشوية توابل وممكن نضيف بصلة مبشورة ناعم ونحط الصلصة على السمان وندخله الفرن يتحمر

وكده يبقى السمان جهز

ثانيا : المحشى

انا بحب اضيف لحمة مفرومة لخلطة المحشى بتاعت الباذنجان والكوسة

* طبعا هنقور الباذنجان ونغلى شوية ماء ونحطة عليه (ده بيخلية يستوى ومش ياخد وقت طويل ) والخطوة دى اختيارية فى ناس مش بتفضل تعملها عشان بتخلى المحشى غامق شوية .

* الخلطة :

- نحمر بصلة ونحمر فيها اللحمة المفرومة وحبة توابل

- نضيف الرز بتاعنا وبعدها الخضرة (كسبرة وشبت )

- نضيف الصلصة والملح وشوية ماية (صدمة فقط )

- نحشى المحشى ونسيبة يستوى

- وبعد مايستوى ممكن نحط علية شوية صلصلة ويدخل الفرن عشر دقايق بيقى تحففففففففففففففة (خطوة اختيارية )

وبالهنا والشفا ياقمرات

منقووووول

[أم عبد الله]

جزاكِ الله خيرا ونفع بكِ

[قرة العين]

غذاء جميل جدا وشهي تسلم ايديكي ياغالية

[جنة دار السلام]

جزاك الله خيرا