طريقة عمل البسطرمه خطوه خطوه بالصور

[راجيه عفو الله السلفيه]

 

	مين فينا مش بيحب البسطرمه ومين فينا مش عارف ان سعرها نااااااااااااااااار بيبدا من 60 جنيه الكليو وبيوصل فى مناطق تانيه ل80 جنيه واكتر طب ليه احنا بما اننا ستات بيوت شاطرين موفرين ما نعملش البسطرمه فى البيت ؟؟؟؟؟؟؟؟؟؟؟؟؟؟؟؟؟؟ منها توفير مش اقل من 30 جنيه ومنها نضافه لانك عارفه انتى جايبه اللحمه منين وعاملاها ازاى رغينا كتير ندخل على المفيد 2\1 كيلو لحمه حمرا خالص كوبايه حلبه مطحونه - ملح-فلفل قرناقوطى بارد راس توم اول حاجه طبعا بنشقق الحمه بالسكين كده ونجيب حوالى معلقتين ملح ونغطى بيها اللحمه وندخل الملح فى الشقوق وبعد كده نحط اللحمه فى مصفه لتانى يوم ونغطيها بقطعه قماش نضيفه علشان تنزل ميتها شايفين لونها اتغير ازاى بعد كده نغسلها كويس ونخرم الطرف علشان نعلقها فى الهوا يوم تانى وطبعا هنغطيها بقماشه نظيفه وفى الوقت ده هنحط التوم والفلفل والحلبه فى الخلاط ونحط عليهم شويه ميه بسيطه هتبقى معاكى شكل العجينه الطريه هناخدها ونغطى بيها اللحمه بالشكل ده ونلفها بعد كده فى قماشه نظيفه ونعلقها فى الهوا لمده 3 او 4 ايام وما اقولكيش بقى على ريحه المطبخ كانك داخله محل بقاله ريحه تحفه تدوم وتدوم وتدوم وتستمر وبعد اربع ايام تقطعى وتاكلى بالف هنا يارب اكون عرفت اوصل المعلومه صح لانى بجد تعبت اوى فى الموضوع ده يابنات ياريت بقى ماتنسوش التقييم والا هزعل على تعبى ده انه راح هدر منقووووووووووووووووول واسئلكم الدعاء بحسن الخاتمه والذريه الصالحه