ميك شيك

[نور الاسلام]

 

ازيكم ياقمرات طبعا الحر شغال وكله شغال على الايس كريم والمشروبات المثلجة

انا عملتلكم النهاردة باه تشوكليت ميلك شيك لذيذ جدا وتغيير عن الايس كريم شويه




المقادير:ايس كريم شيكولاته_او فانيليا هتضيفي عليه تلات ملاعق كاكاو نسكويك_سكر_
لبن _ظرف كريم شانتيه دريم_ باكو شيكولاته عادية اي نوع كورونا جلاكسي كادبوري اي نوع المهم تكون سادة يعني مش بالمكسرات

الطريقة:هنجهز الكريم شانتيه عادي زي المكتوب على العبوة فنجان صغير ماء او لبن مثلج
يصب على محتويات الباكو ويضرب بالمضرب الكهربائي حتى الحصول على قوام متماسك بعد كده هنضرب الايس كريم واللبن
ونص كمية الكريم شانتيه والسكر في الخلاط ونقلل اللبن ونزود الايس كريم حسب القوام المطلوب يعني المفروض انه يكون
قوامه تقيل يعني مش سايل قوي والسكر طبعا حسب الرغبة بعد كده هنسيح باكو الشيكولاته على حمام مائي ونصب منها
على جدران الكاس الي هنقدم فيه من جوه طبعا بشكل عشوائي وكمية بسيطة عشان تتجمد على طول اول
ما تحطيها في الكاس وتصبي خليط الميلك شيك في الكاس وتزيني اطراف الكاس بباقي الكريم شانتيه بحقنة الكريمة
والوش بتاع الوردة وتحطي باقي الشيكولاته السايحة على وش الكاس على الكريمة بشكل عشوائي
ويوضع مصاص داخل الكاس(شاليموه) ويقدم بارد طبعا

يارب يكون عجبكم ياقمرات
منقووووول
بالف هنا وشفا

[ام عمر وخالد]

شكله ما شاء الله لا قوة الا بالله
ان شاء الله هاعملها للاولاد
جزاك الله خيرا اختى الحبيبة
الرانتيسى

[ساره الجزار]

ماشاء الله تحفه
جزاك الله خيراً ..

[أم هارون السلفية]

جزاكِ الله خيرا ..