عاوزه أعرف ايه الهدف من وضع البنات والسيدات صورهم على النت (الفيس بوك) ؟
وانتوا ...عارفين ان الفيس بوك أى حاجة فيه بتكون سريعة الانشار , الشر قبل الخير , الفساد قبل الاصلاح
ومصيبة الصور بتاعة البنات اللي موجودة على الفيس بوك او النت مش مصيبة واحدة , ده كوكتيل مصايب للبنت
تخيلي صورتك دي اللي انت حاطها او مجموعة الصور اخدها واحد عنده او اتنين وركبوا عليها صور اباحية ونشرها من تاني على النت , وانتي كنتي كاتبه في البروفيل بتاعك معظم بياناتك على الاقل اسمك وسنك , تخيلي ممكن يتشهر بيكي ازاي ؟؟
وسمعتك تبقى في الارض ازاي
ويااااااااه لو حد من اهلك شاف المصيبة دي ممكن يروح فيها او يتصرف تصرف بعصبية ممكن يودي نفسه في داهية
ولا يوديكى انتى فى داهية
المصيبة الأكبر
ان كل بنت لما بتحط صورها على الانترنت وخصوصا الفيس بوك بتبقى صورتها مكشوفة للعالم كله , وشوفي بقى الدنيا زي ما فيها الخير فيها الشر وزي ما فيها الطيب فيها الوحش
شوفي بقى انتي بكدة بتوصلي الإسلام بصورة غير لائقة !
يقولوا بقى هي دي المسلمة اللي لابسة محزق وملزق !
بقى هي دي الأم المسلمة اللي بتربى أجيال التمكين !
المصيبة والكارثة انك تلاقي بنت حاطة صورتها بالمايوة او بلبس مش لبس او مافيش خالص , والأسم مسلمة
طب تيجي ازاي؟؟
آه هوصحيح في دسائس وناس بتعمل روحها بنات وتعمل الموضوع ده او من اعداء المسلمين يعملوا كده عشان يشوهوا الاسلام
بس لا وألف لا مش حيحصل وبإيديكي تحافظي على نفسك وتحافظي على عيلتك وتحافظي على دينك
والاهم من دة كله في الموضوع ده :
ان ربنا مطلع عليكي
حتقوليله ايه يوم القيامة لما يسألك عن الصور اللي انت ناشراها على الفيس بوك؟؟
حتقوليله يارب انا كنت بعمل ده على سبيل الروشنة ! ولا كنت بعمل ده علشان اشد ولاد ويعاكسوني ! ولا كنت بعمل كده عشان يجيلي عرسان ؟ او كنت بعمل ده عشان اصاحب وأحب واتحب ؟
آه يارب انت فارض عليا الحجاب بس انا ماكنتش بلبسه
آه وساعات بلبس طرحة بس, بس باقي جسمي كله باين وظاهر لان الهدوم اللي عندي كلها ضيقة
آه يارب انا سمعت حديث رسول الله صلى الله عليه وسلم :
(أيما امرأة استعطرت فمرت على قوم ليجدوا من ريحها فهي زانية) .رواية النسائي
وللأسف
إن المتأمل لحال بعض النساء يجد أنهن مع كل أسف يخرجن إلى الأسواق
سافرات كاشفات متطيبات، يرقبن تلك اللحظه التي يخرجن فيها من المنزل
ليرمين عن كاهلهن ثياب الستر والحشمة، ويكشفن عن ثوب الحياء، فيخرجن نحورهن وسواعدهن وأرجلهن، مع ما يحيط بها من أجواء ملبدة بتلك العطورات الفواحة
فلا أدري ما الذي أبقينه من الحياء الذي هو زينة المرأة وجمالها الحقيقي؟
ثم لماذا تنازلتى يا أخية لتلك اليد الماكرة التي امتدت إلى ثوبك لتشرحه وتقصره تدريجيا
قال صلى الله عليه وسلم: (صنفان من أهل النار لم أرهما .. وذكر
ونساء كاسيات عاريات مميلات مائلات ، رؤوسهن كأسنمة البخت المائلة،
لا يدخلن ولا يجدن ريحها، وإن ريحها ليوجد من مسيرة وكذا) رواه مسلم
ولهذه الفتاة التي تقدم هوى النفس على حكم الله نقول لها : اسمعي وتدبري
قول الله تعالى: (ولا تتبع الهوى فيضلك عن سبيل الله) ص: 26
ولهذه الجارية التي تدعي حب الله وهي تخالف أمره !! إليها قول الشاعر
تعصي الإله وأنت تزعم حبه *** هذا محال في القياس بديع
لو كان حبك صادقا لأطعـــته *** إن المحب لمن يحب مطيـع
لقد عرف أعداء الإسلام أن في فساد المرأة وتحللها إفساداً للمجتمع كله.
يقول أحد كبار الماسونيين: كأس وغانية تفعلان في الأمة المحمدية أكثر
مما يفعله ألف مدفع، فأغرقوهم في حب المادة والشهوة.
هدانا الله وإياكم إلى الصراط المستقيم حبيباتى
والجنة أغلى وأثمن من رشة عطر تجلب غضب وسخط الرحمن
ده غير ايه بقى المكياج والمانكير وانتي عارفة ربنا قال ايه في كتابه
"ولا يبدين زينتهن"
خدي بالك
لازم لبسك يبقى طويل وواسع
ومش مبين حاجة من جسمك
ومش شفاف
ومش فيه اي حاجة تلفت النظر
وبلاش برفانات وانتى خارجة وبلاش مانكير عشان الصلاه
ده بالاضافة ان مايكونش ليكي صورة في اي مكان مع اي حد حتى لو كانت واحدة صاحبتك عشان صورتك ممكن تبقى عند اخوها او ابن عمها او ابن خالها او ابن خالتها وتتنقل الصورة بالبلوتوث وممكن توصل لاخوكي او ابوكي
خللي بالك , ولا تتصوري مع صاحباتك والصور تفضل كده عادي في اي مكان شيلوها على اسطوانة ولما تحبوا تشوفوها شوفوها انتم بس بنات في بعض يعني
وربنا يهدي الجميع
ومش عايزين ربنا يغضب علينا
لما كل واحد يشوف صورتك ويشيل هو ذنب انه ماغضش البصر وتشيلي انتي ذنب انك حاطة صورتك
شوفي كاااااااااااام واحد شاف الصور دي
لانك سببتى فتنة للرجال والشباب وماساعدتيهمش على غض البصر ! وشوفي كام ذنب شلتيييييييييييه
خللي بالك الذنوب دي كلها ممكن تتحول حسنات لو توبتي لربنا وحذفتي الصور من على النت والفيس بوك عموما لانه عالمي واكثر انتشارا
وربنا يهديكي ويهدي الجميع وماتنسيش لو الكلام ده عاجبك انشريه لكل اصحابك البنات عشان يحذفوا صورهم زيك
ها
انوي وماتتردديش دي الجنة سبب دخولها رحمة ربنا وعشان ربنا يرحمنا لازم نعمل اللي يرضيه ونبعد عن اللي يغضبه
وانتي صورك على النت او الفيس بوك ممكن تسخن شاب انه يعمل الحرام بأي نوع من الانواع
ف ليه تكوني اداه للقضاء على الشباب المسلم او شباب بلدك ليه تكونى أنتى عون لهم على المعصية ؟
خللي بالك لو شيلتي صورك دلوقتي بفضل الله وبإذنه حتتحول الذنوب دي كلها الي حسنات
ودي ذنوب عظيمة مش اي كلام
ومافيش فرق مابين واحدة حلوة اوي وشكلها مغري وواحدة اوحش شوية ده بالنسبة للذنب
وماتكونيش سلعة الكل يتفرج عليها ويتكلم عليها ويتغزل فيها ويقول كلام قبيح عليها
هام جدا لمعلوماتك :
تنبيه الى بنات المسلمين , يقوم الهاكرز من أعداء الإسلام و الحجاب بالدخول الى مواقع مثل الفيس بوك والمواقع المماثلة و سرقة صور البنات المسلمات المحجبات رغما عنهم حتى اذا كان البروفيل شديد الخصوصية و ذلك باستخدام مهارتهم في اختراق هذه المواقع ثم يتم التعديل عليها ببرامج يتم تركيب صور بناتنا على أجساد لنساء عاريات أو في أوضاع مخلة و يتم رفعها للمواقع الاباحية و ذلك للإساءة للإسلام و الحجاب و المحجبات
أختى الحبيبة .
لو عجبك الكلام واستفدتى منه اضغطى شير أو مشاركة حتى تستفيد كل صديقاتك وأخواتك ولا ننسي الدال على الخير كفاعله ومن بعدها اكتبى تعليقك , فتعليقك يسعدنا ..
حفظك الله ورعاك وسترك فى الدنيا والآخرة
مقتبس مع بعض التعديلات
امسحى صورتك من النت والفيس أنا بحبك وخايفة عليكى
العرض العادي
