الملتقى الشرعي العام ما لا يندرج تحت الأقسام الشرعية الأخرى |
|
أدوات الموضوع | انواع عرض الموضوع |
#11
|
|||
|
|||
السلام عليكم ورحمة الله وبركاته
ان شاء الله في انتظار التتمة لي عودة ان شاء الله |
#12
|
|||
|
|||
جميله في الإنتظار
|
#13
|
|||
|
|||
بارك الله فيكم على هذا الطرح المميَّز
متابعة ......... هل سينجح محمد .........؟؟؟؟ ننتظر النتيجة ..
|
#14
|
|||
|
|||
جزيتم الجنة عالمتابعة
القصة لسة بدري عليها فمن يريد التعليق على شيء فليعلق محمد |
#15
|
|||
|
|||
الأم(بسعادة وهي تحتضن إبنها): ألف مبروك يا بني 0000طول عمرك مشرّفني ورافع راسي أنا وأبوك! محمد: الله يبارك فيكي يا ست الكل000ماهو البركة فيكي وفي بابا 00هو أنا كنت ممكن أجيب96.5% بدون مساعدتكم وتشجيعكم؟! الفضل بعد ربنا راجع ليكم طبعاً نهى(بحركة مسرحية):الله الله!000إيه ياعم إنت وهي الكلام الجامد دة كله؟! الأم: بس إنتي يا رغاية مالكيش دعوة! إن ماكنَّاش نفرح في يوم زي دة هنفرح إمتي؟ نهى: طب حوشيلي شوية مانا داخلة الحرب العالمية الأولى السنة الجاية أهو! محمد(بسخرية):أنا متأكد إنهم هيأسروكي من أول يوم! نهى(بغيظ): يإيه؟! 000طب هفوتهالك بس عشان نتيجتك وبعدين نتحاسب! الأم: بطلوا عبط بقى إنتي وهو0000إتصلتي بأبوكي؟ نهى:أيوة يا ماما لسة قافلة من 5 دقائق وقلتله إننا جبناها وقالي إنه جاي في السكة إلتفتت الأم إلى محمد وهي تقول الأم:محمد00000عشان خاطري يابني انسى الي حصل تماماً وما تفتحشي الموضوع دة تاني دلوقتي 000عشان خاطري يابني اسمع كلامي وهاودني!انت ما تعرفشي أبوك بيتنكد قد إيه من مواضيع الدين دي!!! محمد(بدهشة): يااااه! للدرجاتي يا ماما؟!عشان إيه دة كل00 قاطعته نهى واضعة يدها على فمه وهي تقول نهى: انت إيه يا أخي؟!مش سامع ماما وهي بتقولك قفِّل عالموضوع؟! انسى بقى مش وقته هم محمد بالكلام إلا أنهم سمعوا والدهم يفتح الباب فأشارت الأم عليه بالصمت والإستعداد للقاء والده! يتبع0000 |
#16
|
|||
|
|||
ان شاء الله في انتظار التتمة
|
#17
|
|||
|
|||
مبارك النجاح يا محمد
الصراحة أنا فكرتُ و قلت ربَّما لن ينجح ...؟؟؟؟ و يفشل و هكذا . طيِّب الحمد لله .
|
#18
|
|||
|
|||
ولكن محمد لا يبحث عن مجرد النجاح بل التفوق!
عموماً الله يبارك فيكِ!! محمد |
#19
|
|||
|
|||
دخل الأب مستبشراً متلهفاً على إبنه الوحيد وذهب إليه يحتضنه وهو يقول الأب: مبروك يا محمد0000ألف مبروك محمد: الله يبارك فيك يا بابا ولا يحرمني منك أبداً إلتفت الأب حوله ثم سأل الأب: إمال فين راندا؟! نهى: راندا نايمة يا بابا 000ما حضرتك عارفها آخرها الساعة 9! الأب: أيوة يا بنتي بس في مناسبة سعيدة زي دي لازم تسهر معانا 0000خشي صحيها نهى: حاضر الأم: إنت يا فتحي مش جايب أكل معاك؟! الأب: لا منا عديت عالمحل الي جنبنا وإديته الفلوس وقالي شوية وهبعتلك الواد بالأكل محمد: محل الكباب؟! الأب( ضاحكاً): إمال يعني بتاع الفول؟! محمد(ضاحكاً بدوره): يا بابا بلاش سيرة الحاجات دي دلوقتي! ضحكوا ثانيةً قبل أن تمر لحظة صمت قطعها محمد محمد:ها يا بابا ؟ رأي حضرتك أخش إيه؟ الأب(في دهشة):تخش إيه؟!!000هو دة وقته ؟! أنا رأيي تقوم دلوقتي تخش الحمّام تأخد لك دش بارد! محمد (ضاحكاً بشدة):بس مجموعي مش يجيب بارد يا بابا! ضحك الأب والأم ومحمد بصوت عالي في لحظة دخول نهى وراندا التي جرت على محمد تهنئه بينما جلست نهى بجانب والدها وهي تقول نهى: يا ترى الضحك دة من إيه؟! الأم: جرا إيه يا بت؟ إنتي هتحاسبينا عالضحك؟! نهى: لا أبداً والله000أنا بس عاوزة أضحك معاكم! الأب: يلا يا نهى شدِّي حيلك إنتي كمان 0000عاوزينك تتفوقي على محمد! محمد(ضاحكاً): يا بابا إن أردت أن تطاع فامر بالمستطاع! ضحكوا مرة أخري ونهى ترد بغيظ نهى: شايف يا بابا تثبيط الهمم؟! طب والله يا محمد لأجيب أكثر منك وبكرة تشوف! الأم: بس قولي إن شاء الله000أنا عاوزاكي يا نهى تطلعي من الأوائل عشان الوزير بنفسه هو الي يتصل يبشرنا بالنتيجة وصورتك تطلع في الجرنال! نهى: إن شاء الله يا ماما ثم إلتفتت إلي محمد قائلة شايف الناس الي تشجع؟! مش إنت الي شغال مارشدير تجيب لورا على طول! ضحكوا مرة أخرى في اللحظة التي سمعوا فيها رنة جرس الشقة ورنات موبايلات الأب ومحمد في وقت واحد فتعجبت راندا قائلة راندا(بدهشة): هما متفقين ولا إيه؟! بعد وقت قصير كان الجميع ملتفين حول العِشاء محمد: خليكي فاكرة يا نهى إنك أكلتي كباب وكفتة على حسي في يوم من الأيام! دة يوم تاريخي بالنسبة لك! نهى: اسم الله!!! هو أنا أول مرة أدوقهم!وبعدين مالك طالع فيها قوي كدة؟!00إنت بس خدلك يومين فرح وعبط كدة وبعدين ترجع ريمة لقعدتها القديمة! محمد: لا ياختي سيبتلك ريما وقعدتها اشبعي بيهم! أنا داخل الجامعة خلاص! ثم إلتفت إلي والده وهو يقول محمد: ما قلتليش يا بابا 00000عاوزني أخش إيه؟! دة أنا بسألك السؤال دة من السنة الي فاتت وكنت بتقولي بس إنت إتجدعن وهات مجموع حلو 000وأهي النتيجة ظهرت أهي وبرضه مش عاوز تقول! بدا الأب وكأنه يتهرب من الإجابة وتظاهر بالإنشغال بالأكل ولم يرد فتبادل محمد مع والدته ونهى نظرات الدهشة إلا ان الأب قطعها قائلاً وهو ينهض الأب: ما تستعجلشي على رزقك يا محمد 000نام بس كويس الليلة دي وبكرة نشوف هنعمل إيه! الأم: طب اقعد كمّل أكلك الأب: لا أنا خلاص شبعت والحمد لله000كلوا إنتوا مالكوش دعوة بيا الأكل كتير الأم: طب استنى أصبّلك حاجة ساقعة الأب: لا مش دلوقتي 0000أنا داخل أريَّح شوية تصبحوا على خير! ثم تركهم وألقى جسده على السرير مستلقياً على ظهره وهو ينظر إلى السقف ويحدث نفسه قائلاً ياتري يا فتحي إبنك هيرضى يحقق لك حلمك؟! ولاهيجبرك على إنك تتنازل عنه؟!! يتبع بإذن الله000000 |
#20
|
|||
|
|||
السلام عليكم ورحمة الله وبركاته
جزاكم الله خيرا ان شاء الله في انتظار حلم الاب |
الكلمات الدلالية (Tags) |
!!, 000(قصة), غرباء |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|