لحمه ومحشى بالصور

[راجيه عفو الله السلفيه]

 

أولا = محشى الكرنب
==============
========


المقادير
===

كرنبة
أرز
فلفل رومى
طماطم
صلصه
بصل
خضرة ( بقدونس-شبت-كسبره خضره )
توابل ( ملح-فلفل اسود-بهارات مشكل-نعناع-2مكعب مرقه )
زيت
سمن



الطريقة
====


النقطه دى للمبتدئات يا قمراااات يا احلى بنوتات
علشان الكل يستفيد بأذن الله


==طريقة تنظيف الكرنب وسلقه==
----------------------

نجيب كرنبه اى حجم نحبه انا هنا جبت كرنبه متوسطه
ننزع منها الاوراق واحده واحده من فوق
بعدما ننزع العصايه اللى فى النص بالسكينه
كأننا بعمل حفره بنضع السكينه ونلف لحد ما تطلع منها العصايه دى
وتبقى بالشكل ده



نقوم بنزع الورقه نفسها
ننزعها بالشكل ده




فى الوقت ده نقوم بوضع كميه من الميه فى اناء كبير مع كميه من الكمون
نتركها حتى الغليان



نغسل الورق بالراحه جدا علشان مش يتقطع مننا
ونبدأ بوضع ورق الكرنبة بالشكل ده
مع ملاحظته وتقليبه علشان مش يتهرى مننا ومش نعرف نلفه
يعنى اول ما يدبل نشيله



ونقطع الورق المسلوق بالشكل ده والحجم ده



وده شكل الكرنب بعد السلق والتقطيع ومعاه الفلفل الرومى




وبعدين نحضر الحله اللى هنسوى فيها المحشى
نضع نقط قليله من الزيت ونضع عليه اوراق من الكرنب المسلوق
بالشكل ده






==طريقة تحضير خلطة الحشو==
-------------------------

فى اناء نضع شويه زيت وعليهم معلقه كبيره سمنه
ونضع البصل المفروم بالشكل ده



لحد ما البصل يصفر بالشكل ده



وبعدين نضع عليه الطماطم المغسوله والمضروبه فى الخلاط بالشكل ده



ودى صوره التوابل اللى هنضعها على الخلطه
واهم حاجه فيها النعناع بيبقى تحفه فى المحاشى بيدى طعم رهيب



ونضع التوابل على الطماطم والبصل ونقلب بالشكل ده



وبعد ما الطماطم والبصل يتسبكوا شويه نضع الارز المغسول والمصفى
بالشكل ده



وبعدين نضع الخضره المغسوله والمقطعه قطع صغيره
( البقدونس والكسبره الخضره والشبت )



ونقلب الخلطه كلها كويس بالشكل ده



وده شكل الخلطه بعد ما خلصت







ونبدأ فى لف الكرنب وبالضغط البسيط اثناء اللف بالشكل ده







ونبدأ برص محشى الكرنب فى حله الطهى بالشكل ده



حتى ننتهى من لف وحشو كل الورق والفلفل ورصه كله



ووبعدين نضع عليه شوربة لحم او فراخ
انا هنا وضعت شوربة لحم مذاب فيها معلقه صلصه صغيره
نغطى بيها المحشى بالشكل ده



وده شكله اثناء الطهى



وده الشكل النهائى لمحشى الكرنب والفلفل






ثانيا = اللحمة بالبصل
==============
========

المقادير
===

لحمة
بصل
سمن
فلفل رومى وحار
خل
توابل ( ملح-فلفل اسود-بهارات لحم-بودرة توم-جنزبيل-قرفه )


الطريقه
===

نقوم بسلق اللحمة بالطريقه العاديه بتاعتنا نص سلق
ونشيل اللحمة من الشوربه علشان الشوربة دى للمحشى
وده شكل اللحمة بعد السلق نص سلق



وبعدين فى اناء نضع سمن ونضع عليه البصل المقطع والصحيح
بالشكل ده



لحد ما يتحمر البصل نضع الفلفل الرومى والحار
المفروض يا قمرات نضع كميه من الفلفل الرومى
بس انا مش كان عندى غير واحده علشان خلص منى فى المحشى



وبعدين نضع اللحمة المسلوقه نص سلق




ونضع التوابل كلها ومعلقه كبيره خل ونقلبها



وبعدين نضع كميه قليله من شوربه اللحمة بالشكل ده



وده شكلها اثناء الطهى نغطيها ونتركها تتشرب



لحد ما توصل للشكل ده



وده الشكل النهائى للحمة بالبصل












منقووووووووووووووووول

[أم عبد الله]

بارك الله فيكِ

[راجيه عفو الله السلفيه]

وفيك بارك اخيتى
نورتى الموضوع

[ام عبد الرحمن وعمر]

ما شاء الله تسلم الايادى

[الطامعة في رضا ربها]

الله أكبر !!!!
محشي مرة واحدة !
شهيتيني واحنا بعد نص الليل بساعتين وربع خخ

الله يجزاكِ خير يا حبيبة ~

[بنت خديجة]

ما شاء الله تسلم الايادى