نسألكم الدعاء بالشفـــــاء العاجــــل لوالدة المشرف العام ( أبو سيف ) لتدهور حالتها الصحية ... نسأل الله العظيم رب العرش العظيم أن يشفيها ... اللهم آمـــين
اعلانات

العودة   منتديات الحور العين > .:: المنتديات العامة ::. > لـبيك اللـهم لبيـك

لـبيك اللـهم لبيـك ( وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا ۚ )

إضافة رد
 
أدوات الموضوع انواع عرض الموضوع
  #1  
قديم 10-03-2013, 07:17 AM
أم برآءة السلفية أم برآءة السلفية غير متواجد حالياً
قـــلم نــابض
 




Islam عشــرة أيــاآآآآآمـ فى الجنّــة

 

عشــــــــــــرة أيــــــاآآآآآمـ فى الجنّـــــــــه ~

إحنـــــا مقبلين على أيـــــــآآآآآمـ عظيمه أوووووى مقبلين على أحب الأيــــــآآآآمـ إلى الله

أيــــــــــآآآآآمـ العشر الأوائل من ذى الحجه


ما من أيام العمل الصالح فيها أحب إلى الله من هذه الأيـــــامـ
العشر الأوائل من ذى الحجه فيها من الفضل الكثييييييير الكثييييييير

هى أفضل من أيــــآآآآمـ رمضان لأن فيها يومـ عرفه وهو اعظم أيــــام السنه بإتفاق وكمـــــاآآآن فى رمضان الامور بتكون مهيأه لفعل الخيرات
لأنه شهر تفتح فيه أبواب الجنه وتغلق فيه أبواب النار وتصفد الشياطين ..... لكن العشر لا .. العشر بتحتاج مجاهده للنفس أكثر

ولكن ليالى رمضان أفضل من ليالى العشر لأن فيها ليله القدر


فضـــــائل العشر الأوائل من ذى الحجه :
* أقسم الله بلياليها .
* هى الأيامـ المعلومات .. قال تعالى : " ليذكروا الله فى أيامـ معلومات"
*فيها العشر أيام التى أتمها موسى لما وعده الله بثلاثين ليله .
* أفضل أيام الدنيا:

فعن جابر- رضى الله عنهما- أن رسول الله - صلى الله عليه وسلم - قال : " أفضل أيام الدنيا أيام العشر" "
أن النبى حث فيها على فعل الخيرات : قال صلى الله عليه وسلم "فأكثروا فيهن من التسبيح والتحميد والتهليل "*
*فيها يوم الترويه "يوم 8 ذى الحجه ".
*فيها يوم عرفه أفضل أيام السنه وصيامه يكفر سنتين.
*فيها ليله مزدلفه.
* فيها يوم النحر.
* فيها فريضه الحج.



وبعد ما عرفنا فضـــــــــائلها إزاى نستغلها ؟؟؟
يقول الله تعالى :
وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ (31) هَذَا مَا تُوعَدُونَ لِكُلِّ أَوَّابٍ حَفِيظٍ (32) مَنْ خَشِيَ الرَّحْمَنَ بِالْغَيْبِ وَجَاءَ بِقَلْبٍ مُنِيبٍ (33

عايزين نربط كلامنا بمناسك الحج .... يقول الله أزلفت يعنى قربت ومزدلفه جايه من الزلفه يعنى القرب
إنت هنا مطلوب منك أربع حاجات تركز عليهم فى العشر عشان تحقق الزلفه

1- أوااااااااااب : يعنى إيه أواب ؟؟؟؟ يعنى رجــــاع إلى الله عز وجل

قال الله تعالى : "نعمـ العبد إنه اواب"
خليك رجاع لو عملت ذنب توب لربنا من قريب وإعمل الحسنات ولا تنتكس ولا تيأس ومتقولش مفيش فايده انا تبت كتير ورجعت تانى ..... لا ... أرجع وبسرعه و متيأسش

2-حفييييييييييظ : عارفين حديث الغلاآآآمـ : إحفظ الله يحفظك ؟
هو ده
يعنى إحفظ أوامر الله .. يوم عرفه احفظ سمعك ولسانك وبصرك..
ففي مسند الإمام أحمد عن ابن عباس رضـي الله عنهما ، عن النبي صلى الله عليه وسلم قال : يوم عرفة ، هذا يومُ من ملك فيه سمعه وبصره ولسانه غُفر له.
خليك حفيظ على سمعك وعلى بصرك ولسانك ... خاف على عينك تشوف حاجه حرام خاف على أذنك تسمع حاجه حرام خاف على لسانك يقول حاجه حرام ...
3 - من خشى الرحمن بالغيب:
يا أصحاب ذنوب الخلووووات
إتعلم الخشيه .... إتعلم مراقبه الله .. ردد دائمــا الله ناظرى الله مطلع علىّ ... إفتكر دايما إن الله شهيد هيشهد عليك .... إفتكر إسم الله الرقيب ... إحترم نظر الله إليك وسمع الله لك...
تخيل عندك كاميرات مراقبه .... تخيل إن يوم القيامه هتلاقى كل حاجه إنت عملتها " ووجدوا ما عملوا حاضرا ولا يظلم ربك أحدا"

4 - وجاء بقلب منييييييييب :
ودى اهم حاجه بقى إن يكون العمل ليه أثر فى قلبك .... فتش عن قلبك .. فين قلبك وإنت بتقرأ قرءان .... فين قلبك وإنت بتذكر الله ... فين قلبك وغنت صائم ؟؟؟

فرصه فى إيدك تغير قلبكـ ... فرصه إن ربنا يعتق رقبتك من النار ... فرصه إنك يكتب لك أجر الحج حتى لو مكنتش مع الحجاج ... إوعى تضيع الفرصه من إيدكـ ..ده موسمـ عظيم مينفعش تفوته من غير ما يكون ليك نصيب كبير منه
خلى قلبك قلب منيب فقييييييير منكسر متذلل لله ... قوله مليش غيرك يــــــآآآآرب ... راجع لك يــــآآآآآرب
جاى وأن تايب يــآآآرب ... نفسى تقبلنى يــآآآآرب وتفتحلى بابك ... يـــــــــآآآآآآآآرب
حسها بقلبكـ وقول كفايه ذنوب بقى خلاآآآص ..... زى الحاج اللى بيكون راجع صحيفته بيضاء يقول كفايه بقى ذنوووووووووب .... إنت كمان قولها وإعزم على التوبه ...


عايزين السنه دى نعيش معانى الحج ....

عايزين نحج بقلوبنا ونأخد أجر الحج كاملا إن شاء الله وإن حبسنا العذر .....
طيب إزاى هناخذ أجر الحج ؟؟؟
لو نويت هتأخذ الاجر ..... لو مش معاك فلوس تحج ونويت الحج ليك الأجر "اللهم قد حبسنى العذر فلا تحرمنى الأجر"
عَنْ أَبِي عَبْدِ اللَّهِ جَابِرِ بْنِ عَبْدِ اللَّهِ الأنصَارِيِّ – رَضِيَ الله عَنْهُمَا – قَالَ : كُنَّا مَعَ النَّبِيِّ – صلى الله عليه وسلم – فِي غَزَاةٍ فَقَالَ : " إِنَ بِالْمَدِينَةِ لَرِجَالاً مَا سِرْتُمْ مَسِيراً، وَلاَ قَطَعْتُمْ وَادِياً إِلاَ كَانُوا مَعَكُمْ حَبَسَهُمُ الْمَرَضُ " . وَفِي رِوَايَةٍ : " إلاَ شَرِكُوكُمْ فِي الأجْرِ ". رَوَاهُ مُسْلِمٌ
الحج بالقلب يوجب لكـ الجنه .... الحج المبرور ليس له جزاء الإ الجنه
فى الحج يغفر الله لك التبعات ....

وإبه هى التبعات ؟؟؟؟

يوم القيامه لما تعدى على الصراط وتنجو من النار وتحس انك خلاص داخل الجنه .... أخطر مشهد هتقابله فى الوقت ده هو القنطره .... هناك هتقابل كل إنسان أغتبته ... كل واحد شتمته ... كل واحد سرقته ... كل واحد مشيت مع أخته

كل واحد منهم هيكون مستنى يأخذ من حسناتك لأن العباد يعيرون ولايغفرون ....
عايز ربنا يغفر لكـ التبعات دى ؟؟؟ شوف الحديث ده :
روى الخطيب عن أنس قال: قال رسول الله صلى عليه وسلم : إن الله عزوجل تطول على أهل عرفات فباهى بهم الملائكة فقال: انظروا يا ملائكتي إلى عبادي شعثاً غبراً أقبلوا يضربون إلى من كل فج عميق. أشهدكم أني قد أجبت دعوتهم وشفعت رغبتهم ووهبت مسيئهم لمحسنهم وأعطيت محسنهم جميع ما سألني غير التبعات التي بينهم حتى أفاض القوم من عرفات أتوا جميعا فوقفوا قال: انظروا يا ملائكتي إلى عبادي عاودوني في المسألة أشهدكم أني قد أجبت دعوتهم وشفعت رغبتهم ووهبت مسيئهم لمحسنم واعطيت محسنهم جميع ما سأل وتحملت عنهم التبعات التي بينهم.

سبحــــــــــان الله ... كثر خير الله وطـــــــــــاب...
ومش بس كده ده كمان رمى الجمرات .... رمى الجمره الواحده يكفر كبيره من الكبــــــائر .... يعنى ضمنت إنه يتكفر عنكـ 70 كبيرة من الكبائر اللى عملتها ...
عايز ايه تانى من الاجر والثواب ؟؟؟؟ حج بقلبك وإنوى الحج يكتب لكـ الأجر ....




ونيجى بقى لأهمـ حاجــــــــــه وهى البرنامج العملى :
* صـــــلاآآه الفجر : هنبدأ اليوم بصلاه الفجر .. وكل صلاه هتصليها على وقتها بأجر حجه كامله
وعن أبى أمامة (رضى الله عنه) عن النبى (صلى الله عليه وسلم) أنه قال: ( من مشى إلى صلاة مكتوبة فى جماعة فهى كحجة ومن مشى إلى صلاة تطوع فهى كعمرة نافلة)
وكمان ركعتا الفجر خير من الدنيا وما فيها .... ومن صلى الفجر فى جماعه فكانما قام الليل
أنوى النوايا دى كلها عشان تأخذ الأجر
بعد صلاه الفجر .... أقعد للشروق "جلسة الذكر" وبعد الشروق بربع ساعه صلى الضحى ركعتين أو أربعه
تأخذ اجر حجه وعمره تامه تامه تامه
صلاه الضحى صلاه الأوابين يعنى تكتب عند الله من الأوابين
وقال الله فى الحديث القدسى "ابْنَ آدَمَ ارْكَعْ لِي مِنْ أَوَّلِ النَّهَارِ أَرْبَعَ رَكَعَاتٍ ، أَكْفِكَ آخِرَهُ.
و عَنْ أَبِي ذَرٍّ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ : ( يُصْبِحُ عَلَى كُلِّ سُلَامَى مِنْ أَحَدِكُمْ صَدَقَةٌ ، فَكُلُّ تَسْبِيحَةٍ صَدَقَةٌ ، وَكُلُّ تَحْمِيدَةٍ صَدَقَةٌ ، وَكُلُّ تَهْلِيلَةٍ صَدَقَةٌ ، وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ ، وَنَهْيٌ عَنْ الْمُنْكَرِ صَدَقَةٌ ، وَيُجْزِئُ مِنْ ذَلِكَ رَكْعَتَانِ يَرْكَعُهُمَا مِنْ الضُّحَى )
يبقى كده فى كل يوم الخمس صلوات بخمس حجات وعمرات وجلسه الضحى بحجه وعمره ... المحصله كلها 6 عمرات و6 حجات فى اليوم ...

*وإنت نازل شغلك أنوى نوايا صالحة ... نيه العلم .. نيه السعى للرزق والتكسب ... أنوى نوايا صالحة تؤجر عليها
وأدمن الذكر لان إدمان الذكر يحيى القلب ... إدمن الذكر فى كل وقت تحمى نفسك من الغفله

* صـــــلاه الظهر ....
هنصلى أربع ركعات سنة قبل الظهر وأربعه بعده تُعتق من النّـــــــار....
عن أم حبيبة (رضى الله عنها) قالت: قال رسول الله (صلى الله عليه وسلم): ( من حافظ على أربع ركعات قبل الظهر وأربع بعدها حرمه الله على النار)
لو إنت فى شغلك ومش هتلحق ممكن تصلىها قضــــاء بعد العصر .... المهم تحافظ على السنن

* صـــــلاه العصر :
"حافظوا على الصلوات والصلاه الوسطى"
هنصلى أربع ركعات قبل العصر لو صليتهم كأنك خدت وقفه فى محطه البنزين يعنى خدت الطاقه اللى تقدر تشتغل بيها طول اليوم ... كتير من الأوقات تسمع درس أو خطبه وتتحمس وتقول هعمل كذا وكذا ومبتعملش .... ليه ؟؟؟؟؟ لان مش عندك الطاقه اللى هتشتغل بيها ... كل طاعه إنت بتعملها هى برحمته وبحوله وبقوته مش بحولك إنت ولا قوتك ..... إستعن بالله فى كل أعمالك وأكثر من الدعاء : اللهمـ أعنّى على ذكركـ وشكركـ وحسن عبادتكـ
اللهمـ أعنّى ولا تعن علىّ....

أكثر من الإستغفار وقراءة القرءان تتنزل عليك الرحمه ... إرحم الناس ليرحمك الله


عن ابن عمر (رضى الله عنه) عن النبى (صلى الله عليه وسلم) قال:
( رحم الله امرءا صلى قبل العصر أربعا)

وبعد العصـــــر نقول أذكار المساء (وقتها من بعد العصر إلى المغرب )
* الصيـــــامـ : عليك بالصوم فإن أجر الصوم لا مثل له... صووووم بقلبك ... صوم عن الحرام ...مش مجرد صيام عن الأكل والشرب ... صوم بسمعك عن الحرام وببصرك ولسانك
من صام يومــاً فى سبيل الله باعد الله بينه وبين النار سبعين خريفاً....
الشباب اللى بتشتكى من الفتن عليكم بالصوم فإنه وجاء...

النبى صلى الله عليه وسلم ماصام العشر كاملة ....
ولكن هنصوم بنيه إنها من جملة العمل الصالح

عايزين نحيى سنة الصيام ...
عايزين نوزع تمر فى المساجد وقت المغرب عايزين نوزع مطويات مطبوعه عن فضل العشر ....

* صـــلاة المغرب: هندعى بعد الفطر ... ومننساش الدعاء " اللهم قد حبسنا العذر فلا تحرمنا الأجر "
عايزين ندعى أدعيه ثقيله :
"اللهمـ إنى أسألك الفردوس الأعلى برفقه الحبيب محمد بغير حساب ولا سابقه عذاب"
"اللهمـ إنى أسألك الجنّة وأعوذ بك من النار"
كثف الدعاء وعيشه بقلبك ...

* بين المغرب والعشاء : أحى ما بين العشائين(المغرب والعشاء) إما نصلى والصلاه فى الوقت ده ملهاش عدد محدد ... لو مش قادر تصللى وإنت واقف صلى وإنت جالس .. ولو مش قادر تصلى خليها دعاء أو ذكر او قراءة قرءان أو روح المسجد وإعكتف ما بين المغرب والعشاء..

* صــــــلاة العشاء :
من صلى العشاء فى جماعه فكأنما قام نصف الليل وبعدها صلى السنه ويبقى كده كملت ال12 ركعه رواتب (2 قبل الفجر و4قبل الظهر و2 بعده و2 بعد المغرب و2 بعد العشاء)
يقول الله فى الحديث القدسى
"ولا يزال عبدى يتقرب إلى بالنوافل حته أحبه فإذا أحببته كنت سمعه الذى يسمع به وبصره الذى يبصر به "

* قيـــــامـ الليل :
لو عندك ذنب معين ومش عارف تبطله أحد الحلول إنك متتعلقش بالذنب وعليك بقيام الليل
قال رسول الله صلى الله عليه وسلم:
{عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد

منهــــــاه عن الإثم : ياللى بتعانى من ذنب معين ومش قادر تبطله قيـــم الليل
ورد عن بعض الصحابة أنهم قالوا لرسول الله صلى الله عليه وسلم:
إن فلان يصلي ويأتي الفاحشة، فقال صلى الله عليه وسلم: (إن صلاته ستأتي يومًا وتنهاه)
معنى مهم جداً يعنى بلاش تسمع كلام الشيطان لما يجى يقولك ما بلاش شغل الوشين ده
ده إنت بتاع بنات وهتقرأ فى المصحف ده إنت كذا وهتقيم الليل .....
لالالالالا متسمعش كلامه مفيش حاجه اسمها كده فى حاجه اسمها إن رصيد السيئات عندك عمال يزيد وكل ما بيزيد الشيطان يستأسد عليك

مفيش حد فينا بياخد عشره من عشره ....
كل واحد لينا ليه نقطه ضعف وله عيب وياما ناس إتغيرت حياتهم بقيام الليل
حتى لو كنت وحش افعل الخير وصلح من نفسك لما تكون خمسه من عشره وتصلح من نفسك وتبقى 8 من عشره احسن ما تسيب نفسك خالص وتقل عن 5 من عشره .... اعمل الخير والحسنات يذهبن السيئات

وقال النبي : { في الجنة غرفة يرى ظاهرها من باطنها، وباطنها من ظاهرها } فقيل: لمن يا رسول الله؟ قال: { لمن أطاب الكلام، وأطعم الطعام، وبات قائماً والناس نيام } [رواه الطبراني والحاكم وصححه الألباني].

قيم الليل ولو بركعتين ...
من قام الليل بعشر آيات لم يكتب من الغافلين ومن قام بمئه آيه كتب من القانتين ومن قام بألف آيه كتب من المقنطرين
متفوتش قيام الليل ....
بعد كده ممكن تنام وقت لليل ولو تيسر ليك استيقظ فى الثلث الأخير للسحور والدعاء فى الوقت ده يكون مستجاب ... ادعى واستغفر ..." والمستغفرين بالأسحار"

ده كده يعتبر البرنامج اليومى وعندنا بعد كده أعمال مفتوحه ....

احنا قلنا صيام قيام ذكر قرءان
وبالنسبه للقرءان لو قدرت تختم يبقى خير وبركه لو مقدرتش إقرأ على الأقل جزء المهم متسيبش قراءه القرءان

بعد كده صنائع المعروف ....
قال رسول الله صنائع المعروف تقى مصارع السوء والآفات والهلكات
صنائع المعروف من إطعام يتيم أو مسكين ... مصاريف مدارس مدفعتش مساعده أرامل وفقراء مشاريع الأضاحى إشتراك فى جمعيه خيريه .... إلخ
بالنسبه للأضحيه فهى واجبة على كل مستطيع

وبالنسبه ليوم عرفه : الحجاج هيروحوا عرفه يعرفوا ربنا ... محتاجين نعرف ربنا ...
احفظ سمعك وبصرك ولسانك يوم عرفه والأفضل نعتكف
وبالنسبه لليله العيد : أحى ليله العيد بالذكر والدعاء والصلاه والفرح "قل بفضل الله وبرحمته فبذلك فليفرحوا"
ويوم العيد نصلى العيد ونشرع فى التكبير ونذبح الأضحيه

وبالنسبه للتكبير يُسن التكبير المطلق في عشر ذي الحجة وسائر أيام التشريق ، وتبتدئ من دخول شهر ذي الحجة ( أي من غروب شمس آخر يوم من شهر ذي القعدة ) إلى آخر يوم من أيام التشريق ( وذلك بغروب شمس اليوم الثالث عشر من شهر ذي الحجة)
أسأل الله أن يتقبل منا ومنكم وأن يأخذ بإيدينا إليه إنه ولى ذلك والقادر عليه ....


من درس "عشرة أيام في الجنة " للشيخ / هاني حلمي
التوقيع


التعديل الأخير تم بواسطة أم عبد الله ; 10-03-2013 الساعة 05:11 PM سبب آخر: تكبير الخط يا أم براءة بارك الله فيكِ
رد مع اقتباس
  #2  
قديم 10-03-2013, 05:35 PM
الصورة الرمزية أم عبد الله
أم عبد الله أم عبد الله غير متواجد حالياً
كن كالنحلة تقع على الطيب ولا تضع إلا طيب
 




افتراضي

ما شاء الله اللهم بارك
جزاكِ الله خيرا "أم برآءة "ونفع بكِ
التوقيع


تجميع مواضيع أمنا/ هجرة إلى الله "أم شهاب هالة يحيى" رحمها الله, وألحقنا بها على خير.
www.youtube.com/embed/3u1dFjzMU_U?rel=0

رد مع اقتباس
  #3  
قديم 10-03-2013, 06:58 PM
أم برآءة السلفية أم برآءة السلفية غير متواجد حالياً
قـــلم نــابض
 




افتراضي

آمين وإيَّاكِ " أم عبدالله "
باركَ الله فيكِ ..
التوقيع

رد مع اقتباس
  #4  
قديم 10-04-2014, 12:35 AM
ابواسلام الطهطاوى ابواسلام الطهطاوى غير متواجد حالياً
عضو فعال
 




افتراضي

كل عام وانتم والامة المحمدية الف خير وبركة.
رد مع اقتباس
  #5  
قديم 04-08-2015, 11:05 AM
تقىالدين تقىالدين غير متواجد حالياً
عضو جديد
 




Tamayoz غزة - فلسطين

السلام عليكم ورحمة الله وبركاته ،،،
بارك الله فيكم ، ونفعكم الله ،،، ونفع بعلمكم
رد مع اقتباس
  #6  
قديم 06-27-2015, 06:17 PM
رؤيا الجزائرية رؤيا الجزائرية غير متواجد حالياً
عضو جديد
 




افتراضي

بارك الله فيك
التوقيع

رد مع اقتباس
  #7  
قديم 09-08-2015, 11:59 PM
نصرة مسلمة نصرة مسلمة غير متواجد حالياً
" مزجت مرارة العذاب بحلاوة الإيمان فطغت حلاوة الإيمان "
 




افتراضي

لا إله إلا الله
التوقيع

ياليتني سحابة تمر فوق بيتك أمطرك بالورود والرياحين
ياليتني كنت يمامة تحلق حولك ولاتتركك أبدا

هجرة







رد مع اقتباس
  #8  
قديم 01-05-2017, 01:08 AM
اسامة81 اسامة81 غير متواجد حالياً
عضو فعال
 




افتراضي

شكرا لك وبارك الله فيك على الموضوع الجميل
التوقيع

قال رسول الله صلى الله عليه وسلم "إن الله اصطفى من الكلام أربعا: سبحان الله، والحمد لله، ولا إله إلا الله، والله أكبر، فمن قال سبحان الله، كتب له عشرون حسنة، وحطت عنه عشرون سيئة، ومن قال الله أكبر، فمثل ذلك، ومن قال لا إله إلا الله، فمثل ذلك، ومن قال الحمد لله رب العالمين، من قبل نفسه، كتب له ثلاثون حسنة، وحطت عنه ثلاثون سيئة" رواه النسائي

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

منتديات الحور العين

↑ Grab this Headline Animator

الساعة الآن 07:19 PM.

 


Powered by vBulletin® Version 3.8.4
Copyright ©2000 - 2017, Jelsoft Enterprises Ltd.
.:: جميع الحقوق محفوظة لـ منتدى الحور العين ::.