انا لله وانا اليه راجعون... نسألكم الدعاء بالرحمة والمغفرة لوالد ووالدة المشرف العام ( أبو سيف ) لوفاتهما رحمهما الله ... نسأل الله تعالى أن يتغمدهما بواسع رحمته . اللهم آمـــين

العودة   منتديات الحور العين > .:: المنتديات الشرعية ::. > كلام من القلب للقلب, متى سنتوب..؟!

كلام من القلب للقلب, متى سنتوب..؟! دعوة لترقيق القلب وتزكية النفس

إضافة رد
 
أدوات الموضوع انواع عرض الموضوع
  #1  
قديم 01-11-2011, 05:14 AM
عاشقة التوبة عاشقة التوبة غير متواجد حالياً
عضو فعال
 




Ramadhan05 بيحبي ربنا...؟ طيب حال قلبك مع ربنا إيه..؟

 




حبيبتي في الله


بتحبي ربنا...؟

أكيد.. مش كده...؟ ما تزعليش إني بسألك.. لكن أنا كمان محتاجة أقف مع نفسي الوقفة دي وأشوف حال قلبي مع ربي إيه...؟


القلوب معروف عنها القسوة لما تلفها الغفلة... ولازم نصحيها كل شوية عشان نشوف أخبارنا إيه مع ربنا؟

مش ساعات بتلاقي ظلمة على قلبك.. مش عارفة مخنوقة من إيه.. متضايقة ليه... فيه حاجة غلط.. بس مش عارفة تحدديها... صح؟

كلنا بنمر باللحظات دي... وساعتها لازم نسأل نفسنا.. أنا فين من ربنا؟

لأن الذنوب والمعاصي مهما كانت... صغيرة ولا كبيرة.. بتبعدنا شوية بشوية عن ربنا وعن الإحساس بالأمان والصفاء النفسي اللي محتاجينه عشان نكون فعلاً صادقين مع نفسنا ونقول إن حال قلبنا مع ربنا تمام


أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ


حالك إيه مع القرآن...؟ مع الذكر...
؟
حالك إيه مع الصلاة...؟

عبادات وفروض ...آه... بصلي... ممكن أقول الأذكار... ممكن أدعي ربنا... عادي يعني......


طيب وهو ده اللي مطلوب منك؟ ده بس اللي لازم أعمله عشان أكون مسلمة طائعة؟ لا والله... داحنا بعيد جداَ عن اللي لازم نعمله ونحسه ونكونه عشان نقول بصدق..
بحب ربنا

مش بقول إن العاصي مش بيحب ربنا .. لأن كلنا بنذنب وكلنا بنخطيء لكن المهم هو بنحب ربنا قد إيه...؟ الطاعة أول دليل على الحب.. مش كده؟

طيب لو الطاعات إنتي بتعمليها يا دوب بالعافية أو على القد.. مش بروح.. ولا خشوع.. ولا نفس... يبقى دي طاعة عاوزة تقدميها لربنا وتقوليله بيها... بحبك يا رب...؟


معقول دي نوعية الطاعات اللي عاوزاها تشهد لأعمالك يوم القيامة؟

أنا مش عاوزة أسببلك إحباط...


ولا أقولك إني بعمل كل ده ومواظبة على كل حرف في الفرآن والسنة... وأنا بنصحك لأني أحسن منك

لا والله..



مش عاوزاكي تحسي بالإحباط على قد ما عاوزاكي تشوفي إن ترجمة أعمالك
لحبك لربنا

مش مظبوطة...

وأكيد لو بصيتي كويس حتعرفي إن مش دي الطريقة اللي انتي عاوزة تحبي بيها ربنا




نفسك في إيه...؟


إنه يرضى عنك؟

إنه يحبك؟

إنه يرزقك...؟



كلنا عاوزين حاجات كتير..

فيه اللي بيفكر في حاجات الدنيا

وفيه اللي بيفكر في الآخرة
وممكن بعدين تيجي مطالب الدنيا أو ما تجيش خالص...

أيوه ممكن.. لأن اللي بيشغل نفسه بطاعة ربنا وذكره..
ربنا يديله منغير ما يطلب

أنا مثلاً نفسي أكون مؤمنة صالحة وزوجة صالحة

ماتكسفش إني أقابل النبي عليه الصلاة والسلام...

وآخد معايا ولادي وأقوله أنا ربيتهم زي ما كنت عاوز
يا رسول الله...

وفي إيدي جوزي.. يقوله إني عاملته زى ما أمرتنا
نعامل أزواجنا

وهو يقول للنبي

وهي كمان حتقولك إني كنت بخاف الله فيها


حروحله بحجابي الشرعي...

أيوة... بنقابي...


نقـــــــــــأبي

اللي أمرني بيه ربي حبيبي ورسولي الكريم..

مش ممكن أكون مكسوفة

لأني عارفة إن لبسي ده هو راضي عنه..

ما هو أنا لو مش لابسه النقاب

ما اعتقدش ان الرسول حيقدر يتكلم معايا أصلاً...

لأن القرآن أمرنا بالحجاب وده اللبس اللي كان الرسول آمر زوجاته انهم يلبسوه...






مش ده موضوعنا دلوقتي






رغم ان الحجاب الشرعي جزء لا يتجزأ من الموضوع بتاعنا




موضوعنا هو حالنا مع ربنا يتصلح إزاي؟




ممكن أقولك خطوة خطوة

وممكن أقولك اللي تحسيه إعمليه..

وممكن أقولك دوري على اللي ربنا أمرنا بيه

والرسول قالنا عليه


ونعمله


ممكن نقول حاجات كتيييييير



بس أحلى كلام



كلام النبي حبيبنا صلى الله عليه وسلم






طيب أستقم إزاي...؟




أول الخطوات مثلا حب الذكر والخشوع في الصلاة

ومجالس علم.. مش بقولك لازم تروحي..

دا العلماء هما اللي بيجوا بالنت انهارده ولا إيه؟


يعني ما عندكيش حجة



أول وأهم حاجة نتعلم نقول للمعاصي.... لأ



لأ

لأ مش حقول كده... ومش حتكلم على جد

لأ مش حتفرج على أفلام ومسلسلات...

لأ مش حسمع الأغاني دي.. أبداً تاني

حسمع قرآن

على الأقل مش حسمع حاجة تغلقلي قلبي ..

عاوزة حاجة تنوره مش تظلمه.. والذكر أولها

والقرآن أحلى ذكر

إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَِ



عاوزة أكون من المؤمنين اللي ربنا اتكلم عنهم في سورة الحديد... ممكن... ليه لأ؟




يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُمْ بَيْنَ أَيْدِيهِمْ وَبِأَيْمَانِهِمْ بُشْرَاكُمُ
لْيَوْمَ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا ذَلِكَ هُوَ الْفَوْزُ الْعَظِيمُ () يَوْم يَقُولُ الْمُنَافِقُونَ وَالْمُنَافِقَاتُ لِلَّذِينَ آَمَنُوا انْظُرُونَا نَقْتَبِسْ مِنْ نُورِكُمْ قِيلَ
ارْجِعُوا وَرَاءَكُمْ فَالْتَمِسُوا نُورًا فَضُرِبَ بَيْنَهُمْ بِسُورٍ لَهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِنْ قِبَلِهِ الْعَذَابُ () يُنَادُونَهُمْ أَلَمْ نَكُنْ مَعَكُمْ قَالُوا بَلَى وَلَكِنَّكُمْ
فَتَنْتُمْ أَنْفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّى جَاءَ أَمْرُ اللَّهِ وَغَرَّكُمْ بِاللَّهِ الْغَرُورُ () فَالْيَوْمَ لَا يُؤْخَذُ مِنْكُمْ فِدْيَةٌ وَلَا مِنَ الَّذِينَ كَفَرُوا مَأْوَاكُمُ النَّارُ
هِيَ مَوْلَاكُمْ وَبِئْسَ الْمَصِيرُ () أَلَمْ يَأْنِ لِلَّذِينَ آَمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ () اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا قَدْ بَيَّنَّا لَكُمُ الْآَيَاتِ لَعَلَّكُمْ تَعْقِلُونَ

سورة الحديد





ياللا بأه... كلنا مع بعض ننوي نعاهد ربنا على صفحة جديدة


وما تنسوش الإستعانة بالدعاء...

لأن ربنا قال إن أي خطوة بنعملها عشان نقربله...

حيقربلنا قصادها أكتر


قال رسول الله يقول الله: أنا عند ظن عبدي بي وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم، وإن تقرب إلى شبرا تقربت إليه ذراعا، وإن تقرب إلي ذراعا تقربت إليه باعا، وإن أتاني يمشي أتيته هرولة



ياللا كلنا نقول

وعجلت إليك ربي لترضى
رد مع اقتباس
  #2  
قديم 01-11-2011, 03:25 PM
أبو عبد الله محمد السيوطي أبو عبد الله محمد السيوطي غير متواجد حالياً
قـــلم نــابض
 




افتراضي

وعجلت إليك ربي لترضى
التوقيع

روى الامام مسلم و غيره عَنْ عَلِيٍّ - رضي الله عنه - ، قَالَ: قَالَ لِي رَسُولُ اللهِ صَلَّى اللهُ عَلَيْهِ وَسَلَّمَ: «قُلِ اللهُمَّ اهْدِنِي وَسَدِّدْنِي، وَاذْكُرْ، بِالْهُدَى هِدَايَتَكَ الطَّرِيقَ، وَالسَّدَادِ، سَدَادَ السَّهْمِ»

و في رواية : قَالَ: قَالَ لِي رَسُولُ اللهِ صَلَّى اللهُ عَلَيْهِ وَسَلَّمَ: «قُلِ اللهُمَّ إِنِّي أَسْأَلُكَ الْهُدَى وَالسَّدَادَ» ثُمَّ ذَكَرَ بِمِثْلِهِ

رد مع اقتباس
  #3  
قديم 01-12-2011, 06:12 AM
جنه عصام جنه عصام غير متواجد حالياً
قـــلم نــابض
 




افتراضي

رد مع اقتباس
  #4  
قديم 01-12-2011, 08:59 PM
أم حمزه السلفية أم حمزه السلفية غير متواجد حالياً
قـــلم نــابض
 




افتراضي

جزاكِ الله كل الخير
التوقيع

اللهم أرزقنى حسن الخاتمة

رد مع اقتباس
  #5  
قديم 01-13-2011, 02:44 PM
أم إيناس أم إيناس غير متواجد حالياً
قـــلم نــابض
 




افتراضي

جزاك الله خيرا.
رد مع اقتباس
  #6  
قديم 01-14-2011, 04:30 AM
عاشقة التوبة عاشقة التوبة غير متواجد حالياً
عضو فعال
 




افتراضي

رد مع اقتباس
إضافة رد

الكلمات الدلالية (Tags)
مع, بيحبي, حال, ربنا, ربنا...؟, إيه..؟, طيب, قلبك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

منتديات الحور العين

↑ Grab this Headline Animator

الساعة الآن 03:04 PM.

 


Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
.:: جميع الحقوق محفوظة لـ منتدى الحور العين ::.