بســم الله الـرحمــن الرحيــم
السلام عليكــم ورحمـة الله وبركاتــة ،،
الحمـــــد لله
اخيرا غيرت خطي من شبكة موبينيل لشبكة اتصالات
وقلت باي باي ساويرس
ياللا يا بنات اللي لسه خطها موبينيل او تعرف اي حد خطه موبينيل تقوله يغيره واعملي ده لله وبنية نصرة لدين الاسلام وغيرة على مظاهر ديننا وسنة نبينا محمد صلى الله عليه وسلم ( مش اللحية برضه سنة عن نبينا محمد)
وخطوات التحويل سهلة جدا مش زي ما بنات كتير كاتبة انك لازم تتصلي بموينيل وتقولي لهم عايزة السيريال بتاع خطك لا مفيش حاجة من دي خالص :
انا رحت لمركز خدمة اتصالات وقلت له عايزة اغير خطي من موبينيل لاتصالات بنفس الرقم فقال لي لو الرقم باسمك وعدى عليه سنة هاتي بطاقتك الشخصية وهنغير لك الخط , ورحت تاني يوم واخد البطاقة وسحبها سكانر عنده وخد رقم خطي وسجله على الكمبيوتر وبعدين اعطاني خط اتصالات وقال لي خلال يومين او ثلاثة هيشتغل الخط , وبعد يومين بعتوا لي رسالة ان وصلهم طلبي بتحويل خطي لاتصالات وهيردوا علي خلال 4 ايام , وبعد 4 ايام بعتوالي رسالة بيهنوني بقبول طلبي في اتصالات :) وهيبلغوني اول لما يشتغل الخط , تاني يوم لقيت خط موبينيل اتوقف واشتغل خط اتصالات الحمد لله النهارده , يعني بعد اسبوع اشتغل الخط والحمد لله
انا قلت لكم الخطوات بالتفصيل اهوه علشان ميبقاش ليكم حجة اللي مغيرتش خطها تروح بسرعة تغيره
اهم حاجة يكون عدى على تشغيل خط سنة على الاقل ويكون الرقم سمجل وتاخدي معاكي بطاقتك لو كان الخط مسجل باسمك او بطاقة الشخص المسجل باسمه الخط
ولو مش هحتاجة نفس رقمك ارمي شريحة موبينيل واشتري شريحة من خط تاني , المهم متشغليش خط موبينيل تاني
وشوفوا صورة خط موبينل بعد لما طلعته من موبايلي ودمرته :)
بـــــاي بـــــاي ســـاويرس
الحمد لله غيرت خطي من موبينيل " نصرة وغيرة على ديني " وباي باي ساويرس
العرض الشجري
