*فراخ محشية بصل (سفرتي المتواضعه مع الصور)

[ام عمر وخالد]

 

اكلتنا ده سهله و خفيفه
نبتدي بالفراخ

نجيب فرخة و ننظفها كويس بالملح و اللمون عشان الزفارة و نقطعها 4 ارباع

ونفتح فيها فتحات بالسكينة

نجيب بصلتين حلوين و نبشرهم بالمبشرة و نحط عليهم ملح و فلفل اسود و كمون
و نبتدي نحشي بالبصل الفتحات اللي فتحناها في الفراخ

نجهز الصنية بتاعتنا
نقطع كام حباية بطاطس حلقات (الكمية حسب الرغبة)و نرصها في الصنية و نحط فوقيها الفراخ و اللي فضل من حشوة البصل
نضع كباية ماء عليهم و نتركها فوق النار لحد ما تبتدي البطاطس تاخد نص سوا و ننزل الصنية في الفرن على اعلى درجة و نتركها لحد ماتستوي الفراخ و تتحمر منغيرما تفتحي الشواية

دلوقتي نيجي للارز بالحمص
نجيب كوبين ارز مصري
بصلة كبيرة
فصين ثوم
نص كوب حمص
فلفل اسمر و بهارات و كركم و ملح
نجيب بصلة كبيرة و نقطها مربعات و نقلبها في الزيت لحد ما تبتدي تحمر نقطع معاها فصين ثوم ونقلب
ونجيب نص كوب حمص مسلوق و نضيفه مع البصل

بعدين نجيب كوبايتين مية و نحطهم عليهم ونضيف البهارات بتاعتنا

ملح و فلفل اسمر و كركم و بهارات لحد ما المية تغلي و نسقط الارز و نخليه لحد ما يتشرب و نوطي عليه لحد ما يستوي

استوى الارز

نيجي لسلطة الزبادي

خيارتين مقشرتين
علبتين زبادي
ملح و فلفل اسمر

نقطع الخيار مربعات صغيرة
نجيب الزبادي و نضربه بالمضرب اليدوي و نضيفله الملح و الفلفل الاسمر و الملح حسب الذوق و بس













منقول

[(أم عبد الرحمن)]

سلمت يداك وننتظر جديدك

[نور الاسلام]

سلمت وسلمت يداك يا اختى الغاليه

[أم البراء]

جزاكِ الله خيراً الحبيبة أم عمر وخالد

[سماهر المدينه]

السلام عليكم ورحمة الله وبركاته

سلمت الأيادي أم عمروخالدولاحرمنا الله من جديدك

[أم مُعاذ]

ماشاء الله جزاكِ الله خيراً

[سجدةمسلمة]

جزاك الله خيرا على النقل الطيب ذكرتيني بوصفتي بس كانت على منتدى تاني اسعدني اني وجدت وصفتي هنا

[ام عمر وخالد]

جزاكم الله خيرا