السلام عليكم اولا يا بنات حبيت أثير الموضوع ده بعد أن جاءت لى جارتى طالبه من ان افيدها فى موضوع كدا وبعد ما جلسنا قالت لى ايه رايك فى الكيراتين لم أفهم كلامها وقتها لانى لم يكن لى خبره اوى فى الكيراتين ده انا اعرف الفرد الكيمائى او السيروم اما الكيراتين لا اعرفه ففتحت التلفزيون بعدها بالقدر وجدت ناس كثير بيتكلموا فى مختلف القنوات عن المعجزه كما يسمونها التى أسمها الكيراتين فأتصلت باحد البرامج لافيد جارتى التى تنوى بالفعل عمله قال لى انه ب 5000 الالاف جنيه تتخيلواااااا فقلت أفيدكن وأفيد نفسى وأجمع لكن كل المعلومات التى وجدتها على النت عن هذا الاختراع الرهيب كما يطلقون عليه ولكن الحكم وأرجو التعليق ومن جربته تفيدنا ومن لم تجربه تخبرنا بنصائحها
فلنبدأ:_
كلام كتير بدأ يتردد عن الكيراتين في الفترة الأخيرة.. إيه الحكاية يا ترى هل صحيح ممكن يفرد الشعر لمدة طويلة؟! وإيه الفرق بينه وبين "البيرم"؟! وهل صحيح ممكن يسبب مشاكل على المدى البعيد؟ ده حوار مع أحمد لطفى مصفف شعر
في البداية يعني إيه الكيراتين؟
يشكل الكيراتين 90% من تركيب مكونات الشعر يفقده الشعر لعوامل كثيرة منها فرد الشعر بالبيرم والجليد وكثرة الصبغات واستخدام الكريمات والشامبوهات الغلط.. كتر السيشوار والمكواة الحديد.. أو لأسباب وراثية..
ولما الكيراتين في الشعر يقل فالشعر يبدأ يجف ويقصّف ويهيش وطبعا يتساقط وتقل نسبة الكيراتين شوية شوية لحد ما نصل إلى 35%...
النهارده ممكن نرجع للشعر الكيراتين بس "مصنع" من مواد طبيعية وهو عبارة عن تسع أنواع.. فيه شركة برازيلية توصلت لتصنيع الكيراتين بجودة عالية جدا بعد كده بدأت شركة أمريكية تاخد براءة هذا الاختراع وأنتجته لكن أقل جودة.. تلتها شركة كندية وأنتجت الكيراتين بجودة أقل من الأمريكية وبعد كده أنتج الكيراتين دول عربية زي لبنان وغيرها. ومع الأسف ابتعدت الشركات عن مكونات الكيراتين الطبيعية ودخلت عليه مواد كيميائية لها آثار سلبية على الجسم والشعر.
مع الأسف الكيراتين الموجود في مصر "لبناني" مش أصلي ويحتوي على نسبة عالية جدا من الفورمالين، وعدد قليل من الكوافيرات بيستخدموا الأصلي..
إيه المشاكل اللي ممكن يسببها استخدام الكيراتين اللي مش أصلي؟
بجد دي مشكلة كبيرة مادة الفورمالين مادة مسرطنة ومع الأسف بيتم إضافتها بنسبة كبيرة جدا.
إزاي نفرق بين الكيراتين الأصلي والكيراتين المقلد "الخطر"؟
أبسط حاجة إن رائحته تخلي العين تدمع وتشعر بحرقان بسبب المواد الكيماوية، وعلى فكرة ريحته مش زي "البيرم".. "الفورمالين" مادة تستخدم في التحنيط عشان الشعرة تفضل على شكلها فترة وجيزة ثلاثة أو أربعة شهور وخلاص.. من الحاجات المميزة الكيراتين الأصلي إنه يكون عليه موافقة منظمة الدواء والغذاء الأمريكية (fda) العلامة دي معناها إن المنتج مكوناته آمنة جدا وهو ده المعيار اللي لازم نتعامل به في كل حاجة..
الكيراتين المقلد بيستمر 3 شهور فقط وبعد كده خلاص بيرجع الشعر لطبيعته تاني.. الأصلي بيستمر في الشعر مدة لا تقل عن ثلاث سنوات كمان والكوافير اللي بيستخدم النوع المقلد بيطلب من الزبونة إنها تتجنب نزول حمام السباحة.
مهم التأكد من العلامة الأصلية للمنتج.. نصيحتي لازم البنت تشوف المنتج قبل استخدامه.
كمان من الحاجات اللي تخلينا نتأكد إنه أصلي أن يكون الكيراتين ملمسه واحد متجانس ومن غير حبيبات؛ لأن وجودها دليل على إنه مقلد.
والأسعار؟
الكيراتين المقلد ثمنه 1500 جنيه أو أقل الكيراتين الأصلي ذو الجودة العالية ثمنه من 2500 جنيه إلى 5000 جنيه..
هل الكيراتين أنواع؟
الكيراتين أنواع.. فيه كيراتين بيستمر إلى الأبد بيخلي الشعر ناعم وحتى الشعر الجديد بيطلع ناعم خالص بنسبة 60%؛ لأنه بيعلي نسبة الكيراتين الطبيعية في الجسم. النوع التاني يعني فرد وعلاج ده أغلى نوع؛ لأنه بيكون مرة واحدة وخلاص. وفيه نوع تاني للعلاج بس..
وفيه أنواع حسب رغبة البنت. فيه بنات بيحبوا يكون شعرهم مفرود جدا من غير أي تموجات.. وفيه بنات تحب يكون شعرها مموج، حسب الاساتيل اللي الواحدة عايزاه... وفيه بنات عايزين الكيراتين للعلاج فقط.
نصيحتك للشعر المعالج بالكيراتين؟
استخدام شامبو معالج باستمرار عشان تحافظ على شعرها ولازم تصبر شوية لحد ما شعرها يتعود على نوع الشامبو. صحيح الشعر في الأول هيكون هايش لكن بعد كده هيطرى ويتحسن مع الوقت.
الموضة في استخدام الكيراتين؟
أفضل على المستوى الشخصي الشكل الصحي للشعر ويبهرني الاستايل الإيطالي التموجات الواسعة الكيراتين يمكن إنه ينفذه بشكل جميل جدا، وعلى فكرة موضة جدا أكتر من أن يكون الشعر مفرود وخلاص.. بدون شكل لكن في النهاية دي حرية شخصية حسب رغبة البنت.
وده كلام أخت تانيه برده من على النت وأحكموا انتم
سئلت الدكتورعن الكيراتين شووفو قالى اية؟
يابنات انا روحت امبارح لدكتور امراض جلدية كنت عشان شعرى بيتساقط خالص وخصوصا من المقدمة عطانى برشام اسمة نيوتريشن فور يور هير واسبرى كدة المهم قالى اسبوعين لو ماجبش نتيجة لازم اعمل ميزوثيربى ادعولى يابنات ان شعرى يتظبط ويطلع بسرعة مش عاوزة انا اعمل ميزوثيربى
المهم بالنسبة للكيرايتن؟؟؟؟؟؟؟؟؟؟؟؟؟؟؟؟؟؟؟؟؟
انا كنت لسة بقولة كلمة كيراتين لاقيتة بيقولى اوعىىىىىىىىىىىىىىىىىىىىىىىى تعملى البتاع دة لسة جيالة واحدة عملاة من شهر وشعرها باظ واتحرق ونشف جداااااااااا ودافعة فية الف جنية وقالى كتبتلها ع ادوية اد كدة
وفهمنى بقىقالى الكيراتين دة عارفة البويا اللى بندهن بيها الحيطا اهو شبة لو انتى جبتى فرشة البويا الفرشا شعرها بيبقى ناشف جدا مجرد تحطيها ف بميل البويا وطلعيها هتلاقيها بقت بتلمع وملزقة
اهو دة بقى الكيراتين قالى عبارة عن مادة بتلمع الشعر وتلزقة مش اكتر ومالهااش اى فايدة خالصصصصصصصص بالمرةزائد ان فيها فورمالين وماحدش يقول كيراتن خالى م نالفورمالين لانى الكيراتين لازم يتحفظ ف فورملين وقالى مادة الفورمالين دى مدمرةللشعععععر
يعنى الست اللى عملت شعرها وبتعالجة مجرد مراح الكيراتين شعرها رجع انشف من الاول وباظ خالص
معلش انا طولت عليكم بس والله حبيت افيدكم لان دة دكتور معروف ف اسكندرية ومتخصص جلدية وتجميل مش هيغشنى ولا يضحك عليا
الثالثه :_
السلام عليكم اخواتي الكرام عندي خبرة كبيرة من كورسات وتجارب شخصية عن الكيراتين 3 مرات واحب افيدكم عن( انواعة ومميزاته واضراره )
اولا ؛ الكيراتين كما هو معروف عنه احد مكونات الشعرة الاساسية والمسؤله عن نعومة الشعر وصحتة وجودها بكثرة في شعر عن اخر تجعلة ناعما ولامعا وقليل التموجات أما قلة وجودها يجعل الشعر مجعدا وجافا وتالف المظهر بدرجات وهذا يعتمد علي نسبة الكيراتين في الشعر ثم منذ عدة سنوات اكتشف البرازيليون عشبة تنبت في بلادهم تنتج مادة الكيراتين ممثالة للموجودة في الشعر فصنعوها واستخدموها لعلاج جميع مشاكل الشعر التي ذكرتها سابقا
فمن مميزات الكيراتين انه يعالج التموج والتقصف والهيشان تماما ويعطي الشعر نعومة ولمعة تبدو كأنها طبيعية ويفرد تموجات الشعر بنسبة كبيرة فيبدو شعرك اكثر صحة ونعومة ولمعة والاهم المظهر الطبيعي وكأنك ماسويتي شيء بشعرك
وبالنسبة للانواع فيوجد منه نوعان البرازيلي المعبأ في البرازيل والثاني البرازيلي المعبأ في لبنان أما باقي الانواع فهي تقليد وليست اصلية حتي لو وهمك الكوافير بغير ذلك نأتي للنوع الاول وهو البرازيلي المعبأ في لبنان ويقال علية اللبناني تركيز الكيراتين فيه بنسبة 60% ويحتوي علي 2% فورمالدهايد ومتوفر منه برائحة الفانيليا والشيكولاتة
اما البرازيلي المعبأ في البرازيل تركيز الكيراتين فيه نسبة من 95 الي 100% منه نوع يحتوي علي الفورمالدهايد بنسبة 2% ونوع آخر خالي تماما من الفورمالدهايد ومتوفر منه برائحة بالشيكولاته والنعناع والفراولة
وبالنسبة للأضرار فلا يوجد منه ضرر اطلاقا ولكن احذري ان تكون نسبة الفورمالدهايد اعلي من 4% لأنها عند ذلك تصبح مادة مسرطنة عالية التركيز وممكن ان تصيب بالسرطان عافانا وعافاكم الله
ده كان أكثر الاشياء أهميه جمعتها لمن يهما الموضوع اريد تجاربكن واراؤكن ضررررورى بارك الله فيكن
لمن يهمها الامر أرجو الدخول للاهميه فرد الكيراتين للشعر بين الحقيقه والخيال
لأهــــميته 
العرض العادي
