منايا اوصلك 2

[ام عبدالله وفاطمة]

 

السلام عليكم ورحمة الله وبركاااااااااااااااته
إنت عارف فرحه بيك سبحانه وتعالي لو أقبلت عليه أد إيه؟؟؟
إنت عارف حب ربنا ليك أد إيه؟؟أنا أنا ربنا بيحبني أنا؟؟
ياجماعه الرسول عليه الصلاه والسلام شاف إمرأه لقت إبنها بعد ماتاه منها فخدته وضمته وحضنته ...
الرسول صلي الله عليه وسلم قال للصحابه أرءيتم أرءيتم أهذه طارحه ولدها في النار ...لا يمكن طبعا يارسول الله
قالهم ((الله أرحم بعباده من هذه الأم بولدها))
يعني ربنا بيحبني انا اكتر من أمي وأبويا....آآآآآآآه طبعا اكتر ..
اكتر أد إيه يعني ..أكتر بكتير ولا قليل ...إسمع بقي الحديث الثاني
((قسم الله الرحمه 100 جزء أنزل في الأرض جزءا واحدا وجعل عنده 99 جزء فمن هذا الجزء تتراحم الخلائق))
يعني إيه؟؟؟
يعني حب أمك وأبوك ليك ذره من 1% من حب ربنا ليك
يعني حب مراتك وولادك ليك ذره من 1% من حب ربنا ليك
لما حَب سيدنا إبراهيم إتخذه خليلا..
لما حَب سيدنا إبراهيم رزقه الذريه علي كبر وكان مستحيل يخلف..
لما حَب سيدنا إبراهيم أفاض عليه من المال لدرجه لما جاله وفد الملائكه وهو بيحسبهم ضيوف دبحلهم عجل فورا يعني بيقدم بالعجل...سيدنا إبراهيم شاف الكرم والغني

لما حَب سيدنا إبراهيم نجاه من النار..نجاه من النمرود..نجاه من ملك مصر الظالم...نجاه من كل اللي وقفوا في طريقه ...

لما حَب سيدنا إبراهيم

لما حَب سيدنا موسي ..كلمه بدون واسطه..

لما حَب سيدنا موسي شقله البحر..
لما حَب سيدنا موسي قاله إني اصطفيتك علي الناس وأنا اخترتك واصطنعتك لنفسي
لما حب سيدنا محمد قاله((لعمرك إنهم لفي سكرتهم))
لعمرك دي أذهلت العلماء ..ربنا بيقسم بحياه النبي صلي الله عليه وسلم لأنه عمر غالي كله طاعه
إنت قضيت عمُرك في إيه؟؟


يتبع ان شاء الله

[أم حُذيفة السلفية]

جزاكى الله خيرا
يتبع ان شاء الله

[ام عبدالله وفاطمة]

وخيرا جزاكِ الله

[مع الله]

رائع يا اشواق
متابعة معك باذن ربي