انت حى ولا عايش

[عائشة اليوم]

 

السلام عليكم ورحمة الله وبركاتة
يعنى ده اول موضوع ليا هنا فى المنتدى يارب يعجبكم
هو لاحدى الداعاه الجدد
للداعية احمد البحيرى
انت حى ولا عايش
السلام عليكم ورحمة الله وبركاتة
انا قرات موضوع او محاضرة لاستازاحمد البحيرى
اه هو مش معروف
لاكن دة بقا ماشاء الله
بس انا قرات المحاضرة وسمعتها كمان
من زماااااااااان
بس حلوووووووووووووووووووووووة جداااااااا
من هنا لبكرة

المحاضرة اسمها
حى ولا عايش

لو سألتك سؤال ياترى هتكون اجابتك أيه؟؟
طب قولى ايه الفرق بين الحى والعايش...؟!
طبعا هنقول وده محتاج مفهوميه ما هو الحى هو العايش والعايش هو الحى والفول م الطعميه والطعميه م الفول.
لا يا استاذ ..من ذاق عرف ...أقولكم ؟؟سيبكم من الكلام ده وتعالوا احكيلكم حكاية الاستاذ (عايش )والاستاذ (حى)

أولا: بالنسبه للاستاذ (عايش)..

تصرفاته كووولها ردود أفعال لأى حاجه بتحصل
على طول يدور على أقرب شماعة يعلق عليها المشكلة دى..
يرمى المسؤليه على أهله ,على جيرانه,دكاتره الكليه,الحكومه او حتى أصحابه ..المهم اى حد غيره...
لان الاستاذ(عايش)يا عينى دااااايما ضحيه.....الدنيا ملطشه معاه بيهرب من اى مسؤليه .....عايش مقضيها بالطول وبالعرض .....يجوع,ياكل......حد يزعقله ,يزعق هو كمان ....عاوز يعمل أى حاجه فى أى وقت وأى مكان حتى لو عارف أنها غلط .....برده بيعملها كفايه ....كفايه انه عايز يعملها.
ولااستاذ عايش ,عايش بظروفها لغاية ماتفرج....ماعندوش خطه ...بيتجنب الاهداف بأى ثمن ما بيفكرش فى بكره نهائيا , ولا حتى هو عايز ايه؟
وأمتى ؟
وأزاى؟
مش فاااضى ...ماعندوش وقت يذاكر ....ماعندوش وقت يطور نفسه ماعندوش وقت يقرأ كتاب جديد .. مش عارف هو عايش ليه!!!
وليه يفكر فى بكره؟؟؟...... ياعم عيش ,هو احنا هنعيش كام مره؟؟؟؟
من الاخر بيخاف يفكر!!!!

وممكن نلخص حياته كالأتى:
شخص عادى اتربى تربيه عاديه ودخل مدرسه عاديه....
وجاب مجموع عادى فى الثانويه...ودخل كليه عاديه....وأتخرج منها بمجموع عادى جدا.....
وبردو أشتغل شغلانه عاديه.....
والعادى أنه أتجوز جوازه عاديه .....وخلف أولاد عاديين وبردو رباهم تربيه عاديه!!!!!
وفى الاخر مات موته عاديه ؟؟؟؟
وبكده عاش عادى ومات عادى ولا اتاثر بحد ولا أثر فى حد فى حياته وحتى بعد مماته!!!!!
وبكده هتستمر حكاية عايش العادى لأجياااااااال كتير وهما احفاده
ويستمر مسلسل من اجيال مش عارفه هدافها ...مش عارفه غايتها ...مش عارفه حياتها رايحه لفين

وللاسف توجد نماذج كثيرة من عايش العادى!!!
وان شاء الله لن نكون منهم وأنما سنكون مثل (الاستاذ حى)


أما بالنسبه للاستاذ حى:

هو اكيد عكس الاستاذ عايش ...عارف هو عايز ايه
محدد اهدافه ...دارس خطواته....مش عايش بالصدفه ....بيحاول يوصل لهدفه مهما كانت الظروف.......لا يستسلم عند اول مشكله ...عايش عشان رساله
وعارف ان النجاح مش صدف بتحصل فى حياة بعض الاخرين وما بتحصلش فى حياة ناس تانيين..ولكن النجاح والسعادة ما هى الانتائج طبيعية لمقدمات ناجحه....
واحد تاثر بالأخرين وبالتالى أثر هو كمان فيهم
بحث ودور جوا فى نفسه وعرف ميزته أيه وعن طرقها شق أول طريق النجاح وحدد هو عاوز ايه ...وقال
1
2
3
يعنى كتب اهدافه وفكر ازاى وامتى هيوصلهم
وبكده هيربى اولاده تربيه غيييييييير عاديه بالمرة على العكس رباهم تربية هو عارف انه من خلالها يقدرو هم الاخرين يوصلوا منها لاهدافهم .....ويسعدوا بحياتهم

يعنى الاستاذ حى ده شخص قال (لا)أنا مش هكون عادى ....مش هعيش واموت عادى....مش هموت من غير ما اترك بصمه ...من غير ما أترك أثر بالمحطين بى
حاول وجرب وحتى لو لم ينجح فى حياته يكفى انه ترك من يكملوا ما بدأ ...وحتى وأن مات قبل ما يكون المكتشفين او المخترعين يكفى انه ترك من يكتشف ويخترع بعده...من يوصل طريق النجاح ...طريق السعاده

ها أنت /انتى تحب ان تكون من أى الشخصيين
عايش العادى ....اللى مات عادى ....وحتى لم يترك خيط او نقطه اولاده واحفاده يبتدوا من عندها

ولا حى العارف .....عارف ان ربنا أعطى لكل واحد فينا ميزه يقدر من خلالها يحقق سعادته بس الشاطر اللى يكتشف الميزه دى
وكل واحد فينا ليه حته بتاعته هو بس....واللى عن طريقها يقدر يبقى انسان متميز وشخصيه مؤثره لها كيانها الخاص...و...و...و
يلا انت اللى فى ايدك الاختيار
فماذا ستختار؟؟؟؟؟؟؟؟؟؟؟؟؟؟

[أبو مصعب السلفي]

ماشاء الله.. موضوع طيب
جزاكم الله خيراً
جعلنا الله وإياكم من الأحياء قلوبهم
والحمد لله
..

[أبو يوسف السلفي]

بارك الله فيكم وهدانا وإياكم لما فيه الخير والصواب
والمهم أن نرسم حياتنا على منهاج السنة المطهرة
قال جل في علاه ( وإن تطيعوه تهتدوا ) فهذا هو السبيل لسعادة الدارين
جزاكم الله خيراً

[هجرة إلى الله السلفية]

جزاكِ الله خيرا
لكن هناك بعض الكلمات الغير شرعية يجب تلافيها
مثل
(عايش بظروفها لغاية ماتفرج..)
لاشئ اسمه عايش بظروفها فالكل يعيش بقدر الله
ولغاية بحسب مايقدر الله
..يا عينى
لايجوزقول هذا
عايش بالصدفه ....
لاشئ بالصدفة فكل شئ باقدار الله ولامجال للصدفة ابدا
والسعادة ما هى الانتائج طبيعية لمقدمات ناجحه....
بل السعادة في اتباع شرع الله والله يقسم الارزاق والشقاوة والسعادة وكل شئ
فلا يملك احد شئ
جزاكِ الله خيرا وفي انتظار موضوعاتك

[أبو أنس الأنصاري]

باركَ اللهُ فيكم.