نونو & سمسون & التوفير & يلا بسرعه أدخل

[أبو عمر القرشي]

 

السلام عليكم ورحمة الله وبركاته

أولا عاوزين نتفق يا تقرأ الموضوع لآخره
أو تكبر رأسك "your head" ومتقرأش
----
خلاص هنقرأ

طيب فيه خطه للتوفير مني لكم ونبدأ نضع البنود
1- مفيش دبابديب بعد اليوم
2- مفيش سمسون سجاير
3- مفيش حلاقة كتير
وفيه توفير كتيرررررررر
-------
كل اللي فات ده هنوفره بخبطه واحده يعني هنضرب عشرتاشر عصفورة بحجر واحد

يلا نخش في الموضوع
1- مفيش دبابديب بعد اليوم
طبعا للشباب -هداهم الله لهم علاقات مع بنات_ وما يأتي عليها من توريطات
* لازم دباديب إما في الفلانتين أو في بداية الدراسه وآخر الدراسة و في ذكري اليوم الذي قابلت فيه سوسو واليوم الذي كان فيه أول لقاء إلخ من المواسم الفلانتينية :)
تعالوا نحسبها
لو فرضنا إن فيه 10 مناسبات في السنة مضروبه في 20 جنيه كام دبدوبة علي كام أرنوبة=200 جنيه مصري
طيب ركز في الخطوة الجاية
--------
2- مفيش سمسون سجاير
الشباب المدخنين ينقسموا إلي 3 فرق
الفريق الأول :- الناس المدخنة التي تشربالنوع الضعيف (أو كليوباترا ) ودي اللي بتشرب بمعدل 1 علبة في واحد يوم يعني التكلفة السنويه تصل إلي
3 جنيه حق العلبة مضروبة في 365 يعني = 1095 جنيه مصري

الفريق الثاني :- الشباب المدخنين اللي برضوا بتشرب النوع الضعيف ودي بتشرب معدل علبتين في اليوم يعني
6 مضروبه في 365 = 2190 جنيه مصري

الفريق الثالث : ودول من النوع الاول يعرف بنات ولكن مدخن وده في الغالب بيشرب النوع الضعيف لكن عندما يقابل سوسو تتحول من كوكو الضعيف إلي السيجارة الحمرا يعني مرلبورور يعني لو فرضنا إنه علي الضعيف هيقابل مرتين بإتنين أحمر وباقي الايام بيكمل بالضعيف
يعني الاسبوع هينقسم إتنين
يومين أحمر
5 أيام أبيض
وبما أن السنه فيها تقريبا 52 أسبوع إذا التكلفه هتكون
5 في 52 في 3 = 780 جنيه
2 في 52 في 7.5 = 780 جنيه برضو
يعني بيصرف في السنة = 1560 جنيه مصري
-------

3- مفيش حلاقة كتير وفيه توفير كتيرررررررر
إلي أصحاب الدوجلس والسكسوكة
لو فرضنا إن السكسوكة أو الدوجلس عشان يحافظ علي رونقه :) ولا رونق ولا شئ يبقي لازم يروح للحلاق كل 5 أيام عشان يشيل التنبيته بتاعة الدقن
ويدفع ما بين 5- 10 جنيه
لنفرض إنه بيدفع خمسه جنيه بس وإنه من الناس اللي الحلاق بيبقي عاوز يحرقهم :)

يبقي 365 /5 مضروبين في 5 = 365 جنيه مصري للدوجلاس

-------
علي أقل التكاليف بيكون التكلفة للنقط الثلاثة اللي فاتوا بغض النظر عن الناس الريتش اللي بتجيب ذهب لسوسو بتاعتها خلينا في الناس اللي علي قد حالها زي

يبقي تكلفته في السنه في الثلاث نقط دول 200 + 1095 +365 =1660 جنيه

يعني لو فرضنا إن الشاب ده بيعمل كدا من وهو عمره 18 سنه لغاية مثلا وليكن سني 25 سنه يعني هيطلع لك 7 سنين
يعني صرف 7 في 1660 = 11620 جنيه
ويجي يشتكي ويقول أنا مش عارف أتزوج مش عارف أخطب
لا تلومن إلا نفسك

إنتظر الحل في المشاركة القدمة

أدعوا لأبي عمر القرشي ربنا يصلح حاله ويزوجه :)
ويعطيني من البنين 12 ومن البنات 24
مش بعيده علي ربنا
إنتظروا
يتبع ....>>>>

[أبو عمر القرشي]

الحل هو اللحية
حد يقولي اللحية !!!!
أه والله اللحية أقولك إزاي هنخلص من التكلفة اللي فاتت باللحية
1- مفيش دبابديب بعد اليوم
إقتنعني إزاي سوسو ولا توتو هتمشي معاك وإنت بلحية ده هيكون شئ فاضح لها (نسأل الله أن يهدي نساء المسلمين)
وإزاي إنت كمان هتبقي ماشي بلحية في وجهك يعني الناس بتشاور عليك وتقول ده ياعم تبع النبي
وصدقني لا أنت ولا الناس هترضي لنفسك إنك تكون بلحية وجنبك واحده ب00000 - sorry في اللفظ :)

2- مفيش سمسون سجاير
طيب بالله عليك إقنعني كيف هتكون بلحية وماش فى فمك سيجارة مش تيجي خالص يعني اللحية هتربيك هتربيك

3- مفيش حلاقة كتير وفيه توفير كتيرررررررر
أه ياعم والله هتوفر يعني يدوب كل شهر هتروح للحلاق توضب شعر راسك .. وكمان لو شعرك حلو متحلقش جمهور العلماء علي استحباب اطلاق شعر الرأس لو كان حسن

واحد بقي من اللي يرفعوا الضغط يطلع يقولي
ياعم أنا مش بصرف كتير في الحلافة دا أنا بجيب
موس لورد ب 20 قرش وأحلق متوجعش راسي

طيب طالما كلامي مش عاجبك

يمكن كلام النبي يعجبك

إسمع يا عم
وعلشان مش انا اللي أقولك بوجوبها كمان
فضيلة الشيخ محمد حسان هيقولك الكلام ده هنا
(ضحكة صفرا ورطتك بحداقه)
إياك متربيهاش بقي إنت حر
الحجة أقيمت عليك يا بطل
**** إسمع

| حفظ | ( الحجم: 0.79 MB )

| حفظ | ( الحجم: 2.21 MB )

| حفظ | ( الحجم: 7.4 MB ) [/list]

كتبه الفقير إلي الله
أبو عمر القرشي
27/06/1430 هـ

[د. حازم]

بسم الله ما شاء الله
اخى الكريم انت صاحب موهبة حقيقية
ولديك قدرة عجيبة على الحوار مع فئة معينة من الشباب

لكنك تعرف ان منتدانا ولله الحمد به العديد من طلبة وطالبات العلم الشرعى

لو تتكرم علينا وتحذف بعض الكلمات العامية
وطبعا هذه الالفاظ غريبة جدا على منتدانا

سأنتظر مقالك القادم ولا امانع ان اجد كلام عن البطاطس والباذنجان والكوسة
ولكن لا احب ان تتكلم عن سوسو وسمسون وواحد اتنين ثلاثة ونص