طريقة البريانى بالفراخ

[ام عبد الرحمن وعمر]

 

السلام عليكم ياأخواتى الحبيبات
اليوم هاقولكم على طريقة البريانى بالفراخ
نجيب فرخة ونقطعها اربع ممكن نسيبها بعظمها أو نخليها من العظم
نشوح الفراخ فى شوية سمنة علشان تنزل دمها وبعدين نضيف
لها الآتى:
شوية كارى
علبة زبادى كبيرة أو 2صغير
وورق لورا وقرنفل وقرفة وحبهان ومعلقة كبيرة نعناع وطبعا ملح وفلفل و النعناع يكون مطحون
وبعدين نسيبهم يغلو مع بعض وبعدين نضيف لهم شوية بسلة من اللى انتى مخزناهم يعنى مثلا نصف كيس كده
وتقطعى طماطماية عليهم وتسيبيهم يستووا هما والفراخ والتوابل
وبعد كده تكونى جايبة بطاطستين وتقطعيهم مكعبات وتقليهم فى زيت نصف قلية وبعدين تضيفيهم على الفراخ والبسلة ولما الفراخ تستوى والبسلة تستوى اطفى عليهم
وبعدين هاتى 2كوب رز بسمتى واسلقيهم زى الرز العادى ولما يستوى هاتى صينية وحطى فيها طبقة رز الاول وبعدين الفراخ والخلطة دى كلها وعلى الوش طبقة رز كمان وبالهنا والشفا
نسيت أقولكم ابقى خلى شوية صوص كتير فى الفراخ يعنى ما تخليهاش تنشف على الاخروبعدين ضيفيها زى ما شرحتلك على الرز وبالهنا والشفا

[نور الاسلام]

ماشاء الله سلمت يداك ياغاليه

[أم مُعاذ]

جزاكِ الله خيرا اخيتي

[أم البراء]

وعليكِ السلام ورحمة الله وبركاته
ماشاء الله
بارك الله فيكِ يا حبيبة وسلمت يداكِ
فى انتظار المزيد من وصفاتكِ الجميلة

[ام عبد الرحمن وعمر]

وجزاكن مثله يا اخواتى يا حبيباتى