ما هي الحقوق الشرعيه للمطلقة

[راجيةعفوربها]

 

السلام عليكم ورحمة الله وبركاته
انا كنت متزوجه لمده 7 شهور ولاسباب من حماتي افتلعت المشكل حتي حدث الطلاق ولان طليقي لم يكن له شخصية قال لي بالحرف الواحد انا مش هقدر اقول لهم انا بحب مراتي اهلي اللي هيساعدوني ويجوزوني تاني اما انت مش هتنفعيني المهم جه ليه في يوم الساعة 12 بالليل وقال لي خلاص احنا قررنا انك هتتطلقي قلت له طيب استني لغاية الصبح مع العلم وقتها كنت حامل وكنا عايشين في محافظة تانيه ابعد عنها 8 ساعات سفروكنت حامل لم يشفق عليه من تعب السفر واقسم لي وقال لي والله العظيم انتي هتتطلقي خلاص ومش هتاخدي مني حاجة انا لازم ابر امي ويعلم الله وهو شاهد عليه اني احسنت لامه واهله كلهم والحمد لله احتسبته عند الله بس الام لم تكن راضيه عني من الاساس ولم اعرف لان فترة الخطوبة كانت قصيرة جدا
المهم سابني في الشارع معدي ابن خالي بالعربية اخدني ووصلني وبعد كده سابني في بيت اهلي مده شهر وطلقني غيابي وبعدها تزوج المشكلة اني معرفتش اخد حقي بطريقة وديه فلجات للقضاء ولما لجات لشخص كان شاري منه ارض علشان يفيدني انه صاحب املاك علشان نفقة البنت فقالشخص ده مرديش يساعدني وقال لي انا هكلمه علشانم يعطيكي حقك ودي بدون محاكم فقلت له ماشي انا لغاية دي الوقت مر اكتر من سنة ومش هاين عليه يشوف بنته لقيت الراجل ده اتصل وقال لي هنعمل لك لجنة شرعية علشان تحكم لك بحقوق حسب الشرع قلت له ماشي
لقيته بعدها اتصل عليه وقال لي قبل اي شئ لازم تكتبي اقرا بانك متنازلة عن اي قضايا علي طليقك وانك راضيه بالحكم الشرعي اللي يتحكم فيه وعلي فكرة انت ملكيش نفقة متعه ونفقة العده راحت عليكي علشان انت مكنتيش في بيتك وقت الطلاق قلت له ازاي اروح بيت طردني منه وطلقني قال لي ده كان حق وراح انا امام مسجد وفاهم
فرديت عليه قلت له ازاي اتنازل قبل ان اخد حقي وحق بنتي لا مرفوض انا ليه نفقة زوجية لغاية لما حدث الطلاق ونفقة عده ونفقة متعه
انا عاوزة منك صورة عقد الارض بس وجزاكم الله خيرا
فرد عليه قال لي انا لا يمكن اديك حاجة انا سالت مشايخ وقالوا لي ده قانون كافر غير شرع ربنا لا يجوز لاي مسلم ان يسير عليه انا مش هديكي حاجة اه كمان قال لي طالما مش هتكتبي الاقرار كده طليقك برأت زمته منك امام الله لانك انت مش عاوزة قلت له لا يلدغ مؤمن من جحر مرتين قلت له انا معرفكش ازاي اتنازل عن حقوقي بسهوله علي امل انه هيديها ليه وانت ضامن قال لي خلاص براحتك ردي عليه وفكري
انا مش قادرة افكر لاني مش مقتنعه يمكن يكون مقلب لانه فضل يبعت لي في رسايل بيهددني فيها
معلش ان كنت طولت بس ده ملخص سنة فاتت
السؤال دي الوقت هل انا خطا لاني لجات للقانون محدش سال فيًه لما حبيت اخد حقي ودي ولما رفعت قضيه قالوا لي حرام ده قانون كافر
طليقي هيسافر للخارج وحقوقي راحت احتسبتها عند الله بقول يمكن ربنا اراد كده علشان دي تكون لي ستر من النار

[حامل الإجابات]

لاتتنازلي عن القضايا الا اذا ردت لكِ حقوقك
فأنتِ صاحبةحق ضعيفة وهذه هي الحيلة الممكنة لتستردي بها حقوقك
حتى وان كان السلطان باطل فالسلطان الباطل الذي يأتي بالحقوق أولى من لاسلطان
وعليكِ أن تحتالى بكل الطرق للوصول إلى حقك مادام الامر وصل إلي هذا الحد من الاستهتار بالحقوق وعدم المسئولية
أجاب عليه الشيخ/د.سيد العربي