صينية الفراخ المشوية

[ام عبد الرحمن وعمر]

 

السلام عليكم ياأخواتى اليوم أوصفلكم طريقة الفراخ المشوية بتاعتى
أولا نغسل الفراخ جيدا بالملح والدقيق وبعدين نقطعها أربع وبعدين نجيب بصلة كبيرة ونقطعها طرنشات وبعدين نضيف لها شوية توم مفروم صغيرين جدا وندعك البصلة بالملح والفلفل وشوية كارى برضة مش كتيروطبعا معاهم التوم ونشق أربع الفراخ زى ما بنشق السمك كده ونحط جواها التتبيلة دى ثم نرصهم فى صينية ونرص فوقهم طرنشات طماطم ونحط نصف معلقة سمنة بس عشان الفراخ بتنزل دهون ونسويها فى الفرن أو على البوتاجاز وممكن بعد ما تستوى تولعى فحمة وتحطيها فى ورقة فويل صغيرة داخل الصينية
وترشى عليها من الدهون اللى طلعت من صينية الفراخ هتلاقى الفحم طلع دخان بسرعة تغطى الصينية
وبالهنا والشفا ومن غير الفحم بتطلع حلوة برضة

[أم مُعاذ]

ماشاء الله جربتها ولكن بدون الطماطم وطعهما طيب جدا ماشاء الله جزاكِ الله خيرا
اضافه بسيطة قمت بأضافة الزبادي في التتبيله

[نور الاسلام]

بارك الله لك فى عبد الرحمن وعمر وتعملى لهم الاطايب بيديك ان شاء الله ..جزاك الله خيرا

[ابنة الشيخ سعيد السواح]

جزاكي الله خيرا
وفعلا امي عملتهاطلعت خطيره بس من غير الكاري

[ام عبد الرحمن وعمر]

جزيتن الجنة يا أخواتى الحبيبات والمرة الجاية هاجربها ان شاء الله بالزبادى يا أم معاذ دمتم فى حفظ الله

[المحبة للإسلام]

السلام عليكم ورحمة الله وبركاته
سلمت يداك أختنا الحبيبة