كبسة أختى أم أسيل

[ام عبد الرحمن وعمر]

 

السلام عليكم ياأخواتى اليوم هاقولكم على طريقة أختى فى الكبسة هى سهلة جدا طالما عندكم توابلهاوهى: لومى أى لمون مجفف وبيبقى لونه اسود ناخد مثلا نصف واحدة كبيرة وورق لورا وحبهان وقرفة عيدان اوناعمة يبقى معلقة صغيرة وكارىوكركم نبدأ بسم الله
الطريقة: لوعندك شوية شوربةأغليهم وحطى فيها اللومى والحبهان وورق اللوراوالقرفة وسيبيهم يغلو شوية حتى تأخذ الشوربة من طعم التوابل وبعدين هاتى بصلة كبيرة وابشوريهاوجيبى حلة وحطى فيها شوية زيت بس كترى الزيت شوية وحطى البصل المبشور فى الزيت وسيبيه على النار لحد مايبقى لونه أصفروبعدين تجيبى معلقة كارى كبيرة وشوية كركم وتحمريهم فى الزيت شوية وبعدين هاتى 2كوب رز بسمتى أو حسب الكمية اللى انتى متعودة تعمليها وطبعا أغسليهم وحطيهم مع البصل والكارى والكركم وقلبى شوية صغيرين وبعدين صفى الشوربة وحطيها حسب عيار الرزعندك وقلبىوطبعا حطيلها ملح وفلفل ولما الرز يشرب الشوربة وطى النار عليه وسيبيه يستوىوطبعا تكونى مغطية الحلة وبالهنا والشفا وتقدم مع الفراخ أو اللحمة المحمرة أو البنيهات

[أم البراء]

جزاكِ الله خيراً يا أم عبد الرحمن
لو تستطيعى غاليتى أن تصورى الوصفة وتشاركى بها فى مسابقة أحلى طبخة يكن خيراً

[نور الاسلام]

جزاكى الله خيرا

[ام عبد الرحمن وعمر]

جزاكم الله خيرا ياأخواتى على الردود أقول لكى الحق ياأم البراء لاأعرف كيف أصور الطبخة وأرسلها ولكن ان شاء الله سأحاول أن أتعلم