كيفكم يا حبات قلبى وحشتووووووونى
بمناسبة الظروف اللى بتمر بيها غزتنا الحبيبة .. وللصمود العجيب اللى شيفينه كلنا من الشعب الفلسطينى الحر .. عملت لقاء مع اخت لىّ بحبها اوى وهى من أهل غزة
وحبيت انقل لكم اللقاء ده عشان نتعلم كلناااااااا الصمود ده مزروع فيهم ازاى ؟
هسيبكم مع اللقاء وهنقل لكم ردودها أول بأول ان شاء الله
[IMG]http://www.horalaen.com/vb/images/smilies/salam_****.gif[/IMG]
فى الماضى القريب والبعيد سمعنا كتير عن صمود وثبات الشعب الفلسطينى الحبيب
ولكن أحداث غزة الأخيرة واللى مازال بيعيشها أهلنا هناك على مدار أيام امتدت الآن للأسبوع الثالث ولا حول ولا قوة إلا بالله العلى العظيم .. رأينا فيها من الثبات والقوة والصمود والصبر والعزة حقا ما لم نكن نتوقعه
سبحان الله أخواتى ..
الكــــــــــــــــــــل صامد ..
الكـــــــــــــــــــــــل قوى ..
الكل عزيـــــــــــــــــــــــــــز ( الله أكبــــــــــــــــر عليهم )
الأطفال أقوياء صامدين
النساء ..
الشيوخ ..
أمهات الشهداء ..
الأرامــــــــــــل
بتعبير عام ممكن نلخصهم فى اللى المفروض انهم
" المستضعفين فى الأرض "
ولكنى اتعلمت ان فلسطين الحبيبة
" مفيهاش مستضعفين "
الله أكبــــــــــــــــر .. الله أكبـــــــــــــــر عليهم
فلسطين الحبيبــــــــــــــة
أطفالها رجالــــــــــــــــــــــــــــــــــــة
نساءها رجالـــــــــــــــــــــــــــــــــــــة
الأرامل والأمهات رجالــــــــــــــــــــــــة
بجد شعب ( الله أكبر عليهم )
ربنا يااااااااااارب يزيدهم ثبات وصمود وقوة وصبر وإيمان ويقين
الوضع ده أخواتى خلانى أتساءل وأكيد خللى كتير منكنّ يتساءلنّ
أطفال فلسطين بيتربوا إزاى ؟؟
نساء فلسطين إزاى نشؤوا ؟؟
على إيه اتربوا ؟؟
إيه اللى اتزرع فيهم ؟؟
إيه سبب الصمود العجيــــــــــــــب ده ؟؟
أسئلة كتير جوايا ويمكن جوا كتير منكم
عشان كده حبيت اترجم اللى جوايا ده بطريقة عملية شوية
من فضل الله على منتدانا الحبيب وبالتحديد على قسمنا
فى ظلال القران الكريم
إن مشرفتنا الحبيبة على القسم من هذا الشعب الصامد الثابت
الحبيبة
نسمــــــــــــــــــــــــــــــــة وطــــــــــــــــــــــن
نسمة وطن من أهل غزة الحبيبة وبالتحديد من خانيونس
ولعل البعض منكنّ اخواتى لا يعرف ان الحبيبة نسمة وطن بفضل الله من " حفظة القران العظيم "
نسمة وطن وأخواتها البنات بجد بنات ينرفع بيهم الراس ولا أزكيهم على الله والله حسيبهم
وانا لقيت ان دى فرصه نتعرف بيها أكتر على أختنا فى الله من خلال قصتها الشخصية مع حفظ القران الكريم
تحكى لنا فيها عن نشأتها وعن الظروف اللى اتربت فيها
وهل البيئة لها عامل فى التربية ؟؟
وازاى حفظت القران الكريم وايه الأسباب اللى ساعدتها على حفظ القران
وياترى كان فيه معوقات فى الطريق ؟؟
من خلال لقاء مفتوح بين أختنا الحبيبة وبين أخواتها عضوات المنتدى الحبيب تحكى لنا قصتها الشخصية على المستوى الخاص ..
وعلى المستوى العام عايزين نعرف فلسطين أولادها بيتربوا إزاى عشان يكونوا بالقوة والصمود ده ؟؟!!
أخيتى الحبيبة
نسمــــــــــــــــة وطــــــــــــــن
أنا عارفه ان صدرك رحب وهتتحملينا
أحكيلنا يا حبيبة عن قصتك كاااااملة وبكل التفاصيل مهما كانت صغيرة
" فقد تكون صغيرة فى نظرك ولكن نتعلم منها الكثير والكثير "
أحكى لنا ازاى حفظتى القران العظيم متى بدأتى ومتى انتهيتى ؟ وما هى أكثر الدروس اللى اتعلمتيها من خلال حفظك لكتاب الله عز وجل
إحكى لنا ازاى اتربيتى وايه شكل الظروف اللى إتربيتى فيها ؟
إحكى لنا عن أسرتك واهتماماتكم كشباب وبنات فى أعمار كتير من شباب وبنات الأمة
إحكى لنا ازاى بتقضى يومك
" يوم فى حياة فتاة من أرض العزة "
باختصار عايزين نعرف منك كل شىء ..
" بجد عايزين نتعلم منك والله يا نسمة وطن "
وأنا نيتى فى اللقاء ده
1- تكريم بسيـــــــــــــــــــــــط جدا من منتدانا الحبيب وبالتحديد من قسم " فى ظلال القران الكريم " لكِ أخيتى بشكل خاص ,, وبشكل عام لأهل غزة الصامدين الثابتين
2- عايزين نتعلم بجد نربى أولادنا ازاى يكونوا على اليقين والصمود والثبات ده
عايزين الأمة كلها تتعلم تربى أولادها زى ما أهل فلسطين بيربوا أولادهم
انا جوايا أسئلة كتير اوى لكن هترك فرصة لباقى الأخوات يسألوا وهترك لك فرصة تجاوبى وإن شاء الله من خلال إجاباتك هنستأنف معاكى الأسئلة يا أختنا الحبيبة
يلا يا حبيبة يا غالية إحنا فى انتظارك .. وطبعا إحنا عارفين مشكلة انقطاع الكهرباء بسبب ظروف الحصار والحرب ولكن كل لما تلاقى فرصة أدخلى واكتبى لنا اللى تقدرى عليه
ومتبخليش علينا بولا تفصيلة مهما كانت صغيرة فى نظرك فقد نتعلم منها الكثير والكثير
فى انتظارك يا حبيبة وفى انتظار سماع قصة شعب كامل من خلالك
نسأل الله التوفيق والقبول
__________________