مسلسل إيجابية ( بنات x بنات ) قوى جدااا

[ذات الهمة]

 

........................................


............................


....................


.............


.........


.....


...


.

معلش تعبانكم معانا

إنتظروووووووووونا بعد قليل وأول حلقات سلسلة
إيجابية بنات في بنات

راااااااااائعة جدااااااااا إن شاء الله

[ذات الهمة]

*******
الحلقة الأولى .. حياة روتينية مملة تحتاج لتغيير قوى وجزرى

*******

اما هو .. بقولك ايه انا داخل انام عندي بكرة شغل الصبح بدري مش فاضي للتفاهات

وهى .. معلش هقفل معاكى التلفون دلوقتى أصل الأكل ع النار والراجل زمانه جاى

والتانى : يا أمى سيبيني أنام شوية .. مش هيجرى حاجة لو طنشت أول محاضرة .. الدكتور مش بياخد غياب

الثانية : يا رب ننجز بقة والشغل ده يخلص أنا قرفت بقالى 3 ايام شغالة فيه والمفروض اسلمه من امبارح .. هو أنا عندى كام إيد !!

والباشا : سيبهولى وانا اخلصلك ورقك كله من عنيا ..ياه متأسف أصل اليوم عدى بسرعة طب معلش فوت علينا بكرة !!

الباشا التاني : امتى بقة ربنا يتوب علينا من الشغلانة دي والصحيان بدري ..

حياة روتينية مملة جدااااااا .. افتقدنا فيها التغيير

هتعملى ايه النهاردة .. ولا حاجة ماهو اللى نبات فيه نصبح فيه ايه الجديد ؟!!

رفعا لشعـــــار يالا نتغير واسقاطا لشعار الروتين الممل

تعالوا نبص نظرة سريعة في حياتك

ايوة حياتك انت .. حياتك إنتى !

الصبح اقوم السااعة .. والبس هدومى وانزل الساعة .. آخد الفطار بتاع كل يوم (يمكن نفس الصنف من الجبنة او غيره) راكب المواصلات .. داخل الشركة او الكلية او .. نفس الناس بتشوفهم كل يوم .. محاضرة مش فاهم فيها حاجة ..الكافتريا بتناديني .. امتى المحاضرة تخلص عاوز افطررر .. شكلى كدة هاكل إيد حد جانبي !!

روتييييييييييييييييييييين

عارفين إيــــــه اللى ينقصنا في حياتنا ؟؟

التغيير .. عاوزين تغيير جامد .. أفكار جديدة في الشغل أهداف سامية من الجامعة .. تميــــز في كل حاجة

نتعرف على ناس أكتر .. نقرب من ربنا أكتر .. تحسين أخلاقنا وكسب قلوب الناس .. طاعة الوالدين وأولي الأمر

تعالوا نشوف إزاى هنحقق التميز ؟؟

إزاى هنغير روتين حياتنا للأفضل بحيث كل واحد يقوم نشيييط لشغله او لكليته .. قمة الحماس .. ابتسامة في وجه زوجتك في الصباح.. وداعا للعبس والملل .. ومرحبا بالتفاؤل والحيوية وقمة الإيجابية



إنتظرووونا في الحلقة التانية من (( إيجابية بنات في بنات ))

[مع الله]

جزاكِ الله خيراً يا حبيبه وفى الإنتظار إن شاء الله
نريد يا حبيبه نقل الموضوع لصندوق الأسرار لترد علليكِ الأخوات بحرية أكثر لأن القسم بباسوورد وهو للاخوات فقط
لتحصلى على الباسوورد فضلاً قومي بإضافة الإيميل الذي يناسبك
hor3en_far3e@hotmail.com
hor3en_far3e@yahoo.com

[ذات الهمة]

جزاك الله خيرا اختاه
ولكن هل الموضوع غير مناسب للعرض هنا؟؟
انا اريد ان يستفاد به أكبر عدد ممكن
وداخل القسم المغلق المذكور .. عدد اقل
وفقك الله اختاه
في انتظارردك

[مع الله]

ما عُرض حتى الآن مناسب يا حبيبه
وفقكِ الله لما يحب ويرضى

[روضة امـل]

جزاك الله خيرا اختاه

[ذات الهمة]

جزانا الله واياكم

وبارك فيكن

انتظروووووا الحلقة الثانية
قريبااااا ان شاء الله

[الاسلام دينى]

أختى الغاليه جزاكِ الله خيرا


عندى سؤال

هو الموضوع دا منقول

[ذات الهمة]

جزانا الله واياكى اختى الغالية

لا يا اختى مش منقول
بس محتمل تلاقيه في اكتر من منتدى آخر ان شاء الله

الحلقة الثانيـــــــــة : الآااااان

[ذات الهمة]

باركن الله فيكن اخواتى الكريمات

***********
الحلقة الثانية : حيــــــــاتي إتجــــــــــددت
***********

تجديد النية مطلووووووب .. طب يالا نجدد نيتنا ..اه خلاص جددتها

يا سلاام؟؟

طب إزاي؟! .. انتو بتسكتوني وخلاص

في ناس كتير تسمع كلمة جدد نيتك ومتكونش عارفة يعني إيـــه!!

تعالوا نحط نية لكل حاجة .. إزاى؟

تيجو نمسك كل موقف من المواقف اللى فاتت ونحللها تحليل دقيق ؟

اقتباس اما هو .. بقولك ايه انا داخل انام عندي بكرة شغل الصبح بدري مش فاضي للتفاهات

لو هو كان بيكلم زوجته ..فاحسن نيتك تتكلم معاها بلطافة .. اعذريني أنا عندي شغل كتير ولازم أنام مش هقدر اتعشى انهاردة معاك

تعالوا نفكر في النتيجة العملية للموقفين :

في كلا الحالتين : هو هينام ومش هيتعشى .. وهي هتاكل مثلا او تشتغل حاجة في البيت لوحدها

طب نيجي للأثر النفسي : في الحالة الأولى كلاهما سيغضب وفي الحالة الثانية كلاهما سيتفق وهيكون في رضا متبادل

نيجي للجانب الديني والأخلاقي : قمة الأدب والإحترام المتبادل .. ثواب عظيم فخيركم خيركم لأهله معاملة طيبة وحسن خلق تواد وتراحم

اقتباس وهى .. معلش هقفل معاكى التلفون دلوقتى أصل الأكل ع النار والراجل زمانه جاى

أما الأخت دي ناقصها ترتيب أولويات .. واحتساب نوايا

لازم نرتب أولويتنا .. ماتصلش بواحدة صاحبتي علشان اكلمها ولا أسأل عليها وأنا ورايا اللى أهم من كدة عندي زوج لازم أطيعه وأرضيه عندي شغل في البيت لازم يكون جاهز ونظيف .. فطاعة الزوج فرض أما الأخرى فهي من باب الصدقة والأمر بالمعروف والنهي عن المنكر .. فأيهما أولــــى؟؟؟

فلنرتب أولوياتنا ونعدد نوايانا

أنا هعمل الأكل بنية ارضاء زوجي

ادخال سرور على مسلم (الاولاد والزوج)

إفطار صائمين

وهكذاااا .. ليست نوايا بالتحدث الشفهى وإنما هى نابعة من الداخل ياااااااارب أنا هعمل كذا علشان أرضيك لأن هدفك الأول والأخير هو رضا الله يااااااااه لو حطيتي الأمر ده في رأسك دائمااا ..هدف تسيري به طوال حياتك ..((((رضا الله)))) اللهم اجعل أكبر همنا رضاك


تابعوناااا في الحلقة الثالثة ..