أنا من مصـــــــــــــــر
ساعدوني وانشروا الموضوع ده في كل الجروبات والصفحات اللى تعرفوها
...
يمكن أنا الوحيده اللى عندي نت في مصر ويمكن في زيي كده والعدد محدود اوى ومحدش يسألني عندي نت أزاي بجد معرفش لكن الحمدلله عشان اعرف اوصلكم اللى بيحصل واطلب منكم تدعولنـــــــــــــا ادعولنـــــــــــا بإخلاص ياريت كل واحد فينا يقوم يصلي ركعتين لله عزوجل ويدعي من كل قلبه
انا عايزه اوصفلكم الوضع عامل ازاى احنا قاعديين خايفيين لأ مرعوبيين عارفيين ياعني إيه يخرجوا المساجين المسجلين خطر من السجون !!! والبلطجيه خرجوا من العشوئيات مش شايفيين قدامهم بجد منتهى الرعب والخوف
حرقوا كل أقسام الشرطة في كل مصــــــر ... كسروا البنوك واماكن الصرافة وحرقوها .. حرقوا معظم المحال التجارية وأي سوبرماركت يقابلهم يسرقوا محتوياته ويحرقوه على طول
ودلوقتي خلصوا الحاجات دي وداخلين على البيوت عارفيين ياعني إيه داخلين على البيوت !!!!!!!!!!!!!!!! ياعني بينتهكوا حرمات الناس
بالنسبه لي أنا كل أهلي من نزلوا الشارع والجيران كلهم ايد واحده نزلوا يحموا البيوت والناس وكل اللى معاه حاجه يقدر يحمي بيها الناس بينزلها ومبيتأخرش
شباب مصر بخير ورجالها بخير والله العظيم عايزاكم تتخيلوا المنظر ...
كل الشباب والرجال الكبار في السن واقفين يحموا البيوت ومعاهم عصيان وشوم وسلاح وغيرها وأول مابيقربوا البلطجيه بيجروا عليهم ويقولوا الله أكبر عارفيين ... البلطجيه جريوا بالعربيات لما شافوا المنظر ده
انا فخورة برجال بلدي وعايزه كل اللي يقرى كلامي ده يدعلهم ربنا يحميهم وينصرهم لاني شايفه فيهم أخويا وابويا وجدي كمان وعمي وخالي وكل شخص بيحب بلده وبيحمى أهل بيته .... ربنا يحميهم ياااااااااااااااااااااارب
معلش طولت عليكم بس لازم تشاركوني هذا الشعور وكمان تدعولنا
وتذكروا قول الله عزوجل : فَوَرَبِّكَ لَنَسْأَلَنَّهُمْ أَجْمَعِيْنَ عَمَّا كَانُوا يَعْمَلُونَ
اختكم في الله
فتاة مسلمة
من مصـــــــــــر بلدي الحبيبة.
منقول من الجامعة العالمية للقران والسنة.
رسالة من اخت مصرية.
العرض العادي
