منتديات الحور العين


انا لله وانا اليه راجعون نسألكم الدعاء بالرحمة والمغفرة لوالدة المشرف العام ( أبو سيف ) لوفاتها رحمها الله ... نسأل الله ان يتغمدها بواسع رحمته . اللهم آمـــين
 

العودة   منتديات الحور العين > .:: المجتمع المسلم ::. > ( نِــــدَاءُ الإِسْعَــــافِ ) > مُفتــى الاسعَــافِ

مُفتــى الاسعَــافِ الأحكام والفتاوى الشرعية لكثير من المسائل الطبية .

إضافة رد
 
أدوات الموضوع انواع عرض الموضوع
  #1  
قديم 08-11-2008, 11:12 PM
الشافعى الصغير الشافعى الصغير غير متواجد حالياً
لا تهاجم الناجح وتمتدح الضعيف .. لا تنتقد المجتهد الذي يعمل وتربت علي كتف الكسول
 




3agek13 قضية هامة جدا ـ دكتور يريد حلا ! ـ ياريت الكل يشارك ـ


قضية هامة جدا ـ دكتور يريد حلا !
ـ ياريت الكل يشارك ـ

ظنى ان هذا الموضوع هام مش شرط اننا هنتعامل مع هذه القضية بطريقة مباشرة ولكن ممكن اتعامل معاها وانا دكتور أو وانا رايح مع حد مريض وغير ذلك من الأحداث اللى ساعتها هحتاج أكون ماشى على بصيرة فى هذا الموضوع حتى لا أظن السوء فى غيرى أو أعرض من معى لكثير من المشاكل ـ وتكون اجتهادات خاطئة منى ـ
الموضوع ده بصراحة انا مش عارف ابتديه منين كحال كثير من الموضوعات اللى مش بعرف ابتديها منين
ولكن هنبتدى ونتوكل على الله بس ياريت الاختلاف فى الرأى لا يفسد
ومش كل اللى هيكون فى الموضوع هو القناعة الشخصية لكاتبه
هحاول من خلال هذه الموضوع ان اعرض وجهات نظر كثيرة ومختلفة ممكن الواحد يشوفها
والى عنده غيرها برده يعضها
واللى يقدر يجمع الحاجات دى ويسالنا فيها ويساعدنا يكون جزاه الله خيرا
بداية الموضوع ترجع أن هناك مجموعة مقالات وشرايط برده بشوفها ممكن تتنشر فى منتدانا الكريم او فى غيره مش هيفرق المكان ولكن هى محصلتها واحد
والهدف منها انا تناقش حدود تعامل السادة الأطباء مع المرضى ـ اسال الله ان يشفى مرضى المسلمين ـ
واللى شوفته من مقالات وسمعته من شرايط بيناقش كثير من القضايا ولكن عندما تاتى علاقة الدكتور بالمريضة الكل يصول ويجول ـ انا لا اتبنى الاختلاط وان الأمور دى عادى ـ ولكنى اعرض وجهة نظر المخالف ـ اللى بيكلم على أرض الواقع ـ ومش معنى انه مخالف اننا نطلعه من دائرة أهل السنة ونقول ده متميع ومتسيب وكذا وكذا كلمات كلها معلبة جاهزة فى وجه أى حد
لدرجة أننا ممكن نتجنب السادة الأطباء من باب انهم يهتكون الأسرار والعورات وما الى ذلك
وبعض الأخوة أصبحوا ينظرون إليهم اإنهم معندهمش حياء والكلمات اللى قلبك ميحبهاش

ندخل فى الموضوع بعد هذه المقدمة اللى حاولت الم فيها الواقع اللى بشوفه فى سطور ـ وياريت متكنش أصابة البعض بالملل ـ
1. كثير من الناس ينقل فتاوى علماء السعودية ومشايخهم فى هذا الباب ـ باب علاقة الدكتور بالمريضة ـ وظنى أن الفتاوى تختلف باختلاف المكان ـ أنا عن نفسى أنقل بعض مقالاتهم اللى بتناقش هذه القضايا واستفيد منها ونسعى لتطبيقها ـ ولكن اجدها صعبة لاختلاف المكان والامكانيات كما سأوضح ـ وهذا لا ينقص من هؤلاء العلماء ـ والقول قولهم فى كثير من المسائل ولكن ياريت الناس تراعى فرق الامكانيات بنا وبنهم
يعنى فى المملكة ـ أسال الله أن يحفظها من كل سوء ـ امكانيات جبارة ومجمعات صحية لا مثيل لها فلذلك لو قلنا انهم يتشددوا فى طاقم الأطباء ويمنعون الاختلاف ـ فبامكانهم انشاء مجمعات صحية نسائية بالكامل ـ طبعا مع الاعتراض على بعض التخصصات التى تقوم بها النساء كالجراحة وغيره ـ وسابينها من خلال مقالى ـ
يبقى ياريت لما نجى نتكلم نراعى اختلاف الامكانيات وان كل حاجة هناك خاصة وحتى القطاع العام هناك يعامل معاملة الخاص ـ والتأمين يدفع كل حاجة ـ
لأن مستشفياتهم هناك 5 نجوم تصل لدرجة الفنادق إن لم تكن أعلى

2. نيجى لواقعنا فى مصرنا الحبيب ـ اسال الله أن يحفظها ويبارك لنا فيها ـ ومش معنى كلامى هذا انه اساءة ـ فهى متربعة فى القلب وكما سمعت من المشايخ الأفاضل أن قوة الإسلام فى مصر فاسال الله ان يحفظها ويبارك فيها ـ ولكن هو أمر واقع وللعلم فأمهر الأطباء هم المصريين ـ ولكن هى امكانيات وثقافة اعتاد عليها قلة من هذا الشعب المبارك وعندنا الكثافة عالية شوية
وهنبنى مستشفيات وهتتملى ـ هنعمل ايه ـ
المهم : لو نظرت الى واقع المستشفيات الحكومية ـ مع كل الامكانيات التى تحاول الوزارة توفيرها ـ لكن المطلوب اكتر من الامكانيات ولذلك تجد فى بعض المستشفيات ان الأوضة الواحدة 3 و4 عيانين فيها ومطلوب من حضرتك تكشف عليهم ـ هتعمل ايه ـ ولو أتاخرت والعيان حالته ادهورت أهله مش هيسبوه ـ وكمان أظن أنك لو أهملت كنت مذنب وسيحابك الله على أهمالك ـ
وانا مش هكلمك ان مثلا وأقولك حاجة
يعنى مثلا كل اللى بيهاجم الأطباء انهم ممكن يكشوفوا فى مكان غير أمن
طيب فين كلامهم إلى الأقارب والجيران وأهل الحى اللى بيكونوا جايين مع المريضة وواقفين فى أوضة الكشف ومعاك مش طالعين ولو طلعتهم برة ـ رغم ان ده حقك لانهم ممكن يعطلوك ـ الكلامات تتقال رجل فظ شايف نفسه مندوش دين وقول برحتك بقى ـ
طيب نعمل ايه يعنى الدكتور المساعد او الدكتور اللى هيكشف ـ تتهمه بكل حاجة رغم انهم بيقوا بيادوا دورهم ـ والأقارب ملهومش ذنب ـ طبعا انا مش بقول ان دى قصاد دى ولكن نراعى الامكانيات لدينا علشان منحملش الناس اكتر من حقها
يعنى لو قولت لا يجوز هذا الامر وماتت هذه المريضة ـ مين هيشيل الذنب الدكتور اللى مكشفش ولا اللى قال لا يجوز ـ
طيب هتقولى زوجها يكون موجود معاها على كده 4 مريضات بأربع أزواج
طيب مهو برده هيكون فى واحدة بتكشف عليها فى وجود 3 أزواج ليس من محارمهما ـ غير الأطباء ـ
وفين الأوض اللى تشيل كل ده
يا ناس ده فى مرضى بيكونوا نايمين فى طرقات المستشفى وعلى باب المستشفى ـ احنا عندنا كثافة عالية ـ هنعمل ايه
ظنى ان الفتاوى اللى تتنقل تكون على أرض الواقع وكل دولة وأمكانياتها

وكل واحد يدينى الفتوى ويقول ياريت الأطباء ينفذوها ـ طيب ننفذها اذاى فى ظل هذا الوضع ـ صرف نفسك
والا كنت ضد الدين ويعملوك عدو للإسلام ومش تحافظ على الحرومات

حاجة تانية يقولك فى العمليات تكون المرأة عارية تماما
يا سيدى الفاضل اللى بيقوم بتغيير للمرأة ممرضة وبعدين الدكتور مش بيشوف غير مكان العملية وبقتها بتكون غير مكشوفة
طيب وفين الاعتراض ان أصلا مفيش ممرضين رجال ـ يعنى اللى بيحضر العيان الرجل ممرضة ـ
هنعمل ايه فى دى
وانا بستعجب من اللى بيقولوا ان تتولى هذا الأمر إمرأة
مش هقولك ان اللى بيقول تتولى هذا الأمر إمرأة رأيه أصلا ان عمل المرأة لا يجوز ـ طبعا هتقولى ده لضرورة ـ انا لا اتحدث عن كلام العلماء
ولكنى اتحدث على حال بعض الأخوة اللى يتحدوث عن الأطباء كالفساق اللى مش بيهتموا بستر العورات
وفاكرين انهم بيقفوا يتفرجوا براحتهم يعنى
يا سيدى الفاضل ده ضرورة علشان بكرة اللى بيتفرج ده هو اللى هيتولى علاج الناس وغيره هيقف مكانه يتفرج ـ نسبنا من دى ـ

انا هسال سؤال هل تستطيع مرأة أن تتحمل ضغط عملية
ظنى ورأى الشخصى انها لا تستطيع ـ ليس طعن فيها ـ ولكن كل واحد خلق لدور يؤديه
فاذاى امرأة تتحمل استرس عملية وما يتبعها وتكون هى المسئولى الأولى عن عملية جراحة ـ هذا الأمر يحتاج إلى نظر ـ لو حصل اى حاجة بطبيعة المرأة لن تستطيع انقاذ الموقف
ولو سلمت لك جدلا انها تستطيع
طيب ودكتور التخدير ـ هتكون أمراة
طيب والمساعدين

ظنى ان الأمور تحتاج إلى إعادة نظر وسؤال أهل العلم فى هذا الباب وكل دولة تختلف عن آخرى

ونيجى بقى للطامة الكبرى اللى لو قولتها الكل هيقلب ـ ولكن انا بتحدث للبحث عن حل ليس لتجميل الصورة والكلام اللى نطبه على أرض الواقع
بالنسبة لأطباء النسا والتوليد
كثير ممن رأيت من الأخوة وبعض طلبة العلم يحرمون هذا الأمر على الرجال
وانا لا ادرى لماذا ـ رغم ان هؤلاء الأخوة يتغاضون عن فتاوى بعض المشايخ ممن هم يتبعون ـ يجيزون هذا الأمر
مش هقولك تانى ان الدكتورة ـ وهذا لا يطعن فيها ـ لن تستطيع التصرف فى أى موقف غير طبيعى أثناء العملية ويكون ضحيته الأم والمولود
ولكن سؤالى من يقوم بتخدير المريضة أثناء العملية ـ لو احتاجت التخدير فى الولادة ـ دكتور تخدير
وكثير منهم يستعينون بأطباء رجال لو حصل أى حاجة
بل أنا اعلم ان منهم بعد التخدير الذى يتولى الولادة رجل
هتقولى قليل من يتسترون بذلك
ماشى انا عارف
ولكن طبيب التخدير بيكون راجل ـ ومن الممكن أن المريضة تعلم هذا ـ ولكن بدال اللى هتقوم بعملية الولادة دكتورة يبقى تمام
فهل نحن نبحث عن الصورة الخارجية فقط
هذا يحتاج إلى تأمل

ظنى أن هذا الامر يحتاج إلى تغيير للثقافة والا نضيق واسعا وان نوسع ضيقا
ونتعامل مع الأمور فى الإطار الشرعى اللى يوافق ما نحن فيه

وعندى سؤال أخير
بالنسبة للنبطشيات ـ العمل ليلا ـ هتتعامل اذاى بقى مع المريضة اللى هتجيلك بليل
هتخلى الدكتورة هى اللى تسهر للفجر فى المستشفى وتروح بعد الفجر ـ وحضرتك شايف أن هذا الأمر يجوز ـ
ولا نخلى المريضة متتعبش بليل
ولا ساعتها هتكون ضرورة والدكتور يكشف عادى
ظنى أن الوضع الصبح ذى بليل
الصبح ضرورة وبليل ضرورة
والدكتور مش بيسلى يعنى ومفيش حد بيختار يكشف على دى ويسيب ده

وطبعا مش هقولك بقى عن الدكتورة اللى يروحلها عيان
علشان ده الموضوع هيطول
زمانك زهقت ـ بس هذا الموضوع اكتبه من باب البحث عن الحق
ونسير على الشرع بلا أى اتهامات وبلا أى تضيق للامور
ففى الأخير اتمنى ان يكون الموضوع غير فكر ولو قليل من الناس لهذه المهنة وللواقع اللى عايشين فيه
فاللى برة المستشفى مش ذى اللى جواها
وظنى لو حد شاف مريضة يعرفها حالها يتدهور علشان مش لاقين دكتورة
او الدكتورة اللى قاعدة معرفتش تتصرف فى هذا الموقف ـ طبعا اكرر هذا ليس طعن فيها ولكنه طبيعة ـ هو اللى هينادى على دكتور
طيب وليه نعرض حياة الناس للخطر وبعدين نقول إلحق
ظنى أن الشرع أتى لحماية أرواح المسلمين
واللى يقدر يجبلنا فتاوى فى هذا الباب ـ على واقع بلدنا الحبيب ـ
يكون جزاه الله خيرا
 

التعديل الأخير تم بواسطة مع الله ; 08-21-2008 الساعة 04:36 AM
رد مع اقتباس
  #2  
قديم 08-12-2008, 01:03 AM
أمّ ليـنة أمّ ليـنة غير متواجد حالياً
« رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ »
 




افتراضي

السلام عليكم و رحمة الله و بركاته

الموضوع شائك فالله المسـتعان

من وجهة نظرى الشخصية ، سأجيب

حضرتك معك حق فى كل كلمة ، للاسف لو اعتدينا بفتاوي المملكة العربية السعودية فسيكون هناك ظلم لنا ، لاختلاف شاسع فى كل شئ ، الفتاوي هناك تناسب طبيعتهم أكثر لو نظرنا لبعض المدن داخلها مثل تبوك سنجد ان الذى يحكمها الطبع القبائلي الى حد ما فلديهم بعض العادات و التقاليد التي تمنع هذا اساسا ، فحين خرج موضوع قيادة المرأة للسيارة وجدنا هجوم علينا فى مصر و كيف تقود المرأة السيارة ، هناك عادي ممكن يجيب لها سائق ماليزي - هندي - فلبيني و عادي ممكن تخرج معه لوحدها دون محرم ، لكن تقود فلا ، و لا اتحدث هكذا بل عن معرفة من خلالة صديقات لى بتبوك .. لذا اري ألا نقارن او نضع فتاوى المملكة قياسا علينا لان البيئة تختلف كثيرا ..

ثانيا : فى بعض الاحيان نجدد فى بعض التخصصات دكتورة لكن نصرانية ، ما حكم التعامل معاها أليست أجنبية ألا تتساوى هنا مع الطبيب ؟؟ الا يكون التعامل هنا مع الطبيب المسلم أفضل ،، طبيب مسلم و طبيبة مسلمة لكن الطبيبة ليست على قدر من الكفاءة و ممكن تعرض حياة الاخريين لخطر و هذا لمسته مع أحد صديقاتي كادت ان تموت بسبب خطأ طبيبة ، لولا رحمة ربي بها ، و تدخل طبيب فى الوقت المناسب ؟؟ إذن لا نحكم على الامر الا بما يناسب الواقع .. و اعتقد لو سُــئل أحد مشياخنا الثقات فى هذا الأمر مع بيان الأمر من كل زواية كي تخرج فتوي بما يناسب واقعنـا ، المســألة تتخلص فى طرحها كاملة من كل جوانبها ..


و الله الموفق
 

التعديل الأخير تم بواسطة مع الله ; 08-21-2008 الساعة 04:39 AM
رد مع اقتباس
  #3  
قديم 08-12-2008, 01:25 AM
أم مُعاذ أم مُعاذ غير متواجد حالياً
لا تنسوني من الدعاء أن يرْزُقْنِي الله الفِرْدَوْسَ الأَعْلَى وَحُسْنَ الخَاتِمَة
 




افتراضي

الله المستعان
اوافق ان تعرض المرأة نفسها لطبيب ان كانت جراحة كبيرة فقط او ان لم تجد امرأه ماهرة

ااما غير ذلك فالاخوات الملتزمات متوفرات اسأل الله جل وعلا ان يبارك فيهن

ومن الممكن سؤال شيخ ثقة افضل من التخبط

وعندي ان اكشف عن نصرانية ان لم يوجد مسلمة ولا انكشف علي رجل ابدااااااا
واسأل الله جل وعلا ان يعافيني و لا اعرض علي طبيب مسلم او طبيبة نصرانية


وفرضا ان الكلام صحيح فالعقول احيانا ومنها عقلي تتحجر ولا تقبل الا ما تعودت عليه وان كان ما يعرض عليها صحيحا

اما عن المملكة حفظها الله فمعظم الناس هناك الا من رحم ربي الامر بالنسبة لهم فطري اكثر ما هو عقائدي
عكسنا هنا
وجدنا صعوبات ومشقات كثيرة حتي نتغلب علي الحياة البعيدة عن الشرع التي نعيشها وحاربنا لنعيش في اطار شرعي اسأل الله ان يثبتنا
:004111:
 
التوقيع

توفيت امنا هجرة الي الله السلفية
اللهم اغفر لامتك هالة بنت يحيى اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار .

التعديل الأخير تم بواسطة مع الله ; 08-21-2008 الساعة 04:40 AM
رد مع اقتباس
  #4  
قديم 08-12-2008, 03:13 AM
أبو مصعب السلفي أبو مصعب السلفي غير متواجد حالياً
الراجي سِتْر وعفو ربه
 




افتراضي

الكلام جميل جزاكم الله خيراً, وبالنسبة للأخت أم مغفرة: أفتى العلماء الفضلاء -منهم الشيخ النقيب حفظه الله- أن الذهاب للطبيب المُسلم أفضل من الطبيبة النصرانية, ونعود للموضوع... أنا معاك يا أستاذى فالكلام, ولكن معذرة; المستشفيات هاهنا وطريقة التمريض فيها فاشل!!! وأنا جربت بنفسى محدش قلى; ولدى -ختم الله له بالحسنى- جتله غيبوبة الكبد منذ فترة ليست بالبعيدة, ويومها كان الإستقبال فى الطوارئ, كنا هناك الساعة 10 بليل, كل شويه ييجى واحد يقول ماله -عشان يشخص الحالة-..؟! نحكيله حصله كذا كذا يقوم مكلم اللى معاه كلمتين إنجليزى ويقوم ماشى, وبعدين ييجى واحد تانى ويقول ماله..؟! نقول نفس الكلام ويقوم هو قايل نفس الكلمتين الإنجليزى ويقوم ماشى... فضلنا كدا لحد الفجر ولم يشخص الحالة أحد!! من 10 مساء لـ 5 فجراً وولدى فى غيبوبة والأفاضل مش عرفين يشخصوا الحالة!! وانا عمال أقلهم: ياناس احنا روحنا مستشفى القوات المسلحة فى مصر وعملنا تحاليل والنتيجة إنه عنده فيرس سى وتليف فالكبد, وهما ولا أكن, عمّالين يشفولى السكر والضغط, وفالآخر حجزوه ومعرفوش تشخيص حالته إلا قبل الضهر!!! -وطبعاً كل دا نتيجة إن الدكترة الأستاذة فى بيوتهم وسايبين بتوع إمتياز يجربوا فى الخلق!!- الشاهد من الكلام إن الطب هاهنا يحتاج تأمل قبل أن نتأمل ردود أفعال المرضى -شفى الله مرضى المسلمين-,  

التوقيع

قال الشاطبي في "الموافقات":
المقصد الشرعي من وضع الشريعة إخراج المُكَلَّف عن داعية هواه, حتى يكون عبداً لله اختيارًا, كما هو عبد لله اضطراراً .
اللـــه !! .. كلام يعجز اللسان من التعقيب عليه ويُكتفى بنقله وحسب .
===
الذي لا شك فيه: أن محاولة مزاوجة الإسلام بالديموقراطية هى معركة يحارب الغرب من أجلها بلا هوادة، بعد أن تبين له أن النصر على الجهاديين أمر بعيد المنال.
د/ أحمد خضر
===
الطريقان مختلفان بلا شك، إسلام يسمونه بالمعتدل: يرضى عنه الغرب، محوره ديموقراطيته الليبرالية، ويُكتفى فيه بالشعائر التعبدية، والأخلاق الفاضلة،
وإسلام حقيقي: محوره كتاب الله وسنة رسوله صلى الله عليه وسلم، وأساسه شريعة الله عز وجل، وسنامه الجهاد في سبيل الله.
فأي الطريقين تختاره مصر بعد مبارك؟!
د/أحمد خضر

من مقال

التعديل الأخير تم بواسطة مع الله ; 08-21-2008 الساعة 04:50 AM
رد مع اقتباس
  #5  
قديم 08-12-2008, 03:23 AM
أم مُعاذ أم مُعاذ غير متواجد حالياً
لا تنسوني من الدعاء أن يرْزُقْنِي الله الفِرْدَوْسَ الأَعْلَى وَحُسْنَ الخَاتِمَة
 




افتراضي

صدقتم بارك الله فيكم

فلننظر لاساس المشكلة اولا


اما عن امر الطبيبة النصرانية فهذا فرضا ان جميع النساء وقرن في بيوتهن ولا يوجد طبيبات مسلمات واراة شبة مستحيل والله اعلي واعلم

واسأل الله جل وعلا ان يرزقنا العفاف والغني
 

التوقيع

توفيت امنا هجرة الي الله السلفية
اللهم اغفر لامتك هالة بنت يحيى اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار .
رد مع اقتباس
  #6  
قديم 08-12-2008, 10:16 PM
أبومالك أبومالك غير متواجد حالياً
قـــلم نــابض
 




افتراضي

قضية مهمة
ولكن سريعاً ...
الأخت الزهراء قالت أن فى السعودية يحرمون قيادة المرأة للسيارة وإنما يبيحون أن يكون معها سائق بدون محرم !
أين برهانكم على هذه النقطة ؟ هذا فى معرض الكلام ولسنا بصدد التكلم عن هذا ،
بخصوص الطبيبة النصرانية وأولويتها فقد سمعتُ الشيخ حسان يقول أن المرأة تذهب للدكتورة المسلمة وإلا فالطبيبة النصرانية وإلا فالطبيب المسلم وفى الأخير الطبيب النصرانى أو الغير مسلم ( على حد تذكرى بهذا الترتيب )

والله أعلم
 

التعديل الأخير تم بواسطة مع الله ; 08-21-2008 الساعة 04:51 AM
رد مع اقتباس
  #7  
قديم 08-13-2008, 02:51 AM
أمّ ليـنة أمّ ليـنة غير متواجد حالياً
« رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ »
 




افتراضي

الأخ الفاضل أبا مالك لمست هذا فعلا فى المملكة بالواقع ليس مجرد كلام و عذرا ان كان فى غير محلة ن لكن قصدت أن لكل مكان طبيعته الخاصة ، فلا نقيس السعودية بمصر ، و قد تفضل الاخ بقول فارق الامكانيات فى المستشفيات و التمريض إلى آخره ..

أما عن الطببية النصرانية فقد تفضل الاخ ابا مصعب بنقل قول الشيخ النقيب ..
 

رد مع اقتباس
  #8  
قديم 08-13-2008, 03:01 AM
أبو عمر الأزهري أبو عمر الأزهري غير متواجد حالياً
الأزهر حارس الدين في بلاد المسلمين
 




افتراضي

الله المستعان
القضية فعلا مهمة
ولي عودة بإذن الله تعالى .
 
رد مع اقتباس
  #9  
قديم 08-14-2008, 01:20 AM
الشافعى الصغير الشافعى الصغير غير متواجد حالياً
لا تهاجم الناجح وتمتدح الضعيف .. لا تنتقد المجتهد الذي يعمل وتربت علي كتف الكسول
 




افتراضي

جزاكم الله خيرا ونفع بكم  

رد مع اقتباس
  #10  
قديم 08-21-2008, 12:42 AM
الشافعى الصغير الشافعى الصغير غير متواجد حالياً
لا تهاجم الناجح وتمتدح الضعيف .. لا تنتقد المجتهد الذي يعمل وتربت علي كتف الكسول
 




افتراضي

قد قمت بوضع هذا الموضوع فى القسم الخاص بفتاوى فضيلة الشيخ أحمد النقيب حفظه الله
وقد أجاب فضيلته بهذه الأجابة بارك الله فيه

لقد قرأت ما قرأت ، وفهمت مجمل ما ذكرت ، وأجيبك بمجملات ربما ييكون فيها ما يغنى وكفى
1. قال أهل العلم : وكل محظور مع الضرورة بقدر ما تحتاجه الضرورة ، وقالوا : الضرورة تقدر بقدرها
2. إذا كانت المريضة حالتها تستدعى تدخلا طبيا من قبل الرجال ؛ كعملية جراحية ، أو ولادة متعثرة ، أو حالات حوادث طارئة أو نحوا من ذلك ، أو كانت حالتها تحتاج إلى اختصاص أعلى ـ ولم نجد إلا رجلا ...
3. ولما كان جهد النساء وتميزهم الطبى متواضعا ، وقدرتهم العلمية والبدنية والنفسية فى مواجهة صعوبات الحلات الطبية أقل من أقرانهم الذكور
4. الحاصل ، فإنى أميل أنه يجوز تطبيب الرجل المسلم لنساء المسلمين للضرورة ، ووجود المحرم عند الكشف أو العملية أَمْرٌ حالى يُقَدّر بقدره ، وفق المصالح والمفاسد ، والله أعلم

 

التعديل الأخير تم بواسطة مع الله ; 08-21-2008 الساعة 04:46 AM
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


منتديات الحور العين

↑ Grab this Headline Animator


الساعة الآن 06:44 PM.


Powered by vBulletin® Version 3.8.4
Copyright ©2000 - 2020, Jelsoft Enterprises Ltd.
.:: جميع الحقوق محفوظة لـ منتدى الحور العين ::.