زجل كوميدى/ عيشة العازب

[احمدابواليسر]

 

عيشة العازب
قلت هنقلب ع العزاب وع المتجوز بعد شوية
اصل العازب من غير زوجة زى الجردل من غير ميه
زى الساعة من غير عقرب زى طبيخ من غير تقلية
كل حياتو مبهدلة خالص والترتيب ده صعب عليا
لو يوم يغسل يبقى غسيلو بقعة ونيلة وزيت طعمية
يحط غسيلو فى حبة رابسو ويفتح ليهم كام حنفية
يسيبو دقيقة ويروح شاطف شطفة سريعة بفنجان ميه
لسه هيعصريجرى بسرعة راح ينشرهم ف الضهرية
قبل ماينشف لم غسيلو ويكلفتهم فى العصرية
ويكورهم تحت الفرشةعلشان تبقى هدوم مكوية
راح بلبيسهم تعرف ريحتو ريحة العازب خيبة قوية
وبيستعجب قال دا غسيلى راح يتوسخ كل شوية
اما الفرشة تخش الغرفة تلاقى حاجات وحاجات مرمية
تلاقى البدلة تحت سريره وفردة جزمة على الطبلية
تلاقى فلنة فى درج المكتب اما كتابو فى دورة لمية
تلاقى لحافو فى باب الاوضة ومخداتو على الارضية
معظم اكلو فول وفلاف جسمو مشبع م الطعمة
وع الشماعة شراب مخروم بدل الخرم حوالى المية
والاركان فى الغرفة عموما بالحشرات هتكون محشية
دى حياتو وفاكر نفسو بنات الدنيا مستنية
نظرة رحمة للعزاب كل حياتو ضباب فى ضباب
لو يوم فر وصار مجوز هتشيب راسو بعد شباب


اعتذر طبعا للعزاب وعلى فكرة انا منكم برضه ان لسه عازب بس اوعدكم اننا ننزل حاجة ان شاء الله قريب على الجماعة المتجوزين وانا مستنى حد من العزاب يرد على القصيدة ديه......سلااااام

[أبو عمر الأزهري]

مرحبًا بكَ بيننا أخي الحبيب أحمد.
نرجوا منكَ وفقكَ اللهُ الاطلاعَ على قوانين قسم اللغة في الرابط التالي:
http://hor3en.com/vb/showthread.php?t=56238
حيث يشترط في هذا القسم أن يكون كل ما يُكتَبُ فيه عرَبِيًّا فصيحًا، وتمتنع فيه اللهجة العامية.
ولذا يتم نقل الموضوع إن شاء الله تعالى للقسم العام.
بارك الله فيك وجزاك خيرًا.

[احمدابواليسر]

انا آسف لم اطلع على الشروط من قبل

[أم الزبير محمد الحسين]

جزاكم الله خيراً

[سهير محمود*]

جزاك الله خيرا