انا لله وانا اليه راجعون... نسألكم الدعاء بالرحمة والمغفرة لوالد ووالدة المشرف العام ( أبو سيف ) لوفاتهما رحمهما الله ... نسأل الله تعالى أن يتغمدهما بواسع رحمته . اللهم آمـــين

العودة   منتديات الحور العين > .:: المنتديات الشرعية ::. > الملتقى الشرعي العام

الملتقى الشرعي العام ما لا يندرج تحت الأقسام الشرعية الأخرى

موضوع مغلق
 
أدوات الموضوع انواع عرض الموضوع
  #1  
قديم 12-24-2010, 06:51 PM
راجية العزيز الرحيم راجية العزيز الرحيم غير متواجد حالياً
عضو جديد
 




New ₪∫∫∫∫₪≈ لو عاوز أجمل و أحلى صور و أفلام ::

 

و معانا مش هتقدر تغمض عينيك





وقبل كل حاجة تعالى معاى نعيش فى عالم تانى



عالم من الخيال

طوف بقلبك معايا
و
تخيل



تخيل نفسك كل أعمالك مسجلة فيديو و كل الناس شايفاك هل كنت هتنظر نظرة حرام لصورة عارية أو فيلم أو غيره ؟

أو تخيل إنك شفت النبي صلى الله عليه و سلم و جريت تسلم عليه هل هيقولك مرحبا و أهلا بمن أطاع الله ورسوله و أحبهما ؟ و لا هيقولك سحقا سحقا لإنك كنت بتعصي ربنا و رسوله و بتنظر للحرام ؟؟
تخيل نفسك فاضل لك خمس دقايق بس و هتموت هل كنت هتنظر نظرة حرام ؟

أو تخيل نفسك جالك ملك الموت وواقف أمامك و إنت شايفه حالا هل هتقوله إتفضل أنا طول عمري في طاعة ربنا و لا هتقوله ثواني لما أقفل الحرام اللي بتفرج عليه ؟




أو تخيل إنك واقف يوم القيامة أمام ربنا و بيسألك عن كل أعمالك في الدنيا و سألك عن نظراتك الحرام للصور و الأفلام هتقول كنت عاوز أتفرج يا رب ؟ مقدرتش أصبر على أمرك و طاعتك يا رب ؟

أو تخيل نفسك إتحاسبت على كل أعمالك و تساوت الحسنات و السيئات و فاضل لك عمل واحد فقط لم تحاسب عليه و هيحدد مصيرك للجنة و لا للنار و إذا بالمفاجأة أنه كان نظرة ل.... هل يسرك أنها تكون نظرة لصورة أو فيلم إباحي و لا نظرة في كتاب الله ؟



و في المقابل تخيل نفسك تبت من النظرات الحرام دي و ربنا غفر لك ما مضي من ذنبك بتوبتك التوبة النصوح بشروطها الخمسة و أصبحت ممن مثواهم الفردوس الأعلى من الجنة مع الأنبياء

الباب لسة مفتوح لازم تلحق تآخد فرصتك و ترجع لربنا قبل ما الباب يتقفل
لازم تلحق نفسك قبل ما تكون سبب في عذاب نفسك بنار أكبر من نار الدنيا بسبعين مرة
عينك و إيديك و رجليك هيشهدوا عليك أمام الله على ذنوبك



تخيل ..... و حدد مصيرك .... و اختار طريقك

عــــــيـــــــــــنـــــــــــــك أمــــــــــــــــانــــــــــــــة


و الموضوع و إن كان طويل لكن كله فوايد و مهم جدا جدا لكل الشباب و البنات
مع حملة عينك أمانة نوعدك انك مش هتندم على دخولك


الحملة فيها حلقات من شباب لشباب و ناس بتحس بيك
و فيها تصميمات روووووعة
توقيعات هتعجبك و خلفيات جميلة جدا و صور شخصية
و فيها فيديوهات و حاجات تشوفها بقلبك
و فيها قصص لناس لحقت نفسها في آآآآآخر لحظة و ناس تانية مقدرتش
و فيها فلاشات و فيديوهات مؤثرة و رااائعة
و مقاطع تخلي القلب القاسي يرق لها
و تلاوات قرآنية راااائعة

و كمان سجلنا لكم مقاطع فيديو حصرية و مش هتلاقيها في أي حتة تانية




ناس إنت تهمهم جدا و بيحبوك و يحبولك الخير عملولك الفيديوهات دي


و كل دة موجود على صفحة الحملة

و اللي هيتم افتتاحها يوم السبت 25 ديسمبر ان شاء الله على الرابط التالي :

حملة عينك أمانة
www.way2allah.com/eye



هتبقى أقوى حملة إزاي ؟
لما ننشرها أنا و إنت و إنتي و الكل يساعدنا في نشرها


و الحملة لما تنجح إن شاء الله متنساش إنك هتكون واحد من اللي ساهموا في نجاحها
و تقدروا تراسلونا على الايميل :
newsletter@way2allah.com


و لك مننا هدية حصرية و مش هتلاقيها في أي مكان تاني

اضغط هنا

العد التنازلي



3


2


1
خليييييييييييييك معـــــــــانا



إنتظرونـــــــــــــــــــا
لكن

بعد الفاصل
  #2  
قديم 12-26-2010, 05:42 AM
راجية العزيز الرحيم راجية العزيز الرحيم غير متواجد حالياً
عضو جديد
 




افتراضي






الحلقـة الثانيـة

أحمد ومحمود صديقان من زمان
من فترة كبيرة مشفوش بعض
ياللا نشوف هيحصل إيه لما يتقابلوا


أحمد : مين ؟؟ محمود ؟؟
فينك من زمان يا راجل

محمود : أحمد يا عم قول السلام عليكم الأول


أحمد : سلام عليكم يا عمنا
إنت فين من زمان وعامل فى نفسك كده ليه
إيه الذقن دى والهدوم القصيره دى
إنت عامل فى نفسك كده ليه

محمود : عليكم السلام ورحمة الله وبركاته
أخبارك إيه يا أحمد
أحمد : الحمد لله تمام
محمود : إنت جاى منين دلوقتى

أحمد : كنت فى حتة سهرة بس إيه على مزاجك
حاجه كده من سهرات زمان بتاعتنا
أفلام وحركات ما إنت عارف كل حاجه
محمود : يااااااااا إنت لسه يا بنى بتشوف الحاجات دى حراااااااااااام


أحمد : طب وإيه الحرام في المواقع والأفلام والمسلسلات يعني ؟
إحنا بنتفرج بس هو إحنا بنطبق عملي يعني ؟

محمود : إزاي يا أحمد طبعا حرام
ربنا حرمها يا احمد ليه نعصيه ؟

أحمد : بس على فكرة أنا عمري مبمارس أي حاجة بشوفها وبتفرج عليها في الواقع , دي مجرد تقضية شهوة , يعني عادي محدش بيشوفني . ما إنت عارف



محمود :أنا عارف والله
بس
سمعت الحديث دا قبل كدة ؟ :
عن ثوبان رضي الله عنه :عن النبي صلى الله عليه وسلم قال:
"لأعلمنّ أقوام من أمتي يأتون يوم القيامة بحسنات أمثال جبال تهامة بيضاً فيجعلها الله عز وجل هباء منثورا ."
قال ثوبان رضي الله عنه:يا رسول الله
صفهم لنا جلّهم لنا أن لا نكون منهم ونحن لا نعلم.
فقال عليه الصلاة والسلام:
أما إنهم إخوانكم ومن جلدتكم
ويأخذون من الليل كما تأخذون. ولكنهم أقوام إذا خلوا بمحارم الله إنتهكوها .
يعني إنت بتستني لحد ما الناس تنام وبتقفل عليك كل الابواب وبتبدأ في معصية الله ولكن إلا باب واحد عمرك مهتقدر تقفله هو " باب الله " , ربنا اللي شايفنى وشايفك في كل مكان وزمان وهو سبحانه أقرب واحد ليك و ليا أقرب من دمك اللي بيجري في عروقك

"وَلَقَدْ خَلَقْنَا الإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ "
ق - 16



, وتأمل معايا كدة عتاب ربنا :
" عبدي لِما جعلتني أهون الناظرين إليك ؟ "
يااااااااا
يعني ليه خفنا من بابا وماما وكل الناس و مخفناش من ربنا
ليه عملنا حساب الناس والدنيا كلها و معملناش حساب لربنا
ليه أهم حاجة عندنا نظر الناس ونظر ربنا مهمناش
ليه رغم إن ربنا اللي خلقنا بيديه الكريمة بعد ما كنا عدم !
ربنا اللي خلي الملائكة كلها تسجد لنا إكراماً لنا !
ربنا اللي سخر السموات والارض لخدمتنا !
ربنا خلقنا بمعجزات × معجزات !
ليــــــــــــــــه جعلناه أهون الناظرين إلينا ؟؟
أحمد : والله يا محمود أنا بحب ربنا .
محمود : ايه اللي يثبت انك بتحبه يا أحمد ؟
عشان بنحبه لازم نعمل اللى يرضيه






أحمد :طيب أنا عايز أسأل سؤال بقي ؟
محمود : إتفضل
أحمد : ليه ربنا خلي جوانا شهوة ممكن نعصيه بيها ؟ وليه خلانا نعصاه طالما دا بيغضبه ؟
محمود : ما شاء الله سؤال جميل جدااا .
عشان ربنا بيربينا لاننا لو كل حياتنا
طاعة هنصاب بالعجب ورؤية الذات والكِبر كما حدث مع إبليس فكفر، فالله سبحانه وتعالى برحمته لم يعصمك من الذنوب

مش نفسك تقرب من ربنا ؟ مش نفسك في لقاء مع الله ؟ بقالنا اد ايه مقاطعينه ؟
أحمد : نفسي أتوب والله بس خايف من شيطاني .
محمود : مش لازم نخاف منه فإبليس اللعين لما رفض أن يسجد لآدم وطرد من الجنة قال: وعزتك وجلالك لأغوينهم مادامت أرواحهم في أجسادهم،
فقال له الله :
( وعزتي وجلالي لأغفرن لهم ما داموا يستغفرونني ).
وقال ابن الجوزي : قال إبليس : أهلكت ابن ءادم بالذنوب , وأهلكوني بالإستغفار .

فالإستغفار - الإستغفار - الإستغفار .

محمود : لااااااااااااااااازم نتوب يا أحمد
إسمع كده الأحاديث دى
يقول الله تعالى لداود :
(يا داود لو يعلم المدبرون عني شوقي لعودتهم ورغبتي في توبتهم لذابوا شوقاً إلي،
يا داود هذه رغبتي بالمدبرين عني فكيف محبتي للمقبلين علي )

قلبك معايا ؟

يقول النبي صلى الله عليه وسلم في حديث جميل جداً:
(إن الله يفرح بتوبة عبده )، ثم يضرب النبي مثلاً على هذه الفر حة فهي أكثر من فرحة رجل يمشي في الصحراء ومعه ناقته عليها طعامه وشرابه وفي وسط الصحراء جرت منه، فأيقن الرجل بالهلاك والموت، و بينما هو كذلك حفر لنفسه حفرة وقرر أن ينام فيها من شدة اليأس، تخيل حالة اليأس التي هو فيها ؟ ، حالة اليأس التي يكون فيها العاصي والذنوب قد ملأت حياته، فبينما هو كذلك إذا بالناقة فوق رأسه عليها طعامه وشرابه ، فمن شدة فرحته يريد أن يشكر الله فقال: اللهم أنت عبدي وأنا ربك! فقد أخطأ من شدة الفرح، يقول النبي صلى الله عليه وسلم : (فالله أفرح بتوبة أحدكم إذا تاب من هذا الرجل )،
إن فرحة الله بتوبتك هي أكبر من فرحتك أنت بتوبتك، ولله المثل الأعلى لأنك عندما تتصدق بمال تكون فرحتك أكثر من فرحة من تصدقت عليه لإنشغاله بما أخذ منك ولا يدرك فرحتك أنت به ،


ويقول النبي عليه الصلاة والسلام :
(إن الله يبسط يده بالليل ليتوب مسيء النهار ويبسط يده بالنهار ليتوب مسيء الليل ) 24 ساعة يقبل التوبة،

ويقول الله عز وجل في الحديث القدسي :
( ياابن آدم إنك ما دعوتني ورجوتني غفرت لك على ما كان منك ولا أبالي ، يا ابن آدم لو بلغت ذنوبك عنان السماء ثم إستغفرتني غفرت لك ، يا ابن آدم لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة ، أشكر اليسير من العمل وأغفر الكثير من الزلل ، رحمتي سبقت غضبي وحلمي سبق عقوبتي ، وأنا أرحم بكم من الأم الشفيقة بولدها، يا عبادي إنكم تخطئون بالليل والنهار وأنا أغفر الذنوب جميعا فاستغفروني أغفر لكم )


يقول النبي صلى الله عليه وسلم :
( يتنزل ربنا تبارك وتعالى إلى السماء الدنيا في الثلث الأخير من الليل كل ليلة ينادي من يدعوني فأستجب له؟ من يستغفرني فأغفر له؟ هل من تائب فأتوب عليه؟ هل من مستغفر فأغفر له؟ )

محمود : ها يا احمد؟ لسه مُصِّر علي عدم التوبة ؟؟

أحمد في دمووووووع : ....................

محمود : ياللا نتوب قبل فوات الأوان
تأمل عتاب ربك لك، حين قال جل فى علاه ..

{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ}
[الحديد: 16]


ما أصعبه من عتاب على القلوب ..

ألم يأن الآوان؟؟

وها هو آن الآوان
إحنا في صراعات بين الحق والباطل ومحاربة الإسلام من كل الجهات لازم نفوق من الغيبوبة اللى إحنا فيها,
ونبدأ خطوة تلو الأخرى عشان نوصل ..
فقد قال الرسول صلى الله عليه وسلم

"إن هذا الدين متين فأوغلوا فيه برفق"
[صحيح الجامع رقم (2246)]



فمن سوف يُلبى نداء الله ؟ ..


{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ..} [ الحديد: 16]


هى دى لحظة التغيير فى حياتنا كلها .. اغرس هذه المعاني في قلبك وتعايشها واصرخ من داخلك

وقل: آن الأوان يـــــــا رب ..

آن يـــــــارب


آن يــــــــارب

جايلك يارب

راجعلك يارب

قبل ان تأتي لحظة الندم بتقول فيها
( ربي ارجعون لعلي اعمل صالحا )

فيرد عليك الله بـ ( كلا )

يااااااااا كلمة كلا معناها إنسي ..إنت بتحلم .. خلاص .. فاتك القطر.. العمر خلص .. مهما عملت ومهما قلت لا يمكن هترجع لحظة واحدة حتي تقول فيها ( لاإله الا الله ) ..

( كلا ) !!!!!!!!!

يا تري هنستني ايــــــــــه؟؟؟؟؟؟؟



اللحظة اللي فيها لا تملك أي شيء حتي أعضائك لا تملك أن تحركها , لسانك دا اللي من شوية كنت بتتكلم عادي وبتهزر بيه , دلوقتي عايز تحركه عشان يقول (لاإله إلا الله ) أسهل كلمة على وجه الارض .
سبحان الله لا يستطيع أن يتحرك وينطق بكلمة الحق لأن مش هو اللي بينطق لالالا دا عملك طول حياتك هو اللي هينطق هو اللي هينجدك في اللحظة الرهيبة دي .


أحمد: هتووووووووووووووووب


محمود :طيب بس لازم تعرف ايه هى شروط التوبة علشان ربنا يقبلها

للتوبة بينك وبين ربك خمسة شروط وممكن تعملهم وأنت جالس بقلبك:

(1) الندم:
يقول النبي : (التوبة الندم )، فبدون الندم لا تقبل التوبة. فالتوبة هي إحساس بالألم في القلب، ودمعة عين , وحزن في القلب، وعمرة من أجل الأسف وإستغفار كثير و لو لم يأتي الندم فلا توبة.


(2) التوقف عن الذنب .

(3) العزم على عدم العودة.

يروى في الأثر عن موسى عليه السلام أنه ظل سبعون ألفا من بني إسرائيل في القحط الشديد ولا ينزل المطر ويكادون أن يموتو ا من العطش والبهائم كذلك، فوقف موسى يدعو وقال لهم نخرج للإستسقاء وصلوا صلاة
الإستسقا ء، وظل يدعو ويدعو والمطر لا ينز ل، فقا ل: يا رب عودتني الإجابة فلم ينزل المطر، فأوحى إليه الله: يا موسى لن ينزل المطر

لأن بينكم عبد يعصاني منذ أربعين سنة فبشؤم معصيته منعتم المطر من السماء، هل عرفتم مصائبنا وأحوال بلادنا ما سببها؟؟؟

فقال موسى: يا رب فماذا نفعل؟
قال:
أخرجوه من بينكم لينزل المطر،
فقال موسى
لبني إسرائيل: بيننا رجل يعصي الله أربعين سنة، فأخرجوه من بينكم لينزل المطر. إن الرجل يعرف نفسه
فقال يا ر ب:
أنا إن خرجت فضحت وإن بقيت منعنا من المطر ومتنا، ماذا أفعل؟ ليس لدي غير أني أتوب إليك وأعاهدك ألا أعود فاسترني وأنزل المطر، فنزل المطر من السماء،
فقال موسى:
يا رب نزل المطر ولم يخرج أحد !
فأوحى إليه الله:
يا موسى نزل المطر لفرحتي بتوبة عبدي الذي يعصاني منذ أربعين سنة،
فقال موسى: يا رب دلني عليه لأفرح به ،


فقال له الله تبارك وتعالى: يا موسى يعصاني أربعين سنة وأستره، أيوم يتوب إليّ أفضحه؟!.
وهناك شرط رابع للتوبة:


وهو إن كنت قد أخذت حقاً من حقوق الناس فلابد أن ُتعيده، ومهما تبكي فلابد من إعادة حقوق الناس .
و شرط كمان قبل كل دة :
الإخلاص لله وحده وانك تتوب لربنا علشان بتحبربنا و عاوز جنته و عاوز ترضيه و عاوز تعمل اللي يدخلك الجنة و علشان خايف من عذابه
أحمد : طيب و أعرف منين إن ربنا تاب عليا

محمود:والله يا أحمد الواحد بيحس بحلاوة وطمأنينة فى الجسم كله عامة وقلبه خاصة ويشعر بإنشراح في صدره ورضا وسعادة وتفاؤل وأمل وحب للحياة ونور في الوجه .

وكيف لا ؟


و إنت قد أرضيت ربك حبييك خالقك مولاك ,

وأرضيت روحك التي كانت تصرخ من داخلك عندما تعصي الله بأي فعل .

أحمد طيب لو رجعنا تانى

محمود:يقبلك التواب إن تبت مرة أخرى وثانية وثالثة ، (أذنب عبد ذنبا فقال: يا رب أذنبت ذنبا فاغفره لي ، فقال الله: علم عبدي أن له رباً يغفر الذنب ويأخذ بالذنب قد غفرت لعبدي ، ثم عاد فأذنب ذنباً فقال الله: علم عبدي أن له رباً يغفر الذنب ويأخذ بالذنب قد غفرت لعبدي ،
ثم عاد فأذنب ذنبًا فقال الله تبارك وتعالى فليفعل عبدي ما شاء مادام يستغفرني ويتوب إلي ).

ولكن أحياناً عندما تذنب مرات عديدة تشعر بحاجز عن التوبة وتشعر بالخجل، فيقول لك التواب إعمل حسنة كي تكسر حاجز الخجل .

و في الحديث : ( و أتبع السيئة الحسنة تمحها).
(إِن الْحسنَاتِ يذْهِبن السيئَات . ) هود :14

ولازم تعرف حاجة مهمة جداااااااااااا


بتوبتنا دي نصرة لديننا , آه والله نصرة لديننا وكأننا ماسكين رشاش وبنضرب به رؤوس الكفر , عارف ليه ؟؟

لان القنوات والمواقع الإباحية دي مين اللي عاملها وبيمثلها ؟؟ الكفرة صح ؟

طيب عاملينها ليه ولمين؟

عشان يدمرونا

عشان هم خايفين مننا مرعوبين مننا لو إحنا فُقنا لنفسنا ولدينا ولحياتنا بكدة يتم تدميرهم وتحطيمهم ,
فهم عايزين يقضوا علينا ,
عايزين الشاب المسلم بلا معني - بلا قيمة- بلا لازمة - بلا مبدأ - بلا ديـــن .
هنسمحلهم يدمرونا ويدمروا اُمتنا كلها ؟
لا وألف لا إ حنا عمود الأمة - صلب الأمة - خرسانة الأمة - أمل الأمة - ريحانة الأمة ,
فبتدميرنا هو دمار للأمة كلها , كما تري الحال الآن ,
فافتكر دايما إن إحنا السبب في نصر الأمة او دمار الأمة ؟

هتختار ايه؟؟
أحمد : تبنا إليك يارب وندمنا علي ما فعلنا ودلوقتى نبدأ بتشفير كل القنوات الإباحية وكل المواقع الإباحية , ونتجه الي كل ما هو نافع لنا ولأمتنا وسننصر أمتنا بإذن الله .


محمود :الحمد لله ربنا يتوب علينا

فى النهاية
أدعوكم للدخول على الموقع ده


هلاك دوت كوم


لـلشيخ : أحمد جلال





وأدعوك أيضا لهذا :

.:: مدمن على مشاهدة الصور الجنسية ::.





لسه مخلصناش كلامنا
خليييييييييك معــــــانـــــــا
انتظـــرونـــــــــا
  #3  
قديم 12-26-2010, 05:44 AM
راجية العزيز الرحيم راجية العزيز الرحيم غير متواجد حالياً
عضو جديد
 




افتراضي


الحلقة الثالثة



بعد الحوار مع الشباب نشوف واقع الأمة




مؤامرة تدور على الشباب ...ليعرض عن معانقة الحراب
مؤامرة تدور بكل بيت ...لتجعله ركاما من تراب
مؤامرة تقول لهم تعالوا ...إلى الشهوات فى ظل الشراب
مؤامرة مراميها عظام... تدبرها شياطين الخراب
تفرق شملهم إلا علينا *** فصرنا كالفريسة للكلاب





لا يخفى علينا أن الأمة الإسلامية مستهدفه من دول الشرك والفجور
ونعلم أن لا هم يشغلهم سوى التنكيل بالإسلام والمسلمين ولا يألوا جهدا لتدميرها بكل الوسائل الممكنة لديهم

من هذه الوسائل إغراق الأمة وخصوصا شبابنا فى بحر الشهوات
وتيسير كل السبل للوقوع بهم فى هذا البحر العفن النتن
من هذه الوسائل تيسير المواقع الإباحيه الفاضحه بكل سهولة ويسر سواء فى الشبكة العنكبوتيه أو الفضائيات
أى أصبح الدخول على هذه المواقع أيسر وأسهل مما يتخيل بشر
وفى نفس الوقت
يزداد الغلاء وتأخر سن زواج الفتيات وتنتشر البطالة والركود فى البلاد الإسلاميه
وظهور الموضات الغربيه التى تغزو عالمنا الإسلامى من ملابس ضيقه تظهر أكثر مما تخفى ومحاربة الحجاب والعفاف وتشبيهه بالتخلف والرجعيه
وإتهام كل من يتمسك بدينه بالإرهاب
ولا حول ولا قوة إلا بالله
فعلا بكل صراحه هى مؤامرة على شبابنا
البطالة ....الفراغ.... المخدرات......البعد عن مبادئ ديننا الحنيف


كل هذه أسلحة الغرب لمحاربتنا به
وللأسف الشديد إستسلمن وبكل سهولة لهذه المغريات ولم نقف إلى هذا الحد لا لكن أصبحنا نسوق كل المبررات لاقتراف هذه الفواحش

ومن هذه المبررات


اللى مش بيشتغل وبيضيع وقته


اللى قاعد طول النهار فى الشوارع يشاهد البنات والنساء فى الشوارع فبيطلع رغباته المكبوته فى هذه المواقع الإباحيه


اللى بتهرب من مشاكلها مع أبويها للنت وغرف الشات بنية البحث عن حد يحس بيها


كل دى مبررات مختلقه للوقوع فى هذه الفاحشه
لكل دول بنقول لهم
أن الله عز وجل أمرنا بغض البصر
لما بعدنا عن مبادئ ديننا أطلقنا البصر فى الشوارع ومنه لهذه القنوات والمواقع
حيث أن هذه الذنوب ما هى إلا درجات
إطلاق للبصر .... وبعدين يقول بتفرج بنية العلم بالشئ .. ومن ثم يصل لمرحلة الإدمان
ولا حول ولا قوة إلا بالله


إنتظرونا مع غض البصر
لكن بعد الفاصل
خليييييييييييييييك معــــــــانـــــــا
  #4  
قديم 12-26-2010, 04:36 PM
راجية العزيز الرحيم راجية العزيز الرحيم غير متواجد حالياً
عضو جديد
 




افتراضي






الحلقة الرابعــــــة

غض البصر وعواقبه

كلنا عارفين مشكلة إطلاق البصر
دلوقتى الشباب ما شاء الله واقفين على النواصى التيشرتات والبنطلونات الضيقة متعرفش تفرق الأولاد من البنات
والبنات ماشيه بالباضيهات والبنطلونات الضيقة المحددة لتفاصيل جسمهم


المهم الشباب واقف مش وراهم حاجه تشغلهم غير معاكسة البنات الحلوين مش سايبين ولا بنت فى حالها يتفرجوا على دى ويتريقوا على دى وفى الأخر يروحوا بيوتهم يناموا
طيب سؤال يطرح نفسه
إستفدت ايه
؟
؟
؟
فتحت عنيك واتفرجت على حاجه مش من حقك
كل اللى كسبته ذنوب بالملايين بالإضافة
إنك مبقتش قادر تتحكم فى نفسك ولا فى شهوتك
فتعمل إيه

؟
؟
؟





أول حاجه بتعملها بتروح بيتك وكام فيلم حلوين كده من اللى قلبك يحبهم
ولا كام مقطع إباحى وتعيش يا معلم
بس أهم حاجه لازم تتأكد منها إنك قفلت الباب عليك كويس
يعنى لا بابا ولا ماما و لا إخواتك شايفينك
بس ياريت هتعرف تتأكد
إن ربنا مش هيشوفك؟
لا حول ولا قوة إلا بالله


شوفت معايا بقى بتبتدى بإيه وتنتهى على إيه
بتتفرج على البنات وتعاكسهم وتنتهى بفيلم إباحى أو العادة السيئه
أو المصيبة الكبرى تقع فى الزنا
عرفت ليه بقى ربنا أمرنا بغض البصر

1-طاعة لله وتقرب ليه وطاعه لرسول الله
واللى بيحب ربنا يطيع أوامره
كما ثبت فى الصحيحين قال صلى الله عليه وسلم "إياكم والجلوس فى الطرقات قالوا مالنا بد,إنما هى مجالسنا نتحدث فيها,قال رسول الله صلى الله عليه وسلم فإن أبيتم إلا المجالس فأعطوا الطريق حقها, قالوا وما حق الطريق قال :غض البصر ,وكف الأذى, ورد السلام والأمر بالمعروف والنهى عن المنكر

2- أزكى للنفس

*قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ *

3- لأن إطلاق البصر وراء كل الفواحش من أفلام وعادة سيئة وزنا مما يفعل من إستثارة جنسية

قال رسول الله صلى الله عليه وسلم"إن الله كتب على ابن آدم نصيبه من الزنا مدرك ذلك لامحاله فزنا العين النظر وزنا اللسان النطق والنفس تتمنى وتشتهى والفرج يصدق ذلك أو يكذبه
الشاهد قوله صلى الله عليه وسلم أن كل من أطلق بصره إلى الحرام زانيا ,
شوفت يا عمنا كل اللى بيبص على الحرام زااااااااااااااانى
لا حول ولا قوة إ لابالله







وفى النهاية
ضيعت نفسك دنيا وأخرة

يا راميا بسـهام اللحظ مجتهدا *** أنت القتيل بما ترمي فـلا تصب
وباعث الطرف يرتاد الشفاء له *** إحبس رسولك لا يأتيك بالعطب
عشان ده كله
ربنا أمرنا بغض البصر
عشان يحمينا من ده كله
تعالى نشوف حال السلف زمان

كان السلف بيبالغوا فى غض البصر عشان خايفين من فتنته والخوف من الوقوع فى عقوبته

قال الله تعالى: " قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنّ) سورة النور( 30-31)

قال ابن مسعود رضي الله عنه: ما كان من نظرة فإن للشيطان فيها مطمعا.

وكان الربيع بن خثيم رحمه الله يغض بصره، فمر به نسوة، فأطرق - أي أمال رأسه إلى صدره - حتى ظن النسوة أنه أعمى، فتعوذن بالله من العمى!!

قال ابن عباس في قوله تعالى: (يعلم خائنة الأعين) [غافر:19]، قال:

الرجل يكون في القوم فتمر بهم المرأة، فيريهم أنه يغض بصره عنها، فإن رأى منهم غفلة نظر إليها، فإن خاف أن يفطنوا إليه غض بصره، وقد إطلع الله عز وجل من قلبه أنه يود لو نظر إلى عورتها!!


وقال عيسى ابن مريم: النظر يزرع في القلب الشهوة، وكفى بها خطيئة.

شوفت كانوا بيخافوا من إطلاق البصر إزاى
لكن إحنا سايبين الحبل على الغارب
طيب هتقولى ماشى أنا مصدقك بس عاوز
الدليل على إن غض البصر ده فرض وواجب
ما شى يا سيدى






خد الادلة دى
أدلة وجوب غض البصر
أولاً: قال تعالى { قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ } النور 30 ،







وده طبعا أمرصريح بوجوب غض البصر للنساء والرجال،

ثانيا: قال رسول صلى الله الله عليه وسلم ( إن الله كتب على ابن آدم حظه من الزنا أدرك ذلك لامحالة ، فالعين تزني وزناها النظر واللسان يزني وزناه النطق والِرجلُ تزني وزناها الخطا، واليد تزني وزناها البطش والقلب يهوي ويتمنى، والفرج يصدق ذلك أو يكذبه) متفق عليه

>قال ابن القيم: فبدأ بزني العين لأنه أصل زنى اليد والرجل والقلب والفرج، ونبّه بزنى اللسان بالكلام علي زنى الفم بالقبل، وجعل الفرج مصدقاً لذلك ان حقق الفعل مكذباً له ان لم يحققه، وهذا الحديث من أبين الأشياء على العين تعصي بالنظر وإن ذلك زناها ففيه رد على ما أباح النظر مطلقاً .أهـ

ثالثاً: قال صلى الله عليه وسلم لعلي ابن أبي طالب رضي الله عنه ( ياعلي إن لك كنزاً في الجنة وإنك ذو قرينها فلاتتبعن النظرة النظرة، فإن لك الأولى وليست لك الآخرة) رواه أحمد.
ويفسره حديث جرير البجلي رضي الله عنه قال ( سألت النبي صلى الله عليه وسلم عن نظر الفجأة فأمرني أن أصرف بصري ) رواه مسلم.
>قال ابن القيم: ونظرالفجأة هي النظرة الأولى التي تقع بغير قصد من الناظر فما لم يتعمده القلب لا يعاقب عليه ، فإذا نظر الثانية تعمدا أثم... والتكرار كالاستدامة.أهـ



رابعا: قال رسول صلى الله الله عليه وسلم: ( إياكم والجلوس في الطرقات فقالوا: يارسول الله مالنا من مجالسنا بد نتحدث فيها؟؟؟ فقال: إذا أبيتم إلا المجلس فأعطوا الطريق حقه قالوا: ماحق الطريق يارسول الله؟ قال : غض البصر..) رواه البخاري وأحمد وأبو داوود
أهى دى أدلة وجوب غض البصر

طيب ياللا نعرف أضرار إطلاق البصر

1-بص يا سيدى اللى بيطلق نظره ده بيضر نفسه وبيضر المجتمع كله
أول حاجه: بيبقى زى الحيوان عفانا الله وإياكم
طيب بس بالراحه متزعلش كده
إنت لما بتبص على البنات بتبقى عبد لشهواتك وكل تفكيرك إزاى تفرغها صح ولا لأ
ثانى حاجه:اللى بيطلق بصره ربنا ورسوله بيبغضوه
تخيل إن ربنا بيكره ذكرك ويسيبك لنفسك ولشيطانك ويغضب عليك ولا يوفقك فى دراسه ولا فى شغل
يعنى فى الآخر هتضيع
وكمان رسول الله يوم القيامه تيجى على الحوض يقولك سحقا سحقا إنت اللى كنت بتعاكس البنات وليل ونهار أمام الأفلام الإباحية
تخيل الرسول بيسألك هترد تقوله إيه يا مسكين
ثالث حاجه:اطلاق البصر هيخلى قلبك مظلم ولك أن تتخيل إيه اللى هيحصل لك إذا أظلم قلبك خلاص هتلاقى الكرب والبلاء هتعيش على طول فى إكتئاب وتفكيرك مشغول فى تفاهات
رابع حاجه :هتتأخر فى الدراسه أو فى شغلك لأنك مش مركز غير فى شهواتك بس

خامس حاجه:إطلاق البصر هيتعب عينك ويخليها دايما مجهدة
تأكد بالدراسة أن من يطلق البصر للجنس الأخر يصاب جهازه التناسلى باحتقان وممكن يصاب بالهوس الجنسى ده غير الإكتئاب

سادس حاجه:اللى بيطلق بصره إلي الحرام هيبقى ضعيف الإرادة مش بيقدر يتحكم فى نفسه لإن اللى بيكتر من النظر للحرام بيوصل إلي مرحلة ضعف التحكم في النفس وعشان كده بتوديه نفسه للمهالك والأخطر من كده أنه بيوصل صاحبه إلي ضعف فى الدين وبالتالي يفرط فى الفروض ويبتدى طريق الهلاك

سابع حاجه :كثرة المشاكل الزوجيه من كتر البنات اللى فى الشارع بيروح الراجل يشوف مراته مع الأولاد وطبعا مش مهتمه بنفسها زى البنات يطلقها


ثامن حاجه .إنتشار الفواحش فى المجتمع وكثرة حوادث الإغتصاب مفيش أمان فى الشوارع وكمان إنتشار الزنا وزنا المحارم


تاسع حاجه:دخول الأزواج على المواقع الإباحيه ممكن تخليه يكتفى بالعادة السيئة ويترك زوجته مما يؤدى بها إلى الوقوع فى الزنا عن طريق النت أو غيره



أخر حاجه :إنشغلنا بالقضايا الجنسية ونسينا قضايا الأمة الهامة








طيب يلا نشوف العلاج من الإبتلاء ده

علاج من أبتلي بالنظر

1-راقب ربنا واستحضر عظمته وأنت تستحى تعمل الحرام






2- طبق الوصية النبوية ( إذا رأى أحدكم إمرأة أعجبته فوقعت في قلبه فليعمد إلى إمرأته فإن ذلك رد نفسه) رواه أبوداود
وفي لفظ مسلم ( كان معها مثل الذي معها)
>قال ابن القيم: فإن في ذلك التسلي عن المطلوب بجنسه والثاني: إن النظر يثير قوة الشهوة فأمر بتنقيصها بإتيان أهله ففتنة النظر أصل كل فتنة.
3-اعرف أن غض البصر هو عين الشجاعة وقهر النفس وإثبات للرجولة وأن إطلاقه وراء النساء مهانة وحقارة ونقص في الرجولة والشهامة.

4- خليك دايما فاكر مساوئها: قا ل إ براهيم:إذا أعجب أحدكم المرأة فليذكر مناتنها.رواه ابن شيبة

5-إفتكر جمال الحور العين وحسنهن وأن المرأة مهما وصل درجة جمالها لا تساوي معها شيئاً ومن ترك شيئاً لله عوضه الله خيراً منه ، قال تعالى { وَلَهُمْ فِيهَا أَزْوَاجٌ مُّطَهَّرَةٌ }البقرة 25 { حُورٌ مَّقْصُورَاتٌ فِي الْخِيَامِ }الرحمن 72 { وَكَوَاعِبَ أَتْرَاباً } النبأ 33 ، وقدجاء وصفها في الحديث ( يرى مخ سوقها من وراء اللحم ) متفق عليه





6- إعرف إن النظر بريد الزنى ، اللى بيكتر من النظر إلى جمال المرأة هيتمكن بسببه حبها من قلبه تمكن يكون سبب هلاكه ووقوعه في الزنى.

يلا نعالج أنفسنا ونفوق

ونعرف فوائد غض البصر

فوائد غض البصر
ذكر ابن القيم عشر فوائد منها:
1- تخلص وتنضف قلبك من الحسرة اللى بيسببها إطلاق البصر
>قال الأصمعي: رأيت جارية في الطواف كأنها مهاة فجعلت أنظر إليها وأملأ عيني من محاسنها ، فقالت لي: يا هذا ما شأنك؟ قلت: وما عليك من النظر ؟ فأنشأت تقول :
وكنت متى أرسلت طرفك رائدا ** لقلبك يوما أتعبتك المناظر
رأيت الذي لا كله أنت قادر ** عليه ولا عن بعضه أنت صابر

والنظرة تفعل في القلب ما يفعل السهم في الرمية ، فإن لم تقتله جرحته ، وهي بمنزلة الشرارة من النار ترمي في الحشيش اليابس فإن لم تحرقه كله أحرقت بعضه.

2- أنه بيورث القلب نورا وإشراقا يظهر في العين وفي الوجه وفي الجوارح كما إن إطلاق البصر يورثه ظلمة تظهر في وجهه وجوارحه ولهذا - والله اعلم - ذكر الله تعالى آية النور في قوله { اللَّهُ نُورُ السَّمَاوَاتِ وَالْأَرْضِ }عقب قوله
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ } النور 30






3- أنه بيورث صحة الفراسة، فإنها من النور وثمراته عشان لما بنغض البصر القلب بينور ولما بيطلق العبد نظره بيطمس القلب وبيظلم قال شجاع الكرماني: من عمر ظاهره باتباع السنة وباطنه بدوام المراقبة وغض بصره عن المحارم وكف نفسه عن الشهوات وأكل من الحلال لم تخطىء فراسته.
وكان شجاع لا تخطىء فراسته ، والله تعالى يجزي العبد على عمله بما هو من جنسه فمن غض بصره عن المحارم عوضه الله سبحانه وتعالى إطلاق نور بصيرته ، فلما حبس بصره لله أطلق الله نور بصيرته ، ومن أطلق بصره في المحارم حبس الله عنه بصيرته.

4- أنه بيفتح له طرق العلم أبوابه ويسهل عليه أسبابه وذلك بسبب نور القلب فإذا إستنار قلبه ظهرت فيه حقائق المعلومات وانكشفت له بسرعة ونفذ من بعضها ، ومن أرسل بصره تكدر عليه قلبه وأظلم وانسد عليه باب العلم وطرقه

5- أنه بيورث القلب سرورا وفرحة وانشراحا أعظم من اللذة والسرور الحاصل بالنظر ده عشان بيقهر عدوه وبيخالفه وبيخالف نفسه وهواه ، وكمان لما كف لذته وحبس شهوته وخالف نفسه الأمارة بالسوء عوضه الله سبحانه وتعالى مسرة ولذة أكمل منها .
> قال بعضهم: ( والله للذة العفة أعظم من لذة الذنب ) ولا ريب أن النفس إذا خالفت هواها أعقبها ذلك فرحا وسرورا ولذة أكمل من لذة موافقة الهوى بما لا نسبة بينهما وهاهنا يمتاز العقل من الهوى .

6- أنه بيخلص القلب من أسر الشهوة فإن الأسير هو أسير شهوته وهواه ومتى أسرت الشهوة والهوى القلب تمكن منه عدوه وسامه سوء العذاب، فهو إذن يفرح بالنظر ولا يدري أنه يهلك نفسه ويعرضها للعذاب !!!
7- أنه بيسد عليه باب من أبواب جهنم ، فإن النظر باب الشهوة اللى بتخليه يقع فى الحرام ، وربنا حرمه ومنعه واللى يغضب ربنا وبيستجيب لشهوته ورغبته هيستمر ينزل من غلط إلى غلط ومن معصية لمعصية
8- أنه يدل على قوة العقل عشان مبيطلقش بصره إلا من خف عقله وزاد طيشه وعدم النظر في العواقب ، لكن صاحب العقل القوي بيعرف إيه هى عواقب إطلاق البصر


9- أنه بيخلص القلب من سكرة الشهوة ولذة الغفلة ، فإن إطلاق البصر هيخليك دايما فى غفلة عن الآخرة
ويوقع في سكرة العشق ، كما قال تعالى عن عشاق الثور قوم لوط { لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ } الحجر 72
فالنظرة كأس من خمرة والعشق هو السكر ذلك الشراب وسكر العشق أعظم من سكر الخمر فإن سكران الخمر يفيق وسكران العشق قلما يفيق إلا وهو فى عسكر الأموات .
10- أنه سبب لدخول الجنة لحديث ( اكفلوا إلي بست اكفل لكم الجنة إذا حدث أحدكم فلا يكذب وإذا أؤتمن فلا يخن وإذا وعد فلا يخلف ، غضوا أبصاركم وكفواأيديكم واحفظوا فروجكم ) رواه الطبراني

إنتظرونا مع اللقاء القادم
مع عواقب العادة السيئة
خليييييك معـــانــــــا
  #5  
قديم 12-26-2010, 04:48 PM
راجية العزيز الرحيم راجية العزيز الرحيم غير متواجد حالياً
عضو جديد
 




افتراضي






الحلقــة الخامســـــة

نكمل
عرفنا من عواقب إطلاق البصر
الزنا والعادة السيئة
تعالوا نتكلم عن العادة السيئة
العادة السرية أو ما يسمى بالإستمناء:
وهو العبث في الأعضاء التناسلية بطريقة منتظمة ومستمرة بغية إستجلاب الشهوة والإستمتاع بإخراجها. وتنتهي هذه العملية عند البالغين بإنزال المني، وعند الصغار بالاستمتاع فقط دون إنزال لصغر السن.
ده تعريفها








طبعا الشاب لما بيشوف البنات والمارثون اللى فى الشارع والموضات والمكياجات وغيره
بيحصل له إستثاره جنسية
وبيبقى عاوز يفرغ شهوته
يعمل إيه وهو كمان مش متجوز بيلجأ للحكاية دى وكمان بيدمنها
طيب هتقلى هى حرام ليه هى مش زنا

هقولك إيه هية أدلة التحريم
تابع معايا


*** أدلة تحريم العادة السيئة *** :

1- قال الله تعالى :
" وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ "
(المؤمنون / 5- 7) .
قال الشافعي : لا يحل العمل بالذكر إلا في الزوجة أو في ملك اليمين ولا يحل الإستمناء . (كتاب الأم).

2- قال الله تعالى :" وَلْيَسْتَعْفِفِ الَّذِينَ لا يَجِدُونَ نِكَاحاً حَتَّى يُغْنِيَهُمُ اللَّهُ مِنْ فَضْلِهِ ... " (النور/32)
* استدل بعض أهل العلم على أن الأمر بالعفاف لمن لا يستطيع الزواج يقتضي الصبر عما سواه .
* والإستعفاف كما هو معلوم فطرة وشرعاً تنافيه العادة السرية .

3- عن عبد الله بن مسعود قال :
قال رسول الله (صلى الله عليه وسلم) :
" يا معشر الشباب من استطاع منكم الباءة (تكاليف الزواج والقدرة) فليتزوج فإنه أغض للبصر وأحصن للفرج , ومن لم يستطع فعليه بالصوم فإنه له وجاء (حماية من الوقوع في الحرام) .
(رواه البخاري) .
* فلو كانت العادة دى مش حرام كان النبى قال عليها للشباب بدل الصوم ولا إيه رأيك؟؟
فعن عائشة قالت " ما خير النبي (صلى الله عليه وسلم) بين أمرين إلا واختار أيسرهما ما لم يكن إثما " ,عشان كده هى إثم

4- استدل الفقهاء على حرمتها بالضرر المترتب عليها ، إذ القاعدة العامة تقول : كل ما ثبت ضرره ثبت تحريمه .
* قال رسول الله (صلى الله عليه وسلم) : " لا ضرر ولا ضرار "
(رواه ابن ماجه) .
فالحديث يدل على تحريم ومنع كل ما يضر، فتدخل العادة السرّية في عموم الحديث ؛ لأنه ثبت ضررها.

5- ويدل على تحريمها أيضا قول النبي (صلى الله عليه وسلم ) : " البر حسن الخلق ، والإثم ماحاك في الصدر وكرهت أن يطلع عليه الناس " (رواه مسلم) ، وهذه العادة القبيحة تورث إكتئابا وضيقا في الصدر وشعورا بالإثم ، ويكره فاعلها أشد الكراهية أن يعلم الذين يعرفونه أنه يمارسها ، فهي من الإثم .











دي أدلة تحريمها

إقرأها كويس و افهمها حتى لو كنت عارفها من قبل كدة
إحنا قولنا لا ضرر ولا ضرار دى قاعدة شرعيه
طيب ياللا نعرف إيه ضررها عشان نتأكد من إنها حرام شرعا



*** الأضرار التي تسببها العادة السرية *** :

ذكر أهل الطب أن العادة السيئة يترتب عليها الكثير من الأضرار ومنها :

* ضعف السائل المنوي حيث يصير رقيقاً
* ضعف عضو التناسل مما تسبب له عجزاً جنسياً
* تسبب عدم الشعور بالإشباع الجنسي (فقدان الشهوة)
* تسبب آلام شديدة في الظهر (يَخْرُجُ مِن بَيْنِ الصّلْبِ وَالتّرَآئِبِ)
* آلام في الركبتين والمفاصل
* ضعف البصر
* ضعف الأعصاب ورعشتها
* ظهور هالات سوداء حول العين
* إنها سبب رئيسي لإلتهاب الذكر والإلتهاب المنوي
* تؤثر على الألياف العصبية
* تسبب الصداع

* صفرة الوجه
* تضعف الذاكرة
* تسبب القلق
* تضعف الجسم
* تسبب إنحناء الظهر
* تسبب العقم
* تراخي عضو التناسل
* تورم غدة البروستات
* الشتات الذهني
* تزول الحياء والعفة .



و عليك معرفة حكم الله فيها وخطورة المعاصي، (فليحذر الذين يخالفون عن أمره أن تصيبهم فتنة أو يصيبهم عذابٌ أليم) [النور:63] وأن العادة دى بتسبب أمراض خطيرة منها السرطان والإلتهابات المزمنة، واللى بيسرف في ممارسة العادة دى بيعجز عن ممارسة حياته الزوجية، وأن هذه العادة لا تزيد صاحبها إلا جوعاً فهي تصريف غير طبيعي للشهوة

بعد كل الأضرار دى عاوز تكمل بدل ما تشكر ربنا على نعمة الصحة هضيع نفسك
هتقولى أخلص منها إزاى
خليك وتابع معايا وأنا هاقولك





الوسائل المعينة على التخلص من هذه العادة :

1 -إستشعر مراقبة الله تعالى لك و افتكر إن ربنا شايفك , لا تجعل الله أهون الناظرين إليك , واستحي من إن ربنا يشوفك وإنت فى الحاله دى
و هتعمل إيه لما يسألك يوم القيامة إنت عملت كذا يوم كذا؟ هتعرف تجاوب؟
لازم تكون نيتك مخلصه لله وإنك عاوز تطيع أوامره.






2 - بادر بالزواج أول ما يتوفر ليك من غير إسراف
3 - إعتدل فى الاكل والشرب عشان لا تثور الشهوة والرسول صلى الله عليه وسلم في هذا المقام أوصى بالصيام لمن لا يستطع الزواج في الحديث الصحيح.

4 -إبعد عن كل ما يثير الشهوة من أفلام وأغانى ومواقع إباحيه وتسكع فى الشوارع. .

5 - حافظ على الصلوات الخمس في الجماعة مع الإكثار من صلاة النوافل و إحرص على قضاء أكبر فترة بعيدا عن جهاز الكمبيوتر .



6 - أكثر من التوبة والإستغفار والصلاة على النبي صلى الله عليه وسلم و أكثر من الدعاء والإلحاح على الله أن يعينك على التوبة والتخلص من هذه المعصية .

7 - ابدأ مشروع حفظ القرآن الكريم حتى ولو آية واحدة يومياً و ابدأ من اليوم الحفظ و المراجعة .

8 - بالنسبة لجهاز الكمبيوتر :
أخرج الجهاز من غرفتك، واجعله في مكان عام بالمنزل كالصالة مثلاً.
إجعل إستعمالك للجهاز نهاراً أو ليلاً في وجود آخرين معك.
إجتهد قدر الإستطاعة ألا تستعمل الجهاز وحدك خاصة بالليل.
حدد هدفك من الجهاز قبل فتحه، فإن كان الهدف مشروعاً، فتوكل على الله، وإن لم يكن لديك هدف، فاعلم أنك ستدخل إلى هذه المواقع؛ فلا تفتح الجهاز للتسلية أو اللعب؛ لأن ذلك هو مدخل الشيطان الأول.
حدد عدد الساعات التي تريد أن تقضيها أمام الجهاز قبل فتحه، وألزم نفسك بهذا التوقيت مهما كانت الضرورة والأسباب.
حاول تقليل ساعات الإستعمال مع الأيام تدريجياً، حتى تتقدم


9 - أهم شيء إتخاذ القرار، ووجود الرغبة الصادقة، وعدم التردد، فخذ القرار.

10 - البحث عن عمل فيه جهد بدني لتفريغ الطاقات، والإهتمام بالرياضة و ممارسة الرياضة ، وعدم اللجوء إلى الفراش إلا بعد التعب الشديد وسيطرة النعاس و القضاء على الفراغ نهائيا لأنه السبب الأكبر .

11 - الحرص على الطهارة عند النوم، وترديد أذكار النوم واليقظة فهي تطرد الشيطان.

12 -إفتكر أن الإصرار على المعاصي قد يمنع صاحبه من التوبة والعودة إلى الله فيهلك.

13 - أن تعلم وتعتقد أنه ليس هناك داء أحط ولا أضر بصفات الرجولة من هذه العادة , وأنها عادة ذميمة قذرة وإذا لم يقلع عنها الشخص في الحال قد تتلف جسمه وعقله، وتقف ببينة وبين ما ينشده من كمال وصحة، وتؤدي به إلى الضعف التناسلي المؤلم .

14 -إفتكر دايما أن العادة السرية داء شديد"فلازم تقاومها بكل ماأوتيت من قوة وعزم، وأنت تستطيع أن تتغلب عليها في النهاية بتوفيق من الله تعالى .




15 - بلاش تقعد لوحدك لأن هذه العادة من عمل الوحدة وأثارها، فإذا تملكتك الرغبة، وسيطرت عليك فاغسل يديك ومعصميك بماء شديد البرودة واغمر رأسك ووجهك به وبلل به مؤخرة عنقك، والجزء الأخير من السلسلة الفقرية، ان شاء الله هتسيبك الرغبة دى
16 - لما تيجى تنام ابعد عن ذهنك كل المسائل الجنسية، وتجنب الأغطية الثقيلة، فإن الحرارة تولد التهيج، وخفف ملابسك وتجنب الأطعمة المهيجة، وخذ حمامًا نصف بارد قبل النوم، بحيث تجلس في الماء البارد على أن يغطي الماء الأعضاء التناسلية والفخذين، وبعد ذلك جففها بعناية .

17 - إزالة القناعات الخاطئة؛ لأن بعض الشباب يعتقد أن هذه الفعلة جائزة بحجة حماية النفس من الزنا، مع أنه قد لا يكون قريبا من الفاحشة أبدا!

18 - التسلح بقوة الإرادة والعزيمة، وألا يستسلم الشخص للشيطان، وتجنب الوحدة كالمبيت وحيدا!.

19 - الأخذ بالعلاج النبوي الفعال، وهو الصوم؛ لأنه يكسر من حدة الشهوة، ويهذب الغريزة!



20 - الإلتزام بالآداب الشرعية عند النوم، مثل: قراءة الأذكار الواردة، والنوم على الشق الأيمن، وتجنب النوم على البطن؛ لنهي النبي - صلى الله عليه وسلم - عن ذلك!

21 - بادر إلى الوضوء كلما راودتك نفسك وصلي ركعتين تقبل فيهما على الله بقلبك وعقلك وذلك لأن الوضوء يكسر حدة الشهوة والصلاة تنهى عن الفحشاء والمنكر .

22 - أن تعزم على تركها وأن تضع لنفسك عقاب شديد إذا رجعت إليها مرة أخرى .

23 - إفتكر أن الموت فإنه يأتي بغتة , أما سمعت عن شباب ماتوا أمام المواقع الإباحية , أما سمعت عن شباب ماتوا وهم يمارسون العادة السيئة , فاحذر أخي أن تموت على هذه الحالة , واعلم أنه من عاش على شيء مات عليه و من مات على شئ بعث عليه .

24 - الذهاب إلى المقابر واعلم أن القبر هو دارك غداً وتذكر أن القبر هو صندوق العمل .

25 - حضور دروس العلم والمحاضرات .

26 - تجنب لبس السراويل الضيقة .

27 - وأن تعلم أن حفظ الفرج سبب لدخول الجنة :
فقد قال رسول الله (صلى الله عليه وسلم) :" من يضمن لي ما بين لحييه وما بين رجليه أضمن له الجنة " (رواه البخاري) ,,




وعليك أخي عدم اليأس والمجاهدة وإلتماس العون من الله تعالى لتستطيع التغلب عليها , وتذكر دائماً قول الله تعالى : " اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ " .

بادر بالتوبة و لا تتأخر فقد تكون فرصتك الأخيرة فإن ضاعت ضاع كل شئ
وتذكر قول الله تعالى : " قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ " .

ياللا نتكلم على الإباحية

بس بعد الفاصل
تابعونا
  #6  
قديم 12-29-2010, 05:04 AM
أم الزبير محمد الحسين أم الزبير محمد الحسين غير متواجد حالياً
” ليس على النفس شيء أشق من الإخلاص لأنه ليس لها فيه نصيب “
 




افتراضي

جزاكِ الله خيراً
ولكن الموضوع مكرر
≈ لو عاوز أجمل و أحلى صور و أفلام ::::: مش هتقدر تغمض عينيك ≈
التوقيع



عنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
( وَالَّذِي نَفْسِي بِيَدِهِ ، لَا تَذْهَبُ الدُّنْيَا حَتَّى يَأْتِيَ عَلَى النَّاسِ يَوْمٌ لَا يَدْرِي الْقَاتِلُ فِيمَ قَتَلَ ، وَلَا الْمَقْتُولُ فِيمَ قُتِلَ ، فَقِيلَ : كَيْفَ يَكُونُ ذَلِكَ ؟ قَالَ : الْهَرْجُ ، الْقَاتِلُ وَالْمَقْتُولُ فِي النَّارِ )
موضوع مغلق

الكلمات الدلالية (Tags)
₪∫∫∫∫₪≈, ::, أجمل, محمد, أفلام, من, صور, عاوز, و


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

منتديات الحور العين

↑ Grab this Headline Animator

الساعة الآن 04:16 AM.

 


Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
.:: جميع الحقوق محفوظة لـ منتدى الحور العين ::.