الباذنجان المخلل زي المطاعم من مطبخي

[أم مُعاذ]

 

السلام عليكم ورحمة الله وبركاتة

انا بعشق البتنجان المخلل وكلته بميت شكل وجربت اشكال كتير اوي فيه وفي الاخر الحمد لله عملته زي المطاعم وماشاء الله عجب زوجي
المطلوب
1- اي كمية من البتنجان ممكن 5 بتنجانات

2-معلقة شطة حمراء

3-قرنين فلفل حار

4-عودين بقدونس

5-معلقة كزبرة نشفة

6- لمونة

7-رشة ملح

8- شوية خل حلويين

9- فصين توم مهروسين


الطريقة اقلي البتنجان عادي بعد ما تفتحيه من النص


حطي كله علي بعضه واحشيه بيه



والتكه اللي جيه دي جامده اوي


بعد ما تحشية رشي خل عليه كله واقلبي البتنجانه علي وشها يبقي وشها للخل


هتلاقي قلب البتنجانه بقي غامق وشارب الخلطة وطعمة راااااااائع وبالهنا والشفا

ولا تنسوني من دعائكم

[أم عبد الله]

وعليكِ السلام ورحمة الله وبركاته
تحفه يا أم معاذ تسلم ايديكِ
لكن ده مش البتنجان المخلل ،دا اسمه بتنجان بالدقة !

[أم مُعاذ]

انا اعرف ان اسمه بتنجان مخلل بس جربيه ان شاء الله هيعجبك اوي

[أم عبد الله]

انا بعمله وهو حلو فعلا لكن مبحطش بقدونس ولا كزبرة ،البتجان المخلل عندنا هو
بسلقه نص سلقه في ميه وبعدين احشيه فلفل مدوق وليمون وملح وبعدين احطه في علبة المخلل
وبعدين اغطيه بمحلول ملحي وليمون وبنجر مقطع لو في وبعد تلات ايام افتحي عليه هاتلاقيه
تحفه وبالهنا والشفاء!

[أم مُعاذ]

ماشاء الله جزاك الله خيرا يا ام عبد الله البتنجان المخلل بيكون مسلوق او محمر حسب ما تفضلين