كريم كراميل بطريقة سلب مضاعف00

[أم مُعاذ]

 

السلام عليكم ورحمة الله وبركاته

استغربتي م العنوان؟ ليكي حق بس اللي فهمتيه اننا هنعمل كريم كراميل صح؟طيب ندخل ع المقادير
المقادير:
اولا نفهم يعني ايه سلب ومضاعف 000 سلب هي اول حروف من:سكر لبن بيض ولازم تكون بالترتيب دة س ل ب ليه ؟هقولك
لاننا هنحط كمية السكرضعفها لبن وكمية اللبن ضعفها بيض فهمتوا حاجة؟يعني س ضعفه ل ضفه ب

مثلا: 1 كوب سكر 2 كوب لبن 4 بيضات +فانيليا طبعا

واضح كدة ياجماعة؟ اظن كدة مش هننسي المقادير وضاعفي المقادير زي ماانتي عايزة بنفس الطريقة
اول حاجة هنبتدي نعملها الكراميل : هنجيب حوالي كوباية سكر ونسيحها علي النار وبعدين نوزع الكراميل علي القوالب

بعد كدة هنحط اللبن يغلي علي النار

في الوقت دة علي ما اللبن يغلي هنجيب الخلاط ونحط فيه البيض والسكر والفانيليا نخلطه شوية مش كتير دقيقتين مثلا وشمي الخليط كويس اتأكدي ان مفيش ظفارة والا نزود فانيليا طبعا
ولما اللبن يغلي نصفي عليه الخليط دة (ليه نصفيه؟يمكن تكون قشرة بيض وقعت منك في الخلاط من غير ماتخدي بالك ولا حاجة) ونقلب اللبن علي خليط البيض والسكر

وبعدين نكون راصين القوالب في الصينية اللي هنسوي فيها وياريت تكون استانلس او تيفال عشان ماتغلبكيش في الغسيل لان الالمنيوم بتسود لو مافيش عادي اي حاجة
المهم نصب الخليط في القوالب وبعدين نحط مية مغلية في الصينية (حمام ماء) وندخلها الفرن لحد ماتجمد وتستوي

ولما يخرج من الفرن نسيبه يبرد ونحطه في التلاجة وساعة التقديم نسلك الحروف من فوق بحرف السكينة نحط عليه طبق ونقلبه فيه

وفي النهاية ارجو تكون المقادير والطريقة سهلة واتمني انكوا تجربوه وتقولولي رأيكوا
منقووووووول

[أم عبد الله]

بارك الله فيكِ

[مع الله]

فعلا طريقة سهله جدااااا

وبجد يا بنات طعمهل روووووعة واحسن من الجاهز
بس كترى الفانيليا شوية
تسلم ايدك يا ام معاذ