مشروع ال 3 جنيه
 

[color="#FF3399"][SIZE="5"]
مشروع ال 3 جنيه



السلام عليكم ورحمة الله وبركاته اخواتى فى الله


كل عام وانتن الى الله اقرب وعلى طاعته ادوم ..



باقى من الزمن اسبوع بس على شهر رمضان الكريم .. اللى دايما بنكون فى شوق له


واللى دايما بنستناه عشان نجبر تقصيرنا طول العام ونحاول نشحن فيه " البطاريه " ونتزود فيه بالزاد اللى يمكن كتير منا بيعيش عليه باقى السنه كلها



ورمضان زى ما كلنا عارفين شهر فضله عظيييييييييم .. النافله فيه بأجر الفريضه .. والفريضه فيه بأجر 70 فريضه



من فطر فيه صائما كان له مثل أجر الصائم .. يعنى لو فطرتى معاكى 2 كأنك صومتى رمضان 3 مرات .. مره صيامك انتى ومرتين بأجر اللى فطرتيهم من مالك او من طعامك



وانا هقولكم على فكرة مشروع ال 3 جنيه يمكن حد منكم يقدر يستفيد منها


3جنيه او 3 ريال او 3 دراهم باختلاف عملاتنا هى مبلغ بسيط جدا .. مش كده



مش صعب على اى حد فينا انه يدفع 3 ريال او 3 جنيه عنه وعن كل فرد من افراد اسرته



مشروع ال 3 جنيه فكرته انك بتجمعى من كل فرد تعرفيه 3 جنيه وكل فرد تعرفيه ينشر الفكره فى ميحط معارفه ويجمع هو كمان 3 جنيه من كل فرد بيعرفه وطبعا لانك بتحبى اولادك كمان فهتدفعى عنهم كل واحد 3 جنيه او ما تيسر لك من مال يعنى .. لانك اكيد تحبيهم هما كمان ياخدوا اجر افطار الصائمين ..



حصيلة هالمبلغ هناخده ونشترى بيه خضار يكفى 30 يوم ولحوم أو دجاج كمان تكفى 30 يوم ان شاء الله .. وحسب كيمة المبلغ النهائى هتقدرى تحددى كم فرد هتفطرى كل يوم



مثلا لو انا جمعت 300 ريال لو قسمتهم على 30 يوم رمضان هيطلع 10 ريال يعنى تقريبا اطعام فرد واحد .. اكون كده صومت رمضان مرتين


لو 900 مثلا اكون فطرت 3 افراد ... وهكذا



وكل لما تجتهدى انك تجمعى مبلغ اكبر وتوصل فكرتك لناس اكتر هتقدرى تفطرى عدد اكبر من الناس .. دى اول خطوه فى الفكره



تانى خطوه ... مين هيطبخ ؟؟



ممكن طبعا لو ظروفك مناسبه تطبخى انتى وتاخدى الاجر لكن طبعا تراعى ان موضوع الاكل ده ميعطلكيش عن الطاعه ولا ياخد من وقتك كتير .. طيب افرض ربنا كرمك بمبلغ كبير وقدرتى مثلا تفطرى فى اليوم 20 فرد



فى الحاله دى هنصحك تخلى واحده تطبخ لك بالاجر .. يعنى انا مثلا اختارت ست أمينة ونضيفه واتفقت معاها اجيب لها الخضار واللحوم او الدجاج وهى تطبخ كل يوم .. مقابل حاجه من اتنين ..



اما انها تاخد اجر يومى على الاكل ده ..



او انها تكون ضمن ال 10 افراد اللى هيوصلهم افطار يومى ..


وهى قررت الانسب لها ولظروفها



وحتى لا نُحرم اجر التعب فى اعداد الطعام وعشان نريح الست شويه وميكونش العبء كبير عليها



قررت اشترى كمية الخضار كلها مره واحده " خصوصا ان كل حاجه بتغلى على رمضان كمان " وهجتمع انا وكل اخواتى فى الله اللى اعرفهم ممكن يساعدوا فى الموضوع ده وهنضف الخضار ونحفظه فى اكياس زى ما بنعمل فى بيوتنا بالضبط ..


طبعا ده قبل رمضان بيوم او يومين .. منها نكون ساعدنا الست عشان متتعبش اوى ... ومنها نكون شاركنا فى اعداد الطعام كمان بدون ما نضيع ولا دقيقه فى رمضان ..



والله يا اخواتى الابواب اللى ممكن افتحها بينى وبين ربنا والله كتيره جدا .. وممكن تناسب ظروفى مهما كانت صعبه او مهما كنت مشغوله .. بس افكر ازاى ممكن اتقرب الى الله واكيد هلاقى سبل وطرق كتييييره جدا



خلى دايما ادام عنيكى قول الله عز وجل


" انفروا خفافا وثقالا "


بلاش نخلى الطاعه فى الاوقات اللى احنا فاضيين فيها وبس ... وبلاش نخلى الطاعه حسب ظروفنا ومدى انشغالنا فى او فراغنا وبس .. او حتى حسب امكانياتنا الماديه .. تقربى الى الله وانتى فاضيه ووانتى مشغوله .. وانتى تعبانه ووانتى صحيحه ..


" خفافا وثقالا "



بس بشوية تفكير وتعب قليل ممكن تلاقى مليون طريقه وطريقة تتقربى فيها الى الله .. وتدخلى السعاده على قلوب غيرك كتير ..


وافتكرى انك لو عيشتى لنفسك وحياتك وبس عمرك هينتهى بنهاية حياتك وموتك .. لكن لو عيشتى لغيرك وساعدتى غيرك .. عمرك هيمتد بعمر كل واحد ساعدتيه او كنتى سبب فى دخول السعاده قلبه وبيته ..



كل عام وكل اخواتى فى الله بخير يارب .. وربنا يجعله رمضان سعيد على كل امة الاسلام وخصوصا اهلنا فى فلسطين والعراق وكل مكان فيه مسلم مكروب او محزون او مهموم يارب العالمين ..


ويارب يكون من اكتر السنين اللى حسينا فيها اننا فعلا عبدنا الله بأقصى جهد كان ممكن نعمله ومنحسش اننا قصرنا كتير



كل عام وانتم بخير .. ويارب تكون الفكره وصلتكم واستفدتم منها ..



جزاكن الله خير الجزاء ..


أحبكن فى الله


وجزاها الله خيرا اختنا الغاليه صاحبة الفكره


الفكره منقوله للفائده[/SIZE][/color]

:a7bak: :a7bak: :a7bak:

[color="darkslateblue"][size="4"][b][center]
ما شاء الله

يا لها من قكرة

جزاكِ الله الفردوس الاعلي اختي الغاليه

واسأل الله سبحانه وتعالي ان يكون في ميزان حسناتك

بارك الله فيكِ[/center][/b][/size][/color]

فكره راااااااااااااااااااااائعه
جزاكم الله خيرا انتي وصاحبه الفكره
بارك الله فيكم جميعا

جزاكى الله خيرا فعلا فكره جميله

نفع الله بكى

[font=comic sans ms][size=5][color=blue]تبارك الله نفع الله بكِ يا غالية [/color][/size][/font]
[font=comic sans ms][size=5][color=blue]موضوع رائع ويثبت لفترة[/color][/size][/font]

ماشاء الله فكرة طيبة جدا بارك الله فيكِ

ونرجو توضيح كما ذكر الاخ ابو مصعب قولة ان الفريضة في رمضان ب 70 فريضة

جزاكى الله خير
بارك الله فيكى

[center][color="purple"][size="5"]جزاكى الله خيرا وجعله فى ميزان حسناتك[/size][/color][/center]

جزيتي الجنه اختي في الله ويا رب توفقنا لتنفيذ هذه الفكره الرائعه
:110:

[font="arial black"][size="4"][color="magenta"][b][center]جزاك الله كل خير ونفع بك[/center][/b][/color][/size][/font]